Issue link: https://maltatoday.uberflip.com/i/506100
Il-Ħadd 03 ta' Mejju 2015 | illum 17 DAN hu tmiem il-ġimgħa tal-1 ta' Mejju, festa importanti li tistedinna nirriflettu fuq il-qagħda tal-ħaddiem f 'pajjiżna Ewropew, pajjiż li nixtiquh modern, egalitarju u dinjituż. Investiment kbir bis-sħubija Meta dħalna fl-Unjoni Ewropea fl-1 ta' Mejju 2004, għamilna dan biex kulħadd f 'pajjiżna jgawdi livell ta' għajxien aħjar u stil ta' ħajja Ewropew. Ftaħna l-ekonomija tagħna biex inkunu aktar produttivi u nkunu kapaċi nikkompetu f 'suq kbir ta' 500 miljun ruħ. Ġbidna lejn pajjiżna investiment ġdid f 'industriji ġodda bħall- avjazzjoni, l-informatika, is-servizzi finanzjarji, dawk marittimi, il-farmaċewtika, u l-gaming. Dawn illum qed jagħtu kundizzjonijiet u jħallsu pagi aħjar lill- ħaddiema tagħna. Tajna spinta kbira lill-industrija tradizzjonali tat-turiżmu, li tant gawda mill-ewro u kiser rekord wara rekord. Anke lill-manifattura speċjalizzata biex ittrasformajna l-bażi industrijali ta' pajjiżna. 2,500 miljun ewro Bis-sħubija gawdejna u għad irridu nkomplu ngawdu mill-€2,500 li ġibna mill-Ewropa f 'fondi li narawhom madwarna fi proġetti li għaddejjin bħalissa u li għad iridu jkomplu sal-2020. Fosthom hemm l-isptar il-ġdid tal-kanċer, l-interconnector li bih se nixtru elettriku bi rħis mill- Ewropa, toroq bħall-proġett kbir ta' Triq il-Kosta minn Buġibba għal Pembroke, proġetti li ħarsu l-ambjent tagħna, inizjattivi li ħarġu ġmiel pajjiżna, u ħafna proġetti b'fondi Ewropej f 'postijiet tax-xogħol, fit- taħriġ tal-ħaddiema tagħna, u fl-edukazzjoni taż-żgħażagħ tagħna. Fendejna f 'dinja ta' maltemp Illum li d-dinja ħarġet mill- kriżi kbira li kienet ħakmitha wara l-2008, nippretendu li pajjiżna jkompli sejjer tajjeb. Jekk fendejna tajjeb ftit tas- snin ilu f 'dinja ta' maltemp, kemm aktar fil-bnazzi? Nippretendu li mmorru saħansitra aħjar meta l-prezz dinji taż-żejt illum hu nofs li kien is-sena l-oħra u kważi terz ta' dak li kien ftit tas-snin ilu. U għandna mmorru aħjar grazzi għall-aqwa riżorsa li għandu pajjiżna: l-għaqal tal-investituri u l-bżulija tal- ħaddiema ħabrieka Maltin u Għawdxin. Hawn xi jħassibna Għandna mmorru aħjar għal kulħadd. Nippretendu l-aħjar għal pajjiżna biex il-ħaddiem igawdi l-frott xieraq tal-bżulija tiegħu f 'kundizzjonijiet dinjitużi u pagi tajbin f 'ekonomija moderna u ta' kwalità f 'soċjetà ġusta li tgħożż l-ugwaljanza. Minkejja dak li nippretendu, hemm sinjali li jħassbuna. Il-ħaddiema Maltin u Għawdxin qed ibatu għafsa fuq id-dħul tagħhom li tfisser ukoll għafsa fuq il-pensjonijiet tal-anzjani tagħna. Qed ibatu wkoll inugwaljanza ġdida. Għafsa fuq il-pagi Fil-ħames snin sal-2013, il-paga medja tal-ħaddiem Malti u Għawdxi kienet qed tiżdied b'€10 fil-ġimgħa kull sena. Fl-aħħar sentejn, imma, dawn iż-żidiet naqsu bil-qawwi fir-ritmu għal terz biss: €3.50. U din hi l-paga medja. Għax il-ħaddiem l-aktar fil-bżonn din is-sena qed jara żieda minima ta' 58 ċenteżmu, l-agħar waħda fi 30 sena. U dan meta prodotti u servizzi essenzjali qed jiġu intaxxati aktar. Il-kera tal- housing soċjali għola għar- rata kummerċjali. Saret taxxa akbar fuq l-eżamijiet għal studenti ta' 16 u 18. Daħlet taxxa akbar fuq il-mobiles. U l-fuels għall-karozzi qed jinżammu għoljin ferm aktar mill-ewro l-litru li messhom ikunu kieku verament jirriflettu l-prezz dinji rħis taż-żejt. Nofs l-impjiegi għall- barranin Żvilupp ġdid hu li l-impjiegi b'pagi baxxi qed jattiraw għadd kbir ta' ħaddiema barranin minn pajjiżi relattivament foqra li għalihom il-pagi baxxi f 'Malta xorta huma attraenti. Dan hu kkonfermat minn statistika uffiċjali li qed turi li nofs l-impjiegi li qed jinħolqu f 'Malta qed jeħduhom ħaddiema barranin. Baqa' wkoll xorta waħda eluf ta' ħaddiema qiegħda li l-ekonomija tagħna mhix qed toffrilhom kundizzjonijiet u pagi attraenti biżżejjed jew skont il-livell ta' ħiliet li għandhom. Il-kundizzjonijiet li bihom qed joħroġ il-kuntratti tiegħu l-Gvern stess ifissru li l-ħaddiema mqabbdin għalihom jitħallsu b'rata u kundizzjonijiet prekarji. Fost dawn hemm ħaddiema li jikkuraw il-morda u l-anzjani, ħaddiema fil-qasam tas- sigurtà, ħaddiema li jieħdu ħsieb binjiet tal-Gvern, u ħaddiema fuq proġetti tal- Gvern stess. Ġid li mhux jasal fi bwiet il-ħaddiema Il-ġid li nippretendu li qed jinħoloq fl-ekonomija tagħna mhux jasal fi bwiet il-ħaddiema tagħna u mhux rifless fil-kundizzjonijiet tagħhom. U żgur mhux qed jasal fi bwiet dawk il- ħaddiema l-aktar fil-bżonn. U l-Gvern għadu qed jistrieħ fuq l-industriji u l-proġetti bil-fondi Ewropej li wiret mill-Gvern ta' qablu bla ma qed ifassal bis-serjetà l-mewġa ġdida ta' investiment li pajjiżna għandu bżonn biex ikompli jtejjeb il- kundizzjonijiet u l-pagi tal- ħaddiema tagħna fil-futur. Inugwaljanza ġdida bejn tal- qalba u l-bqija Il-ħaddiem Malti u Għawdxi llum qed ibati inugwaljanza ġdida. Flok ġustizzja soċjali, qed naraw nies fil-qalba tal- poter jabbużaw mis-setgħa li tahom il-poplu u mit-taxxi li jħallsu l-ħaddiema beżlin u ħabrieka. Dan l-abbuż qed jirriżulta f 'dak li ma jistax jissejjaħ ħlief iffangar fi flus il-poplu. Hemm ħafna każi ta' dan l-abbuż tal-poter u mit- taxxi tal-ħaddiema. U dawn jikbru aktar ma joqorbu lejn il-qalba tal-poter. Determinazzjoni għal viżjoni ġdida Dan it-tħassib dwar din l-inugwaljanza ġdida u dwar il-ġid li mhuwiex qed jasal fil- bwiet ta' kulħadd isaħħaħ fija d-determinazzjoni li naħdem biex titwettaq il-viżjoni li lkoll naqsmu għal pajjiżna. Viżjoni ta' tmexxija li tippjana l-mewġa ġdida ta' investiment modern li pajjiżna għandu bżonn wara dik li ġibed minkejja l-maltemp dinji ta' ftit snin ilu. Viżjoni ta' ekonomija ta' kwalità li fiha l-ħaddiem bieżel u ħabrieki jgawdi kundizzjonijiet dinjitużi u pagi tajbin. Viżjoni ta' soċjetà egalitarja li tgħożż l-ugwaljanza u l-ġustizzja soċjali. Viżjoni ta' pajjiż li jżomm f 'idejn kull wieħed u waħda minna l-wirt kbir li tatna n-natura ħalli ġmiel pajjiżna jgħaddi għand uliedna u wlied uliedna. Viżjoni ta' soċjetà li fiha min jinsiliflu l-poter ikun hemm biex iservi u qatt biex jisserva hu. Dan hu l-impenn tiegħi. Li naħdmu saħansitra aktar biex inwettqu din il-viżjoni ta' pajjiż modern Ewropew li fih igawdi kulħadd: l-investituri għaqlin li investew f 'pajjiżna, u speċjalment il-ħaddiema bieżla u ħabrieka Maltin u Għawdxin. Simon Busuttil huwa l-Kap tal-Oppożizzjoni u l-Kap tal- Partit Nazzjonalista Kif Naħsibha SIMON BUSUTTIL L-aspirazzjoni tagħna Id-dħul ta' Malta fl-Unjoni Ewropea pproġettat fuq is-swar tal-Birgu fl-2004