Issue link: https://maltatoday.uberflip.com/i/1542536
08 aħbarijiet IL-ĦADD 11 TA' JANNAR 2026 • illum opinjoni "Se nibqgħu nkejlu s-suċċess biss b'ċifri ta' tkabbir, jew se nistaqsu min qed jibbenefika minn dan it-tkabbir — u min qed jitħalla lura?" Kelliem tal-Partit Nazzjonalista għall-Akkomodazzjoni Soċjali, Ġlieda Kontra l-Faqar, Esklużjoni Soċjali u Pensjonijiet IVAN BARTOLO M alta spiss tiġi mfaħħra — u bir-raġun — għall-prestazzjoni ekonomika b'saħħitha tagħha. Jgħidulna li l-ekonomija qed tikber, li l-qgħad huwa baxx, u li l-investiment sejjer tajjeb. Madankollu, għal numru dejjem jikber ta' nies, dan is-suċċess jidher 'il bogħod, kważi irreali. Il-persuni bla dar qed jiżdiedu. Il-faqar qed isir aktar viżibbli. Familji li jaħdmu qed isibuha dejjem aktar diffiċli biex ilaħħqu mal-ħajja. It-tkabbir ekonomiku waħdu ma jiggarantix il-ġid soċjali. U meta t-tkabbir jiġi maħluq mingħajr salvagwardji adegwati, jista' jżid l-inugwaljanza aktar milli jnaqqasha. Il-verità skomda hija li l-ekonomija ta' Malta qed tmur tajjeb fuq il-karta, filwaqt li wisq nies qed jaqgħu bejn xquq is- sistema fil-ħajja ta' kuljum. Id-djar: il-qalba tal-kriżi Jekk irridu nkunu serji dwar kif nindirizzaw il-problemi tal- faqar u n-nuqqas ta' djar, irridu nibdew mid-djar. F'dawn l-aħħar snin, il-kirjiet u l-prezzijiet tal-proprjetà żdiedu b'rata ferm ogħla mill- pagi, speċjalment għal dawk bi dħul baxx jew medju. Id- domanda żdiedet b'mod qawwi minħabba tkabbir mgħaġġel fil-popolazzjoni, investiment spekulattiv, u mudell ta' żvilupp li jagħti prijorità lill-profitt fuq l-affordabbiltà. Fl-istess ħin, il-provvista ta' housing soċjali naqset milli tlaħħaq mal-ħtieġa. Ir-riżultat huwa prevedibbli u allarmanti: persuni li jaħdmu full-time iżda xorta ma jifilħux iħallsu kirja stabbli; individwi li b'marda, telf ta' xogħol jew separazzjoni, jispiċċaw bla dar; familji sfurzati jgħixu f 'akkomodazzjoni ffullata jew mhux sigura. In-nuqqas ta' djar f 'Malta m'għadux limitat għall-periferija tas-soċjetà. Qed isir dejjem aktar konsegwenza ta' falliment strutturali fis-settur tad-djar — mhux falliment personali. Iż-żieda f 'setturi b'pagi baxxi Is-suq tax-xogħol Malti joħloq l-impjiegi, iżda mhux dejjem joħloq għejxien diċenti u sigur. Parti sinifikanti mit-tkabbir fl-impjiegi seħħet f 'setturi b'pagi baxxi bħall-ospitalità, it-tindif, il-kura, u s-servizzi. Dawn huma xogħlijiet essenzjali għall- ekonomija tagħna, iżda ħafna drabi ma jħallsux biżżejjed biex ikopru l-ispejjeż bażiċi tal-ħajja — speċjalment id-djar. Meta l-pagi fil-faxxi t'isfel jibqgħu staġnati, filwaqt li l-kirjiet ikomplu jogħlew, il- faqar isir realtà anke għal dawk li jaħdmu. Dan mhux sostenibbli, u lanqas ġust. Ekonomija b'saħħitha għandha tgħolli lin-nies. Meta dan ma jseħħx, il-problema mhijiex fin- nies li jaħdmu, iżda fl-għażliet politiċi li jsiru. Għax tkabbir mingħajr ippjanar għandu konsegwenzi. It-tkabbir mgħaġġel ekonomiku u demografiku ta' Malta qabeż il-kapaċità tal- infrastruttura u s-servizzi soċjali tagħna. Id-djar, it-trasport, is-saħħa u s-sistemi ta' appoġġ fil-komunità kollha ġew taħt pressjoni. Minflok ippjanar fit-tul, rajna reazzjonijiet tardivi — jew nuqqas ta' azzjoni. Il-piż ta' dan il-falliment jaqa' b'mod sproporzjonat fost l-aktar vulnerabbli: ġenituri waħedhom, ħaddiema bi dħul baxx, persuni anzjani li jgħixu waħedhom, persuni bi problemi ta' saħħa mentali, u migranti b'aċċess limitat għas-servizzi. F'pajjiż żgħir bħalma hija Malta, l-iżbalji jħallu impatt immedjat u viżibbli. Welfare li ma tlaħħaqx mar- realtà Malta għandha sistema ta' welfare, iżda dan mhux jirrifletti l-ispejjeż reali tal-ħajja. Il-benefiċċji ħafna drabi jibqgħu lura mill-għoli tal-ħajja, il-kriterji tal-eliġibbiltà jħallu nies barra, u s-servizzi huma frammentati. Għal ħafna li jinsabu f 'riskju li jispiċċaw bla dar, il-problema mhijiex biss id-dħul, iżda taħlita ta' spejjeż għoljin, saħħa fraġli u iżolament soċjali. Hekk kif in-networks tradizzjonali tal-familja qed jiddgħajfu, l-Istat għandu jkun lest biex jimla dak il-vojt. Pajjiżi Ewropej żgħar oħra bħall- Irlanda, il-Portugall, l-Estonja, Ċipru, u oħrajn li jaffaċċjaw pressjonijiet simili, urew li jeżistu alternattivi. Investew kmieni f 'housing affordabbli, irregolaw aħjar is- suq tal-kirjiet, saħħew il-politiki tal-paga minima, u ttrattaw in-nuqqas ta' dar bħala falliment ta' politika li jeħtieġ soluzzjoni — mhux bħala inkonvenjent soċjali. Malta tista' tagħmel l-istess, iżda biss jekk tagħraf il- problema b'mod onest u taġixxi b'deċiżjoni. Fl-aħħar mill-aħħar, din hija għażla politika. Se nibqgħu nkejlu s-suċċess biss b'ċifri ta' tkabbir, jew se nistaqsu min qed jibbenefika minn dan it-tkabbir — u min qed jitħalla lura? Se nkomplu nittrattaw id-djar bħala assi spekulattivi, jew bħala ħtieġa soċjali? Se naċċettaw iż-żieda fin- nuqqas ta' djar affordabbli bħala "ħsara sekondarja", jew se nagħrfuha bħala sinjal li l-kuntratt soċjali tagħna qed jinkiser? It-tkabbir ekonomiku għandu jkun mezz biex itejjeb il-ħajja tan-nies, mhux għan fih innifsu. Meta nies qed jorqdu fit-toroq f 'ekonomija li qed tikber, hemm xi ħaġa profondament ħażina. Sejħa għal mudell aktar ġust Malta jistħoqqilha ekonomija li taħdem għal kulħadd — mhux biss għal dawk li diġà huma siguri. Dan ifisser: • strateġija nazzjonali serja għal housing affordabbli • protezzjoni aktar b'saħħitha għall-inkwilini • pagi li jirriflettu l-għoli reali tal-ħajja • sistema ta' welfare li tlaħħaq mar-realtajiet tal-lum • ippjanar li jqiegħed lin- nies qabel il-profitt Il-faqar u n-nuqqas ta' djar mhumiex konsegwenzi inevitabbli tal-progress. Huma r-riżultat ta' għażliet. Wasal iż-żmien nagħżlu b'mod differenti. Il-faqar u n-nuqqas ta' djar Malta għandha sistema ta' welfare, iżda dan mhux jirrifletti l-ispejjeż reali tal-ħajja