Issue link: https://maltatoday.uberflip.com/i/1543916
02 aħbarijiet IL-ĦADD 15 TA' MARZU 2026 • illum L-istorja ta' Daniel Attard... u Daniel Attard - u t-taħwida tal-pulizija Belġjana ILENIA DEBONO Il-pulizija Belġjana akkużat b'mod żbaljat lill- MPE Malti li rċieva depożiti "suspettużi" miċ- Ċina wara li ħawditu ma' persuna oħra bl-istess isem, is-Sindku tal-Għasri. L-uffiċċju tal-prosekutur fi Brussell ammetta li l-MPE Malti ġie identifikat b'mod żbaljat bħala r-riċevitur tal-flus bħala parti mill-investigazzjoni ta' korruzzjoni li tinvolvi l-kumpanija teknoloġika Ċiniża Huawei. Il-portal tal-aħbarijiet ibbażat fi Brussell, Politico irrapporta li fil-bidu ta' Marzu l-prosekutur Belġjan bagħat ittra lill-kumitat tal-affarijiet legali tal-Parlament Ewropew fejn ammetta l-iżball. Skont Politico, fl-ittra, il-prosekutur irrikonoxxa li l-awtorità Belġjana li tissorvelja t-tranżazzjonijiet finanzjarji kienet għamlet "żball" meta "ħawdet" l-identità tas-sid tal-kont bankarju. Fil-fatt, il-kont bankarju kien jappartjeni lil negozjant u avukat Malti bl-istess isem tal-MPE Laburista li jservi bħala s-sindku tal-Għasri. L-allegazzjonijiet ta' trasferimenti suspettużi ta' flus kienu parti mid-dossier li l-prosekutur bagħat lill-kumitat legali, li għandu jiddeċiedi jekk titneħħiex l-immunità parlamentari tal-MPE Daniel Attard. Il-konferma tal-iżball mill-awtoritajiet waslet wara talba minn membri parlamentari biex il- prosekutur Belġjan jerġa' jiċċekkja li kien identifika l-persuna t-tajba, skont ir-rapport ta' Politico. Is-sid tal-kont bankarju huwa s-sindku Laburista tal-Għasri, Daniel Attard, li l-prattika legali tiegħu tinkludi li jagħti pariri lil klijenti internazzjonali, inkluż ċittadini Ċiniżi, dwar kwistjonijiet ta' residenza. Attard qal lil Politico li l-attivitajiet tiegħu huma kompletament separati mill-investigazzjoni dwar Huawei u m'għandhom l-ebda rabta mal-MPE Daniel Attard. Huwa qal ukoll li Huawei qatt ma kienet klijent tiegħu. Attard bħala negozjant kien ukoll involut fil- bejgħ ta' passaporti Maltin lil ċittadini Ċiniżi bħala parti mill-iskema tal-golden passports, li tneħħiet is-sena li għaddiet wara li l-Qorti tal-Ġustizzja Ewropea ddikjaratha illegali. Sadanittant, il-MPE Daniel Attard reġa' tenna l-innoċenza tiegħu u appella biex il-fatti jiġu vverifikati sew qabel "ma jitqiegħdu f 'riskju r-reputazzjonijiet". Attard qal: "Mill-bidu nett offrejt il-koperazzjoni u t-trasparenza sħiħa tiegħi mal-awtoritajiet kompetenti u nerġa' ntenni l-innoċenza sħiħa tiegħi f 'din il-kwistjoni. Issa jidher li parti mill- investigazzjoni setgħet oriġinat minn identità żbaljata." Huwa qal li sitwazzjonijiet bħal dawn diġà seħħew, anke fi proċeduri fil-qrati f 'Malta. "F'diversi okkażjonijiet ġejt konfuż ma' individwu ieħor li għandu l-istess isem u li huwa wkoll avukat," qal. Madankollu, il-MPE żied jgħid: "Dan jenfasizza l-importanza tal-proċess dovut u li l-fatti jiġu vverifikati b'attenzjoni qabel ma r-reputazzjonijiet jitqiegħdu f 'riskju. Se nkompli nikkopera bis- sħiħ mal-Parlament Ewropew u mal-awtoritajiet kompetenti sakemm din il-kwistjoni tintemm darba għal dejjem." Il-każ ħareġ fil-pubbliku f 'Marzu tas-sena li għaddiet meta l-uffiċċju tal-prosekutur federali tal- Belġju qal li l-investigaturi kienu qed jinvestigaw allegazzjonijiet ta' "korruzzjoni attiva fi ħdan il- Parlament Ewropew". Aktar tard żied jgħid li "l-allegat tixħim jingħad li kien ta' benefiċċju għal Huawei". L-allegazzjonijiet segwew investigazzjoni li inkludiet wiretapping ta' VIP box eżekuttiva fl- istadju tal-RSC Anderlecht. Huawei qalet fi stqarrija preċedenti li għandha "politika ta' tolleranza żero kontra l-korruzzjoni." Madankollu, il-każ kien imdawwar b'kontroversja sa mill-bidu. Ftit ġimgħat wara li faqqa' l-iskandlu, il-prosekuturi Belġjani