IL-ĦADD 19 TA' FRAR 2023 • illum
aħbarijiet
Ilwien, briju u kulur
fin-Nadur hekk kif
jibda l-Karnival
Il-Karnival spontanju tan-Nadur beda
il-Ġimgħa filgħaxija fil-pjazza ewlenija
u t-toroq prinċipali tan-Nadur. Filwaqt
li kellna temp mill-aqwa, in-nies ma
qagħdux lura milli jipparteċipaw bi
ħġarhom u bil-karatteristiċi uniċi
kollha li jġib miegħu dan il-Karnival
spontanju.
Dan kollu jawgura tajjeb ħafna għall-
erbat ijiem li fadal tal-Karnival fejn kull
filgħaxija sa nhar it-Tlieta f 'nofsillejl,
in-Nadur ikun jixgħel bl-ilwien, briju,
u spontanjetà li joffri biss il-Karnival
spontanju tan-Nadur.
Intant illum il-Ħadd il-Belt Valletta
se tkun ikkaraterizzata minn attivitajiet
tal-Karnival li jibdew mill-10:00 a.m
b'kompetizzjonijiet fi Pjazza San Ġorġ,
bil-karrijiet trijonfali imbagħad jibdew
l-isfilata madwar it-toroq ewlenin tal-
Belt Valletta.
Iktar tard tkompli l-parata bis-sehem
tar-Re tal-Karnival, bl-attivitajiet jibqgħu
għaddejjin sa tard bil-lejl. Wara nofsinhar
fil-Belt Valletta wkoll se ssir il-Qarċilla.
Għalhekk illum il-Belt Valletta se tkun
mimlija kulur, briju u allegrija li wieħed
ma għandux jitlef.
