Issue link: https://maltatoday.uberflip.com/i/627672
Il-Ħadd 17 ta' Jannar 2016 | illum 27 SPORTSillum minn Cristian Antony Muscat Naxxar L..........................0 Pembroke A.....................2 PEMBROKE Athleta rritornaw għar-rebħ permezz ta' rebħa tajba ta' 2-0 kontra Naxxar Lions, liema rebħa tat tliet punti prezzjużi lit-tim immexxi minn Winston Muscat, u min-naħa l-oħra kompliet tkabbar il-problemi għal Naxxar Lions, fit-tentattiv tagħhom li jirnexxielhom jevitaw ir-relegazzjoni għall-Kampjonat BOV tal- Ewwel Diviżjoni, fejn issa m'hemmx dubju li bdiet tixgħel il-bozza l-ħamra għalihom. Din ir-rebħa ħalliet lil Pembroke Athleta fid-disa' post tal-klassifika, iżda issa resqu tliet punti biss taħt Sliema Wanderers, għalkemm dawn tal-aħħar għandhom logħba inqas hekk kif ikunu impenjati propju llum f 'dak li huwa msejjaħ bħala d-'Derby ta' Malta' kontra r-rivali antiki, Floriana. Intant, Naxxar Lions baqgħu jokkupaw it-tieni post mill-aħħar tal-klassifika, hekk kif ilbieraħ sofrew is-sitt telfa konsekuttiva tagħhom. Iż-żewġ timijiet kellhom bosta elementi importanti neqsin, hekk kif Naxxar Lions kellhom lill- captain Angus Buhagiar sospiż, waqt li neqsin għal Pembroke Athleta kienu ż-żewġ plejers Siraj Eddin Arab u Terence Agius. Dawn tal-aħħar reġa' kellhom lil Leighton Grech nieqes minħabba li għadu qed jirkupra minn injury kemxejn serja fil- groin. Għal Naxxar Lions, iddebuttaw iż-żewġ plejers Ryan Grech u Alvaro Hungria Rosero. Wara li l-ewwel taqsima intemmet fi draw ta' mingħajr gowls, Pembroke Athleta rnexxielhom jiftħu l-iskor fid-59 minuta meta minn kross mix-xellug ta' Ariel Laudisi, għola tajjeb l-akkwist il-ġdid tagħhom Manolito Micallef, li permezz ta' daqqa ta' ras preċiża mill-viċin tefa' l-ballun wara Julian Azzoaprdi. Żewġ minuti fil-ħin miżjud huma skorjaw it- tieni gowl fil-logħba biex issiġġillaw ir-rebħa meta Laudisi żmarka lil Gustavo Villalobos li avvanza tajjeb qabel minn pożizzjoni angolata mil-lemin, għeleb lill-goalkeeper ta' Naxxar Lions, Julian Azzopardi, li ħareġ minn postu fit- tentattiv iddisprat tiegħu li jsalva l-ballun milli jintemm fix-xibka. Naxxar L. - Azzopardi, Scicluna, R. Grech, Toure, Falzon, Bonnici (Rosero 38'), Godar Pereira, Debono (Sarina 70'), I. Grech, Hamutenya, Tasic Pembroke A. - Muscat, Cini, Attard, Bugeja, Barbetti, Levnaic (Togbah 84'), Micallef, O'Brien, Laudisi, Shereni, Villalobos Referi - Fyodor Zammit Cann MANOLITO MICALLEF Ġie vvutat bħala l-BOV Plejer tal- Logħba mill-ġurnalisti preżenti. Ingħaqad ma' Pembroke Athleta iktar kmieni matul dan ix-xahar. Skorja l-ewwel gowl