Issue link: https://maltatoday.uberflip.com/i/1503367
opinjoni IL-ĦADD 28 TA' MEJJU 2023 • illum 16 illum • IL-ĦADD 28 TA' MEJJU 2023 analiżi opinjoni IL-ĦADD 9 TA' LULJU 2023 • illum S ena wara li attivisti kkonċernati ngħaqdu kontra l-invażjoni ta' deckchairs u umbrelel f 'Kemmuna, ġew esposti fatti ta' operazzjoni ġdida ta' tqegħid ta' deckchairs, din id-darba, ħdejn xagħri (garigue) protetti, li jqajmu tħassib ambjentali ink- wetanti kbir. B'mod tal-għaġeb, operatur ta' deckchairs waqqaf ħanut mingħajr permess, bla ma biss ikkunsidra l-ekosistema fraġli li hemm f 'Kemmuna. L-NGOs ambjentali saħqu qatigħ dwar il-qerda ta' dan l-ambjent uniku ta' din il-gżira, rikonoxxuta bħala żona speċjali ta' konservazzjoni kif ukoll santwarju tal-għasafar, iżda, oħroġ l-għageb - u fil-verità affarijiet li ma jitwemmnux - il- Ministru għat-Turiżmu Clayton Bartolo iddefenda dan l-aġir u issokta skiet perfett min-naħa tal-ERA. It-tqegħid ta' deckchairs mingħajr permessi ħdejn xagħri protetti jirrappreżenta ksur flagranti tar-regolamenti ambjentali. L-NGOs irrappurtaw din it-trasgressjoni b'mod diliġenti lill-awtoritajiet relevanti u b'rizultat ta' dan, ħarġet din l-istqarrija dgħajfa u akka mill- Awtorità tal-Ippjanar li ma tqisx dan id-diżastru bħala "żvilupp illegali". B'din ir-risposta bqajna kollha ċċassati! L-esperti jikkundannaw b'mod inekwivoku l-impatt detrimentali tad-deckchairs fuq il-ħabitat daqshekk delikat ta dan ix-xagħri kostali, imbagħad l-Awtorita' tal-Ippjanar toħroġlok stqarrija hekk... Inkredibbli! Dawn l-ekosistemi vitali, ikkaratterizzati minn arbuxelli u pjanti li jikbru bil-mod, huma taħt theddida diretta mill-preżenza ta' deckchairs, it-'trampling' u d-degradazzjoni sussegwenti taż-żona. Is-silenzju tas-suppost għassiesa tal-ambjent quddiem protesti ħarxa mill- NGOs huwa kemm perplessi kif ukoll ta' tħassib profond. B'mod inkwetanti, it-tqegħid tad-deckchairs li qed ikompli jsir mingħajr il-permessi meħtieġa jkompli jesponi n-nuqqas ta' rispett li għandu l-Gvern għal- liġi. Jista' jkun li hemm min qed forsi jitħanżer? Birdlife Malta u Nature Trust, difensuri qawwija tal-ambjent, jenfasizzaw b'mod enfatiku n-nuqqas ta' permessi u jħalluna niddubitaw l-integrità u l-impenn tal-Gvern li jħares l-'istandards' ambjentali. Il-Moviment Graffitti, grupp attivist riżolut jikkundanna n-nuqqas ripetut tal-Gvern sabiex jindirizza din il-kriżi ambjentali. Bi dritt iżżomm lill-Ministru għall-Ambjent, Miriam Dalli, responsabbli għall-kompliċità tagħha fil-qerda tal-ambjent naturali tagħna. Jekk l-awtoritajiet jibqgħu jinjoraw ir-responsabbiltajiet tagħhom, il- pubbliku ma jkollux għażla ħlief li jieħu l-affarijiet f 'idejh. It-tentattiv dgħajjef tal- Ministru Clayton Bartolo biex jiġġustifika s-sit tad-deckchairs billi jsostni li huma mqiegħda fuq il-blat, mhux fuq il-xagħri protetti, huwa tentattiv dgħajjef biex ixejjen din il-kritika, però l-esperti ambjentali jikkontestaw bil-qawwa din it-tweġiba, filwaqt li jindikaw l-impatt detrimentali fuq l-abitat, ir-riskju ta' żibel, u t-theddida sussegwenti għall- bijodiversità lokali. Il-proċess ta' applikazzjoni li għaddej bħalissa u r-rilokazzjoni tal-bejjiegħa jenfasizzaw aktar l-impenn ipokritu tal-Gvern għall-protezzjoni ambjentali. Is-silenzju jtarrax tal-Awtorità tal-Ambjent u r-Riżorsi, quddiem it-tħassib li dejjem qed jiżdied, huwa daqqa ta' ħarta liċ-ċittadini ikkonċernati sabiex japprezzaw il-wirt naturali tagħhom. Il-fuljett tal-Awtorità stess jagħti l-importanza tal- ekosistemi tal-xagħri għall- bijodiversità u s-servizzi tal- ekosistema, imma fl-istess waqt, jibqa' dan is-silenzju li jtarrax. Wasal iż-żmien li l-Gvern iżomm kellmtu, jieħu azzjonijiet xierqa, juri trasparenza u jipprovdi tweġibiet ċari dwar il-legalità ta' dan l-operat tad- deckchairs. Aħna, bħala ċittadini, nitolbu responsabbiltà immedjata mill- Gvern. L-ambjent ma jistax jiflaħ aktar degradazzjoni u indifferenza nkallata li qed naraw. Il-gvern irid jindirizza dan it-tħassib ambjentali, iwaqqaf l-operat illegali tad-deckchairs minnufih u jagħti prijorità lill- preservazzjoni tal-ekosistema fraġli ta' Kemmuna. Jekk ma jagħmilx hekk tkun ammissjoni tal-inkompetenza tiegħu u insult għal dawk kollha li jgħożżu l-ambjent naturali tagħna. Iż- żmien għall-bidla huwa issa. Nagħlaq billi nerġa ntenni, li jekk mhux kapaci jmexxi u jiehu d-deċiżjonijiet meħtieġa, iwarrab u jħalli f 'idejn ħaddieħor. L-Omertà kontinwa tal-Gvern: Il-kxif tal-verità dwar il- kriżi ambjentali ta' Kemmuna Sandra Gauci hija ċ-ċhairperson tal-ADPD Sandra Gauci Il-gvern irid jindirizza dan it-tħassib ambjentali, iwaqqaf l-operat illegali tad- deckchairs minnufih u jagħti prijorità lill-preservazzjoni tal-ekosistema fraġli ta' Kemmuna