Issue link: https://maltatoday.uberflip.com/i/598353
32 illum Il-Ħadd 08 ta' Novembru 2015 minn Cristian Antony Muscat Floriana .....................0 Birkirkara ..................0 Fil-konFront tant mistenni bejn Floriana u Birkirkara irrenja bilanċ assolut, hekk kif dawn iż- żewġ timijiet temmew il- konfront ta' bejniethom fi draw ta' mingħajr gowls. Kienu Floriana, li ħolqu l-ewwel periklu fil-logħba, meta wara biss sitt minuti logħob, xutt minn tarf il- kaxxa ta' Matteo Piciollo, għadda ftit għoli minn fuq il-lasti difiżi minn Justin Haber. Ħames minuti wara, Floriana kellhom l-illużjoni tal-gowl, meta xutt angulat ta' Mario Fontanella, ħabat max-xibka minn barra, b'Justin Haber megħlub. Floriana komplew joħolqu periklu wara l-ieħor. Fit-22 minuta, xutt mill-viċin ta' Mauricio Villa, għadda ftit għoli, biex sitt minuti wara, l-istess attakkant prolifiku Arġentin, Mauricio Villa, wara li rċieva mingħand Matteo Piciollo, kellu x-xutt mill-viċin tiegħu milqugħ bi bravura, mill- goalkeeper internazzjonali tal-Istripes, Justin Haber. Mas-37 minuta, Ryan Camenzuli, li qed ikollu kampjonat mill-aqwa ma' Birkirkara, minn qagħda ideali, għalkemm ftit barra mill-kaxxa, ipprova jitfa' l-ballun fir-rokna tax-xibka , iżda t-tentattiv tiegħu għadda ftit għoli minn fuq il-lasti tal-goalkeeper ta' Floriana, Matthew Calleja Cremona. Fil-65 minuta, Nicolas Chiesa għal Floriana, kellu freekick dirett jgħaddi ftit barra mil-lasti ta' Justin Haber. Fit-68 minuta, Birkirkara qalgħu daqqa ta' ħarta meta spiċċaw jilagħbu b'l0 plejers meta tkeċċa għalihom id-difensur internazzjonali, Joseph Zerafa, wara li rċieva żewġ karti sofor fil-logħba, bit-tieni waħda jirċeviha wara foul li wettaq fuq l-attakkant prolifiku Arġentin ta' Floriana, Nicolas Chiesa. Fit-78 minuta, xutt minn barra l-kaxxa ta' Ryan Scicluna għall-Istripes, għadda ftit barra mil- lasti ta' Matthew Calleja Cremona. U minuta biss wara, l-attakkant mis-Slovenja ta' Birkirara Vito Plut, kien għoddu skorja kontra l-eks team tiegħu, iżda kien ferm sfortunat meta t-tentattiv tiegħu mill-viċin, stampa mal-mimduda. Floriana - Calleja Cremona, Monticelli, Pepe, Pisani (Cabral 63'), Villa, Pisani, Piciollo, Bonnici, Briffa, Chiesa, Fontanella (Aboulezz 88') Birkirkara - Haber, Muscat, Latini Mazzetti, Vukanac (Marcelina 70'), Camenzuli, Fenech, Zerafa, Sciberras (Agius 75'), Scicluna, Plut, Miccoli (Costa Morais 35') Referi - Mario Apap Bilanċ assolut bejn Floriana u Birkirkara Sports Ritratt - Ray Attard NICOLAS HERNAN CHIESA Ġie vvutat bħala l-BOV Plejer tal-Logħba mill-ġurnalisti preżenti. Twieled fl-Arġentina. Ingħaqad ma' Floriana matul is-sajf li għadda. Għalkemm ma rnexxielux isib ix-xibka, ħoloq diversi azzjonijiet perikolużi għat-tim tiegħu, u kien l-aħjar plejer fost sħabu. Ritratt - Jane Farrugia Id-difensur versatili Arġentin, Mauricio Matias Latini Mazzetti, jixxutja l-ballun b'saħħtu għal Birkirkara