Issue link: https://maltatoday.uberflip.com/i/416742
26 illum | Ħadd 16 ta' Novembru 2014 Pjazzetta JEAN PIERRE CASSAR jpcassar@mediatoday.com.mt Kemm ilek tirreċta? Minn fejn bdiet il-ħajra lejn ir- reċtar? Ilni nirreċta għal dawn l-aħħar 14-il sena. Bdejt minn fuq il-palk tal-iskola meta kelli ħames snin u naħseb minn hemm baqa' jikber l-interes għal palk u t-teatru. Dawn l-aħħar 4 snin kelli l-opportunità li nieħu sehem f żewġ produzzjonijiet Maltin fuq it-TV; D.R.E.A.M.S. u Katrina. Xi tfisser għalik id-drama? Għalija d-drama huwa mezz kif bl-immaġinazzjoni tidħol f 'dinja oħra, tiltaqa' ma nies u karattri ġodda u toħloq esperjenzi ġodda mhux biss bl-esperjenzi fuq il- palk/TV iżda wkoll bil-karattri li tinterpreta. Id-drama għenitni ħafna tul is-snin biex insib lili nnifsi, nibni personalità u għenitni nkun aktar kunfidenti. Attriċi favorita? U għaliex? Anne Hatheway, għaliex hija attriċi versatili ħafna u dejjem ammirajtha tul is- snin. Int tkanta wkoll? Liem tippreferi miż-żewġ dixxiplini? Din hija mistoqsija li jsaqsuhieli ħafna u dejjem ma nafx kif nirrispondi għaliex kemm il-kant u kemm id-drama huma affarijiet li nħobb nagħmel u jtuni sodisfazzjon. Ir- reċtar nħobbu għaliex permezz tiegħu tinterpreta karattri differenti li bihom tesperjenza esperjenzi li forsi qatt ma tkun immaġinajthom, filwaqt li l-kant u l-mużika jirriflettu lili nnifsi u l-istil tiegħi. X'livell għandu d-drama fuq it-TV Malti? Nemmen li tul is-snin it-TV Malti tjieb iżda xorta nħoss li għad hemm ħafna xi jsir. Fejn jidħol id-drama ftit li xejn hemm finanzi u għalhekk il-prodott huwa limitat. Ħafna nies jippruvaw iqabblu d-drama Maltija ma' dik ta' barra iżda dan ma jistax isir jekk fir-riżorsi u l-finanzi aħna limitati u għalhekk għad hemm differenza kbira bejn produzzjoni Maltija u dik ta' barra. Iżda xorta waħda nammira ħafna produzzjonijiet Maltin li jemmnu f 'atturi Maltin u li bil-limitazzjoni li għandna jipproduċu dawn id-drammi tant għal qalb il-Maltin. X'futur għandu l-Malti fejn jidħol id-drama fuq it-TV? Nemmen li l-Malti għandu futur fid-drama, l-istazzjonijiet Maltin jagħtu ċans lit- talent Malti u l-opportunitajiet qed jiżdiedu. Kif tiddeskrivi lil Paula fuq Katrina? Meta l-kittieba ta' Katrina qaluli li ha ninterpreta din il-parti u bdejt nirrevedi l-ewwel sripts mill- ewwel ħadt grazzja ma' dan il-karattru. Lil Paula niddeskriviha bħala persuna ferriħija u pożittiva li għalkemm għaddiet minn dak li għaddiet fit-tfulija tagħha ma qatgħetx qalbha u kienet kapaċi tfendi għal rasha u tikkumbatti mal- ħajja. X'hemm differenti u x'hemm l-istess bejnek u bejn Paula? Naħseb kemm jien u kemm Paula indipendenti u nippruvaw naraw il-ħajja b'lenti pożittiva. Għandna karattru simili iżda għal grazzja t'Alla jiena trabbejt ġo familja b'għożża kbira, li jiena napprezza u nħobbha ħafna. X'idaħħkek? Xi praspura jew taħwida minn tiegħi. X'jiffrustrak? Meta tagħmel xi ħaġa mill- qalb u ma tiġix apprezzata. Ħolm għall-futur? Il-ħolm tiegħi hu li nibqa' nagħmel dak li nħobb. Pajjiż li jiddeskrivik… u għaliex? Londra, il-mużika u l-moda. Kulur favorit… u għaliex? L-isfar... kulur li jiġbed l-għajn u vivaċi. Bħala studenta universitarja temmen li l-edukazzjoni f 'Malta tippreparak realment għad- dinja tax-xogħol? Iktar ma jgħaddi ż-żmien naraw aktar l-importanza tal-edukazzjoni u fejn din tista' twassalna. Però qed jiġri li qed nagħtu wisq importanza lis-suġġetti akkademiċi u nħoss li ma nagħtux importanza lejn il-prattika. Ħafna drabi qed jiġri li l-istudent jiġi mġiegħel jitgħallem bl- amment minflok jaħseb u jkun kreattiv hu, dan iwassal għal konsegwenzi fil-futur fil-qasam tax-xogħol. LARA DIMECH għandha 19-il sena, attriċi mis-Swieqi u qiegħda tagħmel kors ta' B. Ed -Università ta' Malta. Lara hija wkoll kantanta u tagħmel il-parti ta' Paula f 'Katrina fuq TVM Ħames Minuti LARA DIMECH għandha 19-il sena, attriċi mis-Swieqi u qiegħda tagħmel Ħames Minuti ma' Lara Dimech Ħames Minuti Ħames Minuti ma' Lara Dimech ma' Lara Dimech