Issue link: https://maltatoday.uberflip.com/i/1545829
13 arti u kultura IL-ĦADD 12 TA' LULJU 2026 • illum Il-gazzetta ILLUM hija megħjuna mill-Kunsill Malti għall-Arti Fern Mallis, leġġenda tal-industrija tal-moda, tingħaqad mal-Malta Fashion Week Folk Underground jolqot il-qalb tal-udjenzi Permezz tal-mużika, l-istejjer u l-emozzjonijiet kondiviżi, Folk Underground tħeġġeġ lill-udjenza terġa' tiskopri l-wirt ħaj tal-gżira. Għall-udjenzi Maltin, din l-esperjenza tqanqal memorji ta' laqgħat tal-familja, tradizzjonijiet tar-raħal u kanzunetti li għaddew minn ġenerazzjoni għal oħra. Għall-barranin, toffri opportunità rari biex jiskopru r-ruħ awtentika ta' Malta permezz ta' stejjer, mużika u umoriżmu li ma jinsabux fil-mużewijiet jew fil-gwidi turistiċi. Ir-rispons inizjali mill-udjenzi kien pożittiv ħafna, bil-mistednin jiddeskrivu l-esperjenza bħala "kommoventi", "awten- tika", "sorprendenti" u "wieħed mill-isbaħ mumenti taż-żjara tagħna f 'Malta". Ħafna faħħru l-atmosfera intima u r-rab- ta ġenwina li tinħoloq bejn il-performers u l-udjenza, li tagħmel kull wirja ċelebrazzjo- ni kondiviża tal-identità Maltija. Folk Underground inħoloq biex jippreserva u jiċċelebra l-wirt kulturali intanġibbli ta' Malta b'mod li jolqot lill-ud- jenzi tal-lum," qalu l-organizzaturi. "Kemm jekk int Malti li qed jerġa' jiskopri l-għeruq tiegħu, kif ukoll jekk int viżitatur li qed ifittex esperjenza tassew awtentika, l-għan tagħna huwa li kull mistieden jitlaq b'rabta aktar profonda ma' Malta u mal-poplu tagħha." Hekk kif il-vjaġġaturi kulturali qed ifittxu dejjem aktar esperjenzi sinifikan- ti u awtentiċi, Folk Underground qed jistabbilixxi ruħu malajr bħala attrazzjoni li wieħed ma jistax jitlef, u juri li l-akbar stejjer ta' Malta ma jinsabux biss fil-mon- umenti tagħha, iżda wkoll fil-mużika tagħha, fit-tradizzjonijiet tagħha u fin-nies li jżommuhom ħajjin. Folk Underground qed jiġi organizzat bl-appoġġ ta' MeDirect Bank, Visit Malta u l-Fondazzjoni Magna Żmien. L-Ambaxxatriċi Amerikana Somers Farkas tat merħba lil Fern Mallis, il-pijuniera tal-in- dustrija tal-moda li rebħet diversi premjijiet u li hi magħr- ufa mad-dinja kollha bħala l-"Godmother of Fashion" u l-moħħ wara n-New York Fashion Week, matul iż-żjara tagħha f 'Malta mit-3 sas-7 ta' Lulju bħala parti mill-festi Freedom 250 tal-Ambaxxata Amerikana. Mallis ipparteċipat fil-Malta Fashion Week, iltaqgħet ma' in- traprendituri tan-negozju lokali u ma' disinjaturi emerġenti u studenti Maltin biex tenfasizza kif il-kreattività, l-innovazzjoni, u l-intraprenditorija jmexxu l-industriji globali. "Fern Mallis tirrappreżenta l-ispirtu viżjonarju Amerikan," qalet Farkas. "Il-viżjoni tagħha kellha sehem fit-trasformazzjo- ni tal-moda Amerikana f 'forza ekonomika u kulturali globali, u wriet li l-kreattività u l-in- traprenditorija joħolqu oppor- tunità. Hekk kif niċċelebraw il-250 anniversarju tal-Amerka permezz tal-Freedom 250, aħna kburin li nintroduċu l-eċċellen- za u nġibu mexxejja bħal Fern f 'Malta biex insaħħu r-rabtiet kummerċjali u kulturali bejn iż-żewġ pajjiżi tagħna. Nir- ringrazzja sinċerament lil The Phoenicia Malta u lil Malta Fashion Week ghall-kollabo- razzjoni eċċellenti tagħhom biex din iż-żjara tkun possibbli." Mallis serviet bħala Direttriċi Eżekuttiva tal-Kunsill tad-Dis- injaturi tal-Moda tal-Amerka (CFDA) mill-1991 sal-2001. Kellha rwol definittiv biex tgħolli l-profil tal-moda Amerikana fuq il-palk dinji. Wara inċident fuq il-passerella fejn sfortunatament saqaf waqa' waqt wirja tal-moda, Mallis famużament qalet, "Naħseb li d-deskrizzjoni tax-xogħol tiegħi għadha kemm inbidlet," u bdiet tittrasforma l-industrija billi ġabret flimkien id-disinjaturi, korporazzjonijiet, xerrejja, u l-midja fi pjattaforma waħda. Il-viżjoni tagħha wasslet għall-ħolqien tan-New York Fashion Week, inawgurat uffiċjalment f 'Settembru 1993 fil-Bryant Park f 'New York City. Dak li beda bħala vetrina ċentralizzata għad-disinjatu- ri Amerikani kiber f 'wieħed mill-aqwa avvenimenti tal-mo- da fid-dinja, u ġġenera impatt ekonomiku stmat maż- $2 biljun għal New York waħedha. Dan juri kif il-kreattività, it-tmexxija tan-negozju, u l-in- novazzjoni Amerikana jistgħu jibnu opportunitajiet globali. Matul il-karriera tagħha straordinarja, Mallis appoġġ- jat it-talenti emerġenti, saħħet id-disinn Amerikan fuq il-palk internazzjonali, u wriet kif il-moda tista' tkun kemm magna kreattiva kif ukoll ekonomika – tant li l-industrija tal-moda u l-ilbies hija industrija globali ta' triljun dollaru. Hija użat ukoll il-pjattaforma tagħha biex tappoġġja kawżi importanti, tgħin biex tiġġenera miljuni ta' dollari għal inizjattivi tas-saħħa u umanitarji, inklużi r-riċerka dwar l-AIDS, is-sen- sibilizzazzjoni dwar il-kanċer tas-sider permezz tal-Fashion Targets Breast Cancer, u s-saħħa tal-qalb tan-nisa permezz tal-Kampanja Red Dress "Heart Truth". Matul iż-żjara tagħha f 'Malta, Mallis qasmet id-deċennji ta' es- perjenza tagħha mad-disinjaturi, l-istudenti, l-intraprendituri, u l-professjonisti kreattivi Maltin, u offriet għarfien dwar il-bini ta' marki globali, l-organizzazzjoni ta' avvenimenti fuq skala kbira, u n-negozju tal-moda. Hija enfasizzat il-qawwa ta' "be nice" mal-kollegi u anke mal-kompetituri f 'din l-industri- ja tant kompetittiva. Hija ltaqgħet ukoll ma' intra- prendituri tan-negozju lokali biex tidentifika opportunitajiet ġodda għall-kollaborazzjoni u rabtiet kummerċjali aktar b'saħħithom bejn Malta u l-Istati Uniti. Grazzi għall-Awtorità tat-Tu- riżmu ta' Malta, Mallis żaret ukoll il-monumenti storiċi ta' Malta u ħasset b'idejha l-kultu- ra vibranti tagħha, u esprimiet ammirazzjoni għall-wirt uniku tal-gżira u t-talenti kreattivi li jifformaw l-industrija tal-moda ta' Malta. Mallis qalet, "Malta għandha enerġija kreattiva straordinarja, u kont ispirata mid-disinjaturi, l-istudenti, u l-intraprendituri tan-negozju li kelli l-opportu- nità niltaqa' magħhom. Il-moda tiorixxi mill-kollaborazzjoni, l-innovazzjoni, u l-intraprendi- torija – li kollha kienu evidenti b'mod ċar fil-komunità vibranti tal-moda f 'Malta. Ħerqana li nerġa' niġi lura!" Ritratt: Glen Farrugia