Issue link: https://maltatoday.uberflip.com/i/1414166
Il-Kultura politika u ekonomika fl-Università ta' Malta 22 IL-ĦADD 26 TA' SETTEMBRU 2021 • illum opinjoni Rafel Grima Rafel Grima huwa membru tal-Moviment Graffitti. M alta pajjiż mod- ern, kożmopolita u Ewropew. Issa sta għalina ż-żgħażagħ li naraw li l-modernizzazzjoni ta' pajjiżna ma xxekkilx l-iżvilupp soċjali, ekonomiku u kulturali tal-ġenerazzjonijiet preżenti u futuri. Il-mudell ekonomiku ta' dawn l-aħħar snin ra tkabbir kbir iżda ma indirizzax problemi soċ- joekonomiċi f 'pajjiżna bħall-pagi baxxi u l-kera. Inċaqalqu l-ħsieb rieqed Ir-relazzjoni bejn l-imprendituri, in-negozjanti, l-iżviluppaturi u l-klassi politika ġiet ikkonsagrata fi żwieġ inċestuż bejn il-privat u l-istat. Ħajjitna kkondizzjonata minn din l-intimità moħbija. Is-sistema politika Maltija żviluppat b'mod allarmanti f 'waħda neoliberali fejn it-tkabbir ekonomiku, il-liberalizzazzjoni tas-suq u l-profitti jiġu qabel is-saħħa fiżika u mentali, is-sigurtà ekonomika, il-libertajiet, u s-serħan il-moħħ. F'dawn iċ-ċirkostanzi storiċi huwa kruċjali li ż-żgħażagħ Maltin u Għawdxin, studenti u mhux, jaħdmu b'determinazzjoni kbira biex ibiddlu l-affarijiet. Kif qal il-Prof Oliver Friggieri meta kellem lill-gradwati l-ġodda fl- 1991, "jeħtieġ li tkunu intom li ċċaqalqu l-ħsieb rieqed, tqanqlu l-qlub biex iħossu, tieħdu t-tmun f 'idejkom u tressquna lejn jum ġdid." Irridu nbiddlu l-attitudni li tpoġġi l-interessi tal-it qabel l-interessi tagħna lkoll li ngħixu fuq din il-gżira. L-isfida li noħorġu mill-ġenn, it-taħwid u l-iskandli kontinwi ta' dawn l-aħħar sentejn tidher kbira wisq jekk ma nħarsux lejn il- kuntest u nsawru viżjoni ċara ta' kif għandna nipproċedu. Studenti Graffitti, bħala l-fergħa studenteska tal-Moviment Graffitti, qiegħda taħdem għal bidliet importanti għaż-żgħażagħ u l-pajjiż kollu. F'dawn l-aħħar xhur ħdimna fuq pjan strateġiku għall-ħarsien tal-futur tagħna bi proposti li jolqtu l-isfera ekonomika, id-drittijiet tan-nisa, u l-kultura akkademika. Fuq nett tal-aġenda nsibu l-proposta tal-Graffitti li togħla l-paga minima għal 60% tal-paga medja f 'Malta. Hemm ukoll il- kwistjoni tal-prekarjat tal-istudenti li jaħdmu waqt l-istudji tagħhom. Barra minn hekk, dawk minnhom li jikru fl-inħawi tal-Università jiffaċċjaw prezzijiet m'ogħla s-sema. Sadattant, biex jaħdmu jitilfu mill-profondità li joffru l-iżvilupp akkademiku u l-ħsieb kritiku. Din il-morsa tiġġenera wkoll il-biża' li fil-futur se jbatu sabiex isibu post diċenti fejn jgħixu. L-edukazzjoni terzjarja, li normalment narawha bħala s-salvazzjoni ta' ħafna żgħażagħ, qiegħda toħloq il-paradossi tagħha stess. L-insistenza li nidħlu l-Università jew l-MCAST biex nakkwistaw lawrja mhijiex tissarraf b'mod dirett f 'sigurtà ekonomika. Hawnhekk l-Università ta' Malta taħti wkoll. Il-viżjoni tagħha hija mfassla fuq l-individwaliżmu, viżjoni purament neoliberali li tħares lejn in-nies bħala individwi minflok tnissel fihom sens komunitarju. Fittex iggradwa ħalli jekk tkun iffurtunat jew ikollok kuntatti tajbin, issib xogħol tajjeb fil-linja tiegħek. Xogħol fis-Sajf Minkejja n-numru ta' programmi tajbin għall-istudenti biex jaħdmu fis-sajf jew fix-xitwa ma' kumpaniji jew entitajiet differenti, qed isir abbuż minn dan il-kapital ta' ħaddiema ġodda. Hemm numru ta' studenti dentisti, infermiera, qwiebel u social workers li waqt il-kors tagħhom ikollhom jagħmlu xi forma ta' placements jew internships mingħajr ħlas jew bi ħlas minimu. Fl-MCAST hija prassi li l-istudenti li jagħmlu apprentistat matul il-kors tagħhom jitħallsu b'rata miżera u ferm inqas mill- paga minima. Ħafna minnhom jitħallsu anki bir-rata ta' €1.30 fis-siegħa. Jekk l-istituzzjonijiet edukattivi għandhom tant għal qalbhom li jitfgħu lill-istudenti fuq il-lant tax-xogħol, ma nistgħux nimu kif isibuha diffiċli jaraw li l-istudenti jitħallsu b'mod xieraq. Il-problemi ekonomiċi li qed iħabbtu wiċċhom magħhom l-istudenti Maltin huma intimament konnessi mal- kwistjoni tal-kera. Hemm numru sostanzjali ta' studenti Għawdxin u Maltin li jbatu biex isibu kirjiet li jifilħu jħallsu. Huwa surreali li ċerti studenti jkollhom jgħixu f 'appartamenti b'kirjiet ta' €500 jew €600 fix-xahar meta dawn ma jkunux jaħdmu full-time. Jidher li l-prezzijiet tal- kmamar fil-Campus Hub il-ġdid li qed jinbena fl-Università huma għoljin wisq għall- istudenti lokali. Fil-konvenzjoni 'Vuċi Ġdida' li organizza l-KSU, studenta Għawdxija staqsiet lir-rettur jekk ħasbux fl- istudenti Maltin meta ppjanaw dan il-kumpless. It-tweġiba kienet li l-akkomodazzjoni hija maħsuba għal studenti barranin. F'sitwazzjoni fejn hawn numru dejjem jikber ta' studenti li qegħdin jagħżlu li jgħixu qrib l-Università, huwa xokkanti li t-tmexxija ta' din l-istituzzjoni qiegħda tinjora l-problema tal- aċċess għal kmamar affordabbli. Aħna konxji li l-Università u l-KSU jissussidjaw il-kirjiet ta' ċerti studenti. Din l-għajnuna għandha valur iżda mhijiex l-aħjar strateġija għax ma tindirizzax il-problema tal- prezzijiet għoljin tal-kera. Studenti Graffitti jemmen li għandha tkun prerogattiva tat- tmexxija tal-Università ta' Malta li toffri akkomodazzjoni bi prezz raġonevoli, mhux għal studenti li jiġu minn barra biss imma għall-istudenti kollha. L-Università Supermarket Dawn iż-żewġ kwistjonijiet huma mera tal-viżjoni neoliberali tal-Università ta' Malta. Qed indawru l-ogħla istituzzjoni edukattiva f 'supermarket. Jgħodd biss dak li jolqot l-għajn, li tixtri bl-addoċċ mingħajr ma tqis il-kwalità tal- prodott, tikkonsma u terġa' tmur tixtri bl-istess għamad. X'ħa jiġri mill-edukazzjoni u l-ħajja studenteska tagħna jekk l-Università tibqa' tespandi b'rata mgħaġġla mingħajr ma tqis il-konsegwenzi? Ħa jiġrilna bħal universitajiet Ewropej oħra li jispiċċaw ma jlaħħqux mal- ħtiġijiet ekonomiċi u akkademiċi tal-istudenti tagħhom? X'ħa jiġri minna wara li niggradwaw? Jeħtieġ li dawn il-mistoqsijiet nagħtuhom ftit tal-ħsieb. Bħala Studenti Graffitti se nkunu fuq quddiem nett biex nindirizzaw dawn il-problemi ekonomiċi. L-edukazzjoni tagħna mhijiex prodott li tista' tbigħ u tixtri fuq is-suq. Hija ferm iktar profonda u għandha ttejjeb ħajjitna mhux biss fejn jidħol ix-xogħol imma anke fuq livell personali u tagħtina d-dinjità li jixirqilna.