Issue link: https://maltatoday.uberflip.com/i/1504228
Alex Borg 11 opinjoni IL-ĦADD 23 TA' LULJU 2023 • illum Li l-ħajja għoliet mhijiex perċezzjoni imma realtà T mur fejn tmur, tiltaqa' ma' min tiltaqa, f 'Malta u kif ukoll f 'Għawdex jgħidulek li l-ħajja għoli- et. Iva, għax li l-ħajja għoliet huwa fatt u mhux perċezzjoni. Huwa fatt, li mill-kbir saż-żgħir, iż-żieda fil-prezzijiet qed iħossuha meta jagħmlu x-xirja tagħhom mill-ħa- nut tal-merċa. Min it iktar u min it inqas, imma ż-żieda fil-prez- zjiet qed iħossa kulħadd meta jiekol barra. Iż-żieda fil-prezzjiet qed tinħass bil-qawwi wkoll meta wieħed jixtri l-mediċini. Mill-kbir saż-żgħir, qed iħossha kuljum f 'kull attività illi jagħmel. Din ir-realtà li pajjiżna qed ngħixu ta' kuljum hi ikkawżata primarjament mill-inflazzjoni li baqgħet tippersisti. Iva, għaliex xhur ilu kien intqal li bħal dan iż-żmien l-inflazzjoni kellha terġa' tiġi lura għan-normal. Dan ma seħħx. Fil-fatt statistika proviżorja dwar l-inflazzjoni turi li għax- xahar ta' Ġunju l-inflazzjoni kellha rata ta' 5.5%, li tfisser tnaqqis ta' 0.6% mix-xahar ta' qabel. Rata li hi meqjusa għolja u trid titbaxxa ferm aktar biex tkun aċċettabbli. Minħabba din ir-rata għolja ta' inflazzjoni, il-banek qed jibqgħu għaddejjin bil-pjani li jkomplu jżidu ir-rati ta' interessi, bil-konsegwenzi kollha li dan jġibu magħhom. Inflazzjoni li qed tirrifletti ruħha f 'żieda konsiderevoli fil-prezzijiet. Ċifri tal-NSO juru li l-prezzijiet għal djar privati żdiedu b'7.11% fuq Frar tal-2022. L-ogħla rati ta' inflazzjoni annwali fi Frar 2023 kienu rreġistrati fid- djar (14.27%) u fl-ikel (12.19%). Min-naħa l-oħra, l-inqas rati ta' inflazzjoni annwali kienet reġistrata fl-ilma, elettriku, gass u uwils (xejn) u trasport u komunikazzjoni (1.96%). Madankollu, huwa l-ikel li ħoloq l-akbar żieda fl-indiċi (+2.62 punti perċentwali). It-tieni u t-tielet l-akbar impatt tkejjel fl-indiċi tad-djar (+1.13 punti perċentwali) u l-indiċi l-oħra ta' oġġetti u servizzi (+0.65 punti perċentwali), prinċipalment minħabba prezzijiet ogħla tas-servizzi ta' manutenzjoni tad-djar u prodotti tat-tindif, rispettivament. Waħidhom, l-ikel ammonta għal 15.6% taż-żieda annwali tal-RPI, filwaqt li s-servizzi tar-ristoranti u l-ikel takeaway ammontaw għal 5.89% tal-RPI totali. Kien l-indiċi tad-djar li rreġistra l-ogħla rata ta' inflazzjoni annwali ta' 14.27%, li minnhom il-kera rreġistrat rata annwali ta' 8.85%. Materjali għall-manutenzjoni tad-dar irreġistraw rata annwali ta' 13% u s-servizzi għall-manutenzjoni tad-dar irreġistraw rata annwali ta' 17.39%. Dan qed jwassal biex illum 17% tal-poplazzjoni Maltija qed jilagħbuha mal-faqar u jgħoddu sal-inqas ewro biex iwasslu sal-aħħar tax-xahar. U f 'dan il-komponent tas-soċjetà Maltija hemm pensjonanti, persuni li jrabbu t-tfal waħedhom u familji kbar. 6.4% tan-nies f 'riskju ta' faqar huma nies li qed jaħdmu u xorta waħda mhux jgħixu ħajja dinjituża. Huwa fatt li ż-żieda li pajjiżna qed esperienza, hija xorta inqas minn dik ta' pajjiżi fl-Ewropa. Huwa fatt ukoll, però, li meta ssir dik il-komparativa irridu nżommu f 'moħħna li l-pagi, salarji u purchasing power ta' ċittadini Ewropej huma differenti minn dawk tal-ħaddiema Maltin. Huwa fatt ukoll li ż-żieda fil-prezzijiet hija atribwita wkoll ghall-gwerra ta' bejn l-Ukrajna u r-Russja. Però, l-Gvern ma jistax jibqa' jinħeba warajh u jġibu bħala skuża. Hemm bzonn ta' azzjoni u direzzjoni biex l-ekonomija lokali terġa' tiġi fuq saqajha. Hemm bżonn ta' ideat friski u proattivi biex il-faxex l-aktar vulnerabbli tas-soċjetà Maltija ma jibqgħux jinfnew bil- piż tal-għoli tal-ħajja. Ideat li għandhom jixprunaw setturi importanti fosthom it- turiżmu, is-settur finanzjarju, il-manifattura kif ukoll id- dinja diġitali u innovativa. Ideat li għandhom jixprunaw l-investiment barrani. Ideat li ghandhom jiggarantixxu xogħol lill-ġenerazzjoni ta' llum u wisq aktar ta' għada. Ideat li m'għandhomx jiġu biss f 'żieda għall-għoli tal- ħajja (COLA) imma wkoll kif ħeġġet sena ilu l-Assocazzjoni ta' min Iħaddem (MEA) billi ssir prijorità fil-proġetti kbar illi l-Gvern jidħol għalihom. Billi jittieħdu deċiżjonijiet li ma jkollox riperkussjonijiet fuq min iħaddem. Billi wkoll jittieħdu deċiżjonijiet li ma jarawx biss sa xifer imniħirna. Jeħtieġ li l-Gvern ikun proattiv. Jeħtieġ li l-Gvern ma jaħbix l-pjaga tal-għoli tal-ħajja taħt it-tapit. Hemm bżonn li l-Gvern jaġixxi, illum qabel għada. Jaġixxi billi jieħu azzjoni li verament tindirizza l-inflazzjoni. Li verament tixpruna l-ekonomija. Li verament twassal għal normalizzazjoni fl-għixien tagħna. Illum 17% tal-poplazzjoni Maltija qed jilagħbuha mal-faqar u jgħoddu sal-inqas ewro biex iwasslu sal-aħħar tax-xahar. U f'dan il-komponent tas-soċjetà Maltija hemm pensjonanti, persuni li jrabbu t-tfal waħedhom u familji kbar Alex Borg huwa kelliem tal-Oppożizzjoni għal Għawdex