talbu lill- Parlament Ewropew ineħħi l-immunità ta' ħames parlamentari, inkluż Attard. Iżda it sigħat wara rtiraw it-talba tagħhom biex titneħħa l-immunità tal-MPE Taljana Giusi Princi meta ndunaw li hi ma kinitx għadha eletta parlamentari meta allegatament seħħ il-każ. Il-President tal-Parlament Ewropew Roberta Metsola kienet qalet wara l-inċident: "Ma naċċettax li MEPs jiġu mmirati u r-reputazzjoni tagħhom titħammeġ mingħajr bażi soda." F'każ ta' identità żbaljata, il-MPE Laburista Daniel Attard ġie marbut b'mod ħażin minn investigaturi Belġjani ma' kont bankarju li fil-fatt jappartjeni lil Daniel Attard ieħor, li huwa wkoll avukat u sindku Laburista Il-pulizija Belġjana ħawdet lill-MPE Daniel Attard (xellug) mas-sindku tal-Għasri Daniel Attard (lemin) Jiġi inawgurat Ġnien Tony Bezzina f 'Raħal Ġdid EMAN FARRUGIA Ġnien pubbliku ġdid iddedikat lill-mibki Tony Bezzina ġie inawgurat uffiċjalment nhar il-Ġimgħa filgħaxija f 'Raħal Ġdid, u b'hekk żona urbana ċentrali ġiet trasformata fi spazju rikreattiv għall- komunità. Il-proġett, magħruf bħala l-Ġnien Tony Bezzina, jiffor- ma parti minn inizjattiva ta' riġenerazzjoni urbana mwet- tqa permezz ta' kollaborazzjoni bejn il-Ministeru tat-Trasport, il-Ministeru tal-Ambjent, u l-Kunsill Lokali ta' Raħal Ġdid. B'madwar 2,600 metru kwad- ru, is-sit ġie kkonvertit fi spazju pubbliku modern u aċċessibbli li jinkludi dak li l-awtoritaji- et iddeskrivew bħala l-ewwel skatepark ta' Malta ddisinjat professjonalment mibni skont standards Ewropej. Iż-żona tinkludi wkoll ġnien pubbliku u bandli għat-tfal, flimkien ma' mogħdijiet pedonali, bankijiet, dawl adegwat u faċilitajiet pub- bliċi oħra. Waqt xogħlijiet ta' ska- var, instab xelter mill-attak- ki mill-ajru tat-Tieni Gwerra Dinjija fuq is-sit. Bħala parti mill-proġett, inbniet daħla ddedikata biex jiġi żgurat li l-kenn jiġi ppreservat u jkun jista' jsir aċċessibbli għall-pub- bliku fil-futur. L-iżvilupp jinkorpora wkoll miżuri ta' sostenibbiltà ambjen- tali. Riżerva tal-ilma integrata fid-disinn tal-ġnien se tintuża għall-irrigazzjoni, filwaqt li pannelli solari se jipprovdu parti mill-enerġija meħtieġa biex iddawwal iż-żona. Il-ġnien huwa ddedikat lil Bezzina, eks president ta' Hi- bernians FC u figura magħrufa sew f 'Raħal Ġdid. Bust ta' Bez- zina ġie installat ukoll fil-ġnien b'rikonoxximent tal-kontribut tiegħu lill-komunità lokali u lill-isport. Il-Ministru tat-Trasport u l-Infrastruttura Chris Bonett qal li l-proġett jirrifletti l-poli- tika tal-gvern li jidentifika siti f 'diversi lokalitajiet li jistgħu jiġu trasformati fi spazji pub- bliċi moderni għall-użu tal-ko- munità. Bonett qal illi permezz ta' Infrastructure Malta, bħalis- sa għaddej xogħol fuq diversi proġetti simili b'kollaborazzjo- ni mal-kunsilli lokali u entitaji- et governattivi oħra. "F'dan il-każ kellna l-oppor- tunità li nittrasformaw iż-żona f 'ġnien, skatepark professjona- li u bandli għat-tfal, filwaqt li nfakkru wkoll lil Tony Bezzina, li kkontribwixxa bil-kbir għal Raħal Ġdid f 'diversi setturi, inkluż l-isport u n-negozju," qalet Bonett. Il-Ministru għall-Ambjent Miriam Dalli qalet li l-proġett ipoġġi l-konsiderazzjonijiet ambjentali fil-qalba tiegħu u jinkludi t-tħawwil ta' numru sostanzjali ta' siġar indiġeni sabiex il-ġnien ikun jista' jkom- pli jikber bħala spazju aħdar għall-komunità. "Meta nħares lejn il-Ġnien Tony Bezzina, nara aktar minn sempliċi ġnien. Nara spaz- ju mibni għan-nies, maħluq permezz tal-kollaborazzjoni u ddisinjat għall-ġenerazzjoniji- et futuri," qalet Dalli, filwaqt li żiedet li tħares 'il quddiem biex tara familji u tfal jagħmlu użu mill-ispazju. Ix-xogħlijiet twettqu minn Infrastructure Malta b'kollabo- razzjoni mal-Kunsill Lokali ta' Raħal Ġdid u Ambjent Malta. Il-proġett jifforma parti minn inizjattiva ta' riġenerazzjoni urbana