Issue link: https://maltatoday.uberflip.com/i/208713
turi tal-Ħajja Il-Ħadd 10 ta' Novembru 2013 | illum 11 għha kienet il-ħajja nnifisha ovvjament hemm ftit nies f 'ħajti li huma qrib tiegħi aktar minn oħrajn. Ħbieb li dejjem ikunu miegħi bla ebda riservi, ħbieb li jafuni ħafna u li nafdahom b'ħajti, ħbieb li jkun x'ikun qed jiġri f 'ħajjithom isibu ħin għalija, ħbieb li magħhom nista' naqsam il-mumenti sbieħ u anki dawk diffiċli. Min huma jafu, inħobbhom immens u nħossni xxurtjata li qegħdin f 'ħajti!" Iżda l-aktar mument speċjali għaliha kien meta ħadet sehem f 'waħda mill-aktar produzzjonijiet popolari fuq l-istazzjonijiet lokali, 'Salib it-Toroq', "kienet esperjenza indimentikabbli mill-bidu sal-aħħar. Esperjenza li għamlet differenza kbira f 'ħajti u tgħallimt ħafna minnha. Żgur li se nibqa' nġorr din l-esperjenza matul ħajti kollha, u se nibqa' grata għal dejjem lejn min kien miegħi f 'din l-esperjenza." Innutajt li Roberta kellha make up sabiħ, xagħarha rranġat bl-aħjar mod u ta' kulur dehbi, insomma ta' żagħżugħa li hi, "Ħeħe, iddehra għalija hi importanti ħafna, għax meta nidher tajjeb, inħossni tajba u aktar kunfidenti u għalhekk nagħmel dak kollu possibbli biex nidher tajba u sabiħa." Iżda kif jirnexxilha Roberta ssib daqshekk pożittività fil-ħajja? "Billi tieħu l-ħajja bħala sfida u dejjem tfittex il-pożittiv anke f 'dak li jkun jidher negattiv. Il-ħajja hi sfida għal kull individwu li jeżisti f 'wiċċ id-dinja u min jgħid mod ieħor ma jkunx qed jiffaċċja r-realtà." Mela dan l-aħħar Roberta ħarġet tippassiġġa weħidha u fuq l-istatus tagħha fuq Facebook kitbet hekk, "Illum mort dawra u jien u miexja bdejt nitbissem għax l-espressjonijiet li tara fuq wiċċ in-nies huma kollha differenti. Tara persuni li għalihom xi ħaġa normali li jaraw persuna bħali tippassiġġa weħidha u tara persuni oħra li l-espressjoni ta' wiċċhom tkun xi ħaġa tipo "din kif qiegħda weħida?" Ħeħe! Is-soluzzjoni? Li nitbissem lil kulħadd u nkompli miexja!" Staqsejtha jekk issibx diffikultajiet meta toħroġ weħidha, "Iva nuqqas ta' aċċessibilità bħal bankini, toroq u ħwienet jillimitawni ħafna." Iżda barra n-nuqqas ta' aċċessibilità jdejquha wkoll ċerti timbri "Hu insult li nisma' l-kelma "ħandikappat". Dan l-aħħar smajt saċerdot jużaha fuq stazzjon u vera ħassejtni offiża għax suppost jaf aħjar. Anke kważi l-kelma "diżabbiltat" iddejjaqni għax hi aġġettiv negattiv. Il-persuna trid tħarsilha lejn l-abbiltà tagħha u mhux iddiżabbiltà tagħha. "Kelma oħra li ma naċċettax hi l-kelma "miskina". M'iniex miskina u nemmen li l-imsieken huma dawk li l-mentalità tagħhom ma twassalhomx biex jirrealizzaw li m'iniex miskina." Roberta tħobb il-futbol u tħobb ħafna l-Inter, "Interista jien u nsegwihom anke jekk ma nifhimx wisq. Jien persuna li nieħu interess f 'ħafna affarijiet u kien hemm żmien li bdejt nitgħallem aktar dwar l-istorja tal-Inter u ddeċidejt li nibda nappoġġjahom u xejn xejn nibqa' fuq l-istess kulur." Kompliet bi tbissima. Il-kulur blu li jwassalna għall-imħabba oħra kbira li għandha Roberta, il-partit Nazzjonalista. "Kburija li jiena Nazzjonalista, iżda dan ma jfissirx li ma nirrispettax l-opinjoni ta' ħaddieħor. Għandi ħafna ħbieb li jappoġġjaw ilpartit Laburista. Iżda jien nemmen li fejn tidħol il-ħbiberija ma tidħolx ilpolitika partiġġjana, kull wieħed u waħda minnha trid tirrispetta l-opinjoni ta' xulxin." Roberta fil-fatt qalet ukoll li tixtieq tinvolvi ruħha fil-politika, "se nkun esposta biex jekk ikun hemm okkażjonijiet fejn nista' ngħin il-partit li tant inħobb, se nkun qiegħda ngħin kemm u fejn nista'. Għandi ħolma li ninvolvi ruħi aktar fil-politika." "Iżda għandi ħolm ieħor, li xi darba jirnexxili nippubblika ktieb u li jkolli opportunitajiet oħra filqasam tad-drama. Min jieqaf "Irridhom iħarsu lejn x'kapaċi nagħmel u mhux x'm'iniex kapaċi nagħmel" joħlom, jieqaf jgħix." Roberta tqatta' l-ġurnata tagħha fuq l-internet u filgħaxija ssegwi d-drama lokali u tħobb issegwi wkoll serje televiżivi barranin jew xi film. "Nipprova wkoll insib ħin għal kulħadd iżda malli nqum jkolli għan f 'moħħi li nagħmel differenza anke jekk fil-ħajja ta' persuna waħda fid-dinja." Tkellimna ftit dwar iddipendenza tagħha fejn qaltli li hi anke jekk taf li għandha l-limitazzjonijiet tagħha, tqis ruħha bħala indipendenti, "mentalment żgur u fiżikament fejn nista'." Ma setax jonqos li qbadna d-diskors jekk taqbilx li jkun hawn djar apposta biex nies bi bżonnijiet speċjali jistgħu jgħixu flimkien. Roberta mill-ewwel ma qablitx ma' dan. "Jien ma naqbilx li għandna niġu segregati għalina, iżda għandha tiġi provduta l-għajnuna neċessarja biex wieħed jkun jista' jgħix indipendenti f 'post għalih." Sadanittant Roberta ma tħosshiex sfortunata, "Sinċerament ma nħoss l-ebda sfortuna imma nħossni fortunata ħafna. Fortunata li għandi mħabba kbira mingħand in-nies ta' madwari u fortunata għax niġi apprezzata għax mingħajr imħabba l-ebda bniedem ma jista' jgħix aħseb u ara jirbaħ l-isfidi. Iżda bla dubju nħossni fortunata bil-ġenituri tiegħi, li huma l-pilastri ta' ħajti li mingħajrhom żgur li m'iniex qiegħda fejn qiegħda llum. Inħobbhom immens." Sirt naf ukoll li Roberta għandha laqam, dik ta' Pinka u bi tbissima qaltli, "Seba' snin ilu kont nidħol f 'chatroom, li kienet iċċavetta tal-bieb tal-ħbiberiji li bdejt nibni bil-mod u kont nuża l-laqam Pinky, għal fatt li nħobb ħafna l-kulur roża għax kieku nista' kollox roża nagħmel u nixtri. U minn dakinhar ma' sħabi nbena dan il-laqam ta' Pinka u bqajt bih." U hawn nixtieq nagħlaq b'dan il-messaġġ millaktar pożittiv minn tfajla żagħżugħa li rebħet fuq ilħajja li ma tantx kienet ħelwa magħha "Aċċettaw ir-realtà u ffaċċjaw l-isfidi b'determinazzjoni u kuraġġ u taqtgħu qalbkom qatt. Waħda mill-affarijiet li għallmitni l-ħajja hi li xejn mhu impossibbli anke dak li f 'għajnejna jidher hekk. Emmnu fikom infuskom għax jekk ma tkunx int li temmen fik innifsek mhux se jemmen fik ħaddieħor."