Issue link: https://maltatoday.uberflip.com/i/580858
Il-Ħadd 04 ta' Ottubru 2015 | illum 27 SportSillum SportSillum CRISTIAN ANTONY MUSCAT Naxxar L .................... 1 Pembroke A ............... 5 Pembroke A. umiljaw lil Naxxar L. meta inkredibbilment għelbuhom bl-iskor kbir ta' 5-1. kienu Naxxar Lions li fetħu l-iskor fis-26 minuta meta Sead Hadzibulic għadda tajjeb lejn richard Carlos Cardozo li rnexxielu jitfa' l-ballun wara matthew Farrugia. Fit-43 minuta Pembroke A. ġabu l-iskor indaqs meta minn assist ta' Villalobos mil-lemin, kyle o' brien tefa' l-ballun ġewwa. Tliet minuti biss mill-ftuħ tat-tieni taqsima, it-tim immexxi minn Winston Muscat irdoppja l-iskor biex mar fil-vantaġġ meta tentattiv ta' Austin Martz kien parzjalment milqugħ mill-goalkeeper tal-Lions, u mir-rebound l-eks plejer ta' Qormi, Leighton Grech tefa' ġewwa. Fis-67 minuta Leighton Grech avvanza tajjeb fil- kaxxa avversarja, dar mal- goalkeeper iżda l-captain Naxxari u eks difensur ta' Birkirkara Angus Buhagiar waqqa' lill-istess plejer ta' Pembroke Athleta, bir- referi jordna penalti u jkeċċi lil Angus Buhagiar. Mill-11-il metru nkariga ruħu Gustavo Villalobos, li ma żbaljax biex għamel l-iskor 3-1 favur it-tim tiegħu. L-istess Gustavo Villalobos, kompla jkabbar il-marġini tal-iskor fis-76 minuta wara li kkonkluda azzjoni personali, ġibed fuq ix-xellug u għeleb lil Luke Pecorella permezz ta' xutt tajjeb mill-viċin. Seba' minuti minn tmiem id-90 minuta, is-sostitut Lyden Micallef issiġġilla r-rebħa għat-tim tiegħu meta dar ma' difensur, u x-xutt fil-baxx tiegħu ġie mxellef minn difensur Naxxari bil-ballun jintemm wara l-goalkeeper tal-Lions, Luke Pecorella. Naxxar L. - Pecorella, Scicluna, Lodetti, Cardozo, Falzon, Hadzibulic (Bonnici 53'), Debono (Grech 54'), Fenech, Buhagiar, Lattes, Viera dos Santos (Cassar 72') Pembroke A. - Farrugia, Levnajic, Cini, Tanti, Bugeja (Micallef 73'), Barbetti, O'Brien, Laudisi, Villalobos (Fenech 81'), Martz, Grech (Arab Eddin 68') Referi - Alan Mario Sant GUSTAVO VILLALOBOS Ġie vvutat bħala l-BOV plejer tal-logħba mill-ġurnalisti preżenti għall-ewwel darba matul dan l-istaġun. Fl-aħħar staġun lagħab ma' Qormi. Ingħaqad ma' Pembroke A. matul is-sajf li għadda. Pembroke A. jumiljaw lil Naxxar L. Il-captain ta' Naxxar Lions, Angus Buhagiar, u li aktar tard safa mkeċċi, jikkontrolla l-ballun b'diffikultà Ritratt - Chris Mangion