Issue link: https://maltatoday.uberflip.com/i/1531606
13 arti u kultura IL-ĦADD 19 TA' JANNAR 2025 • illum Il-gazzetta ILLUM hija megħjuna mill-Kunsill Malti għall-Arti Tricia Dawn Williams tippreżenta t-tieni kunċert mis-sensiela ToyPiano+ Il-kummiedja maqsuma fi tliet atti, Il- Możares ta' Hong Kong, se terġa' tittella' bi produzzjoni ġdida mill-Kumpanija Teatrali Dun Mikiel Xerri fis-sala tal- Kulleġġ San Ġorġ Preca (eks Maria Reġina), Blata l-Bajda. Il-kummiedja se ssir nhar is-Sibt, 15 ta' Frar fis-6:30 pm, u l-Ħadd, 16 ta' Frar fis-2:30 pm. Bi skript ta' Paul u Ġemma Portelli u direzzjoni ta' Paul Aquilina u Alfred Vella, din il-produzzjoni toffri doża ġeneruża ta' umoriżmu. L-istorja tgħaqqad lil Pawlu, ġuvni b'pożizzjoni tajba fix-xogħol, iżda bla kuraġġ biex jistqarr imħabbtu ma' Joanne, bint il-Prinċipal tiegħu. L-affarijiet jieħdu żvolta meta jidħlu fl-istorja Karmenu, Ċensu, u oħtu Ester li tirritorna mill- Awstralja, u żżid mal-kumplikazzjonijiet b'gidba dwar żwieġ li Pawlu kien innega fil-passat. Jieħdu sehem atturi fosthom Ishmael Grech, George Agius, Marisa Calleja Zahra, u Naomi Mifsud. Produzzjoni perfetta għal dawk li jħobbu kummiedja klassika mimlija b'sitwazzjonijiet umoristiċi u karattri leġġendarji. Il-pubbliku se jgawdi parkeġġ bla ħlas fl-iskola stess. Għal aktar informazzjoni, ċempel fuq 7946 7196 jew żur il-paġna ta' Facebook – Kumpanija Teatrali D.M.X. 'Il-Możares ta' Hong Kong' ta' Ġemma u Paul Portelli lura fuq il-palk Fil-25 ta' Jannar, il-pjanista rinomata Tricia Dawn Williams se tippreżenta t-tieni kunċert mis-sensiela ToyPiano+: e Illusionist's Magic Box fil-Malta Society of Arts, il-Belt Valletta. Dan il-kunċert se jinkludi tliet xogħlijiet ġodda kkummissjonati li jgħaqqdu l-ħoss klassiku tal-pjanu mal-melodiji uniċi tal-pjanu tal- logħob, akkumpanjati minn narrazzjoni viżiva maħluqa minn artisti, fejn il-mużika u l-arti viżiva joħolqu djalogu interdixxiplinarju. Il-kunċert jieħu ismu mill-ewwel biċċa fil-programm, e Illusionist's Magic Box, xogħol tal-kompożitur Brittaniku Paul Max Edlin. Dan ix-xogħol jgħaqqad il-pjanu u l-pjanu tal-logħob ma' soundscape elettroniku, li joħloq atmosfera ta' maġija u illużjoni. L-animazzjoni tal-art tar-ramel minn Gabriella Compagnone tikkumplimenta l-prestazzjoni live b'immaġini affaxxinanti fuq 'lightbox'. Williams se tagħti wkoll attenzjoni lil Four Toy Toccatas tal-kompożitur Amerikan Scott McAllister, xogħol li jesplora l-potenzjal espressiv tal-pjanu u l-pjanu tal- logħob bħala strument wieħed. Il-video monokromatiku ta' Jim Aitchison jikkumplimenta din il-biċċa b'xogħol viżiv ispirat minn skultura magħmula minn bintu. Il-programm jinkludi wkoll A Story Le Untold ta' Ruben Zahra, li jesperimenta b'mużika u animazzjoni ġġenerati bl-intelliġenza artifiċjali. Bil-kollaborazzjoni ta' Arts Council Malta, il-biljetti huma disponibbli fuq www.triciadawnwilliams.com/ concerts.