Issue link: https://maltatoday.uberflip.com/i/584250
Il-Ħadd 11 ta' Ottubru 2015 | illum 27 SportSillum SportSillum Malta megħluba mill-qawwa Norveġiża CRISTIAN ANTONY MUSCAT Norveġja ......................2 Malta ...........................0 Malta, barra minn darha fil-belt kapitali Norveġiża, Oslo, sfat megħluba mit- tim nazzjonali Norveġiż bl-iskor ta' 2-0, bil-gowls għan-Norveġiżi jaslu minn alexander tettey u alexander Soederlund. Il-Maltin kellhom wirja relattivament tajba speċjalment fl-ewwel taqsima, iżda l-qawwa Norveġiża kienet evidenti tul id-90 minuta, u kienet fundamentali biex huma joħorġu rebbieħa kontra l-Maltin. Intant, mill-istess grupp l-Italja barra minn darha għelbet lill-Azerbajġan fil- belt kapitali tal-istess pajjiż, Baku bl-iskor ta' 3-1 bil- gowls għat-Taljani jaslu minn Eder, Stephan El Shaarawy u Matteo Darmian, biex b'hekk issa t-Taljani kisbu l-kwalifikazzjoni għall-Euro 2016 li se ssir fi Franza bejn l-10 ta' Ġunju u l-10 ta' Lulju tas-sena d-dieħla. Min-naħa l-oħra l-gowl waħdieni għall- Azeri wasal minn Dimitrij Nazarov fil-31 minuta. Tajjeb ngħidu li huma spiċċaw il-logħba jilagħbu b'10 plejers meta tkeċċa għalihom il-plejer Badavi Guseinov permezz ta' karta ħamra diretta fis-87 minuta. Minn Grupp A l-Iżlanda li qabel dan il-konfront kienu diġà kkwalifikati sorprendentament, ġewwa darhom sfaw miżmuma mil-Latvja bl-iskor ta' 2-2, bil-gowls għalihom jaslu minn Kolbenin Sigthorsson u Alfred Finnbogason, waqt li l-gowls għal-Latvja fil-logħba waslu minn Aleksandrs Cauna u Valerijs Sabala. Mill-istess grupp, l-Olanda barra minn darha kisbet rebħa ta' 2-1 kontra l-Każakstan, bil- gowls għalihom jaslu minn Georginio Wijnaldum u Wesley Sneijder. Min-naħa l-oħra l-gowl għal Każakstan wasal minn Islambek Kuat, fil-ħin miżjud tat-tieni taqsima. Norveġja - Haskjold, Hovlen, Tettey, Johansen, Soderlund (King 77'), Henriksen, Elabdellaoui, Skjelbred (Odegaard 53'), Aleesami, Berget (Berisha 84'), Forren Malta - Hogg, A. Muscat (Zerafa 56'), Agius, Fenech, Failla, Briffa, R. Muscat, Schembri (Kristensen 81'), Borg (Camilleri 83'), Effiong, Z. Muscat Referi - Arnold Hunter (Irlanda ta' Fuq) RIŻULTATI Logħob ta' Kwalifikazzjoni Kampjonati Ewropej 2016 Is-Sibt 10 ta' Ottubru Grupp A Iżlanda vs Latvja 2-2 Każakstan vs Olanda 1-2 Grupp H Ażerbajġan vs Italja 1-3 Norveġja vs Malta 2-0 Alex Muscat segwit minn Jo Inge Berget Ritratti - www.uefa.com Alexander Tettey jifraħ wara li skorja l-ewwel gowl għan-Norveġiżi