Issue link: https://maltatoday.uberflip.com/i/1474368
16 opinjoni IL-ĦADD 24 TA' LULJU 2022 • illum Alex Agius Saliba Lejn soċjetà aktar inklussiva Alex Agius Saliba huwa Ewroparlamentari tal-Partit Laburista I l-ġimgħa l-oħra fil-Par- lament Ewropew kellna ġimgħa pożittiva ħafna li qed tkompli tressaqna lejn aktar apprezzament għall-bżonnijiet ta' persuni b'diżabilita' li sfortu- natament għadhom jesperjenzaw bosta diffikultajiet biex jgħixu ħajja normali fis-soċjetajiet tagħ- na. Nafu bħala fatt li fl-Unjoni Ewropea għandna 'l fuq minn 100 miljun persuna b'diżabilità li s-sit- wazzjoni tagħhom tvarja minn Stat Membru għal ieħor, iżda ġeneralment huma aktar probab- bli li jkunu esposti għall-esklużjo- ni soċjali, il-faqar u l-qgħad. Dan m'għadux aċċettabbli f 'Ewropa moderna u f 'Unjoni Ewropea li tħaddan il-prinċipji tad-diversita', l-inklużjoni u l-ugwaljanza. Fl-ewwel istanza nagħmel referenza għar-rapport li kont qed naħdem fuqu matul dawn l-aħħar xhur li jittratta propju s-suġġett ta' kif ser naslu biex nagħtu aktar drittijiet ugwali għal persuni b'diżabilita'. Nemmen li x-xogħol huwa element kruċjali fil-ħajja tagħna, għaliex jagħtina identita' u skop li jgħinna nħossuna parti integrali mis-soċjeta'. Fuq kollox meta wieħed ikollu impjieg jikseb għixien indipendenti u jkun parteċipi b'mod sħiħ u effettiv fl-iżvilupp soċjali u ekonomiku ta' pajjiżu. Bħala Unjoni Ewropea u anke bħala Stati Membri konna kkonfermajna l-prinċipji tagħna u ntrabatna b'obbligu permezz tal-Konvenzjoni tan-Nazzjonijiet Uniti dwar id-Drittijiet tal-Persuni b'Diżabilità li fost oħrajn titlob li jsir kull sforz possibbli biex il-persuni b'diżabilità jkunu jistgħu jsibu impjieg f 'suq tax-xogħol miuħ. Għaldaqstant f 'dan ir-rapport li ħejjejt rajt li tkun inkluża sejħa fuq il-Kummissjoni Ewropea sabiex tassigura li jkun issorveljat l-iżvilupp fl-Unjoni Ewropea dwar it-twettiq ta' dawn l-obbligi, biex twettaq riċerka dwar forom protetti ta' xogħol u biex tikseb għarfien dwar kemm persuni b'diżabilità għandhom impjieg fis-suq tax- xogħol miuħ. Dawn il-passi jridu jkunu l-bażi ta' ħidma futura u kontinwa li rridu nwettqu sabiex fost affarijiet oħrajn nassiguraw li nnaqqsu l-faqar fost dawk li jaħdmu u biex aktar persuni b'diżabilita' jkollhom aċċess aktar miuħ għas- suq tax-xogħol. Sodisfatt li dan ir-rapport ġie approvat b'vot b'saħħtu ħafna fil- Kumitat tal-Petizzjonijiet u li ser ikun qed iservi ta' boxxla għall- politika li rridu nwettqu f 'dan ir- rigward fuq livell Ewropew. Huwa d-dmir tagħna li nippromwovu l-inklużjoni soċjali u ekonomika u l-parteċipazzjoni tal-persuni b'diżabilità fis-soċjetà, ħielsa mid- diskriminazzjoni u b'rispett sħiħ tad-drittijiet tagħhom fuq bażi ugwali ma' ħaddieħor. Dejjem nisħaq li l-ħidma li qed inwettqu hija waħda li trid tmexxi bl-eżempju, u b'sodisfazzjoni matul din il-ġimgħa nnotajt ukoll bi pjaċir li għall-ewwel darba, il-Parlament sar aktar aċċessibbli għall-persuni b'diżabilita' hekk kif bdiet tingħata aċċessibilita' għall-speech-to-text fil-Kumitati, biex b'hekk issa persuni neqsin mis-smigħ u dawk fuq l-ispettru tal-awtiżmu fost oħrajn, ser ikunu jistgħu jsegwu wkoll ix-xogħol li nkunu qed nagħmlu u b'mod dirett ser ikunu jistgħu jaqraw dak kollu illi jkun qed jingħad fil-Parlament. Dan l-iżvilupp huwa it mill- frott ta' sentejn xogħol li wettaqt bħala Viċi-President tal-Kumitat tal-Petizzjoniet u żewġ rapporti li mexxejt 'il quddiem dwar id- drittijiet ta' persuni b'diżabilita'. ****** Pero' apparti minn hekk, din il-ġimgħa kellna wkoll aħbarijiet pożittivi fejn jidħol pajjiżna u dak li l-Gvern Malti qed jagħmel biex isaħħaħ l-inklużjoni soċjali ta' persuni b'diżabilita'. Matul din il-ġimgħa, il-Ministru għall- Inklużjoni, il-Volontarjat u d-Drittijiet tal-Kosumatur Julia Farrugia Portelli, ingħaqdet miegħi fil-Parlament Ewropew għal Konferenza li ospitajt dwar il-ħolqien ta' Spazji Autism-friendly. Matul din il-konferenza li ġiet organizzata minn Autism Europe ġie diskuss kif nistgħu nadattaw servizzi u postijiet eżistenti sabiex jilqgħu persuni bl-awtiżmu, u hawnhekk il-Ministru fissret kif Malta qed tattwa l-Istrateġija Nazzjonali tal-Awtiżmu b'bosta inizzjattivi li jixhdu r-rieda politika tal-Gvern li joħloq soċjeta' aktar inklussiva. Fissirt is-sodisfazzjon tiegħi għall-fatt li pajjiżi qiegħed ikun minn ta quddiem bi proġetti u skemi għall-ħolqien ta' spazji li huma adattati biex jilqgħu nies bl- awtiżmu, inizzjattivi li fl-aħħar mill- aħħar qed jgħinu biex jeliminaw l-istigma negattiva li teżisti. Din l-inizzjattiva ġiet imfaħħra minn Aurélie Baranger, id-Direttur ta' Autism Europe, li fissret kif pajjiżna qed jieħu approċċ proattiv u uniku li qed iwassal biex jagħmel id- differenza meħtieġa, u li l-proġett ta' Malta għandu jiġi integrat f 'pajjiżi Ewropej oħra. ****** Din mhux l-unika aħbar pożittiva li deher fiha pajjiżna matul l-aħħar żmien fejn jidħol is-settur tad-diżabilita'. Minkejja li huwa l-iżgħar Stat Membru tal-Unjoni Ewropea, pajjiżna qiegħed ikun meqjus bħala mudell uniku fl-isfera internazzjonali fejn jidħlu testijiet ta' smigħ mingħajr ħlas. F'konferenza tal-aħbarijiet Patrick D'Haese, il-Kordinatur Internazzjonali tal- Hearing Health Forum faħħar lil pajjiżna għall-ħidma pro-attiva tal- proġett pilota ta' testijiet tas-smigħ bla ħlas li, mexxejna 'l quddiem flimkien jiena u l-Ministru Julia Farrugia Portelli matul is-sena li għaddiet. Permezz ta' dan il-proġett, għall-ewwel darba pajjiżna seta' jiem kif il-problema tan-nuqqas tas-smigħ qed taffettwa l-ħajja ta' bosta Maltin. Bħala President tal-Forum tas-Smigħ tal-Unjoni Ewropea u r-Relatur tal-Parlament Ewropew għar-rapport dwar il-protezzjoni tal-persuni b'diżabilità ninsab ferm sodisfatt li Malta qed tkun proattiva u tieħu dawn it-tip ta' inċentivi li permezz tagħhom qed inkomplu nippromwovu s-saħħa tas-smigħ bl-aqwa mod possibbli, billi nippromwovu prattika ta' kura professjonali, inżidu l-edukazzjoni u l-għarfien pubbliku, nappoġġjaw ir-riċerka u niffaċilitaw l-aċċess għal teknoloġiji innovattivi, filwaqt li naqsmu l-aħjar prattiċi bejn l-Istati Membri. Permezz ta' din il-ħidma wiesgħa u l-bosta inizzjattivi oħra li qegħdin jittieħdu, pajjiżna qed ikompli jiżgura li bil-fatti jkun il-wiċċ tal- inklużjoni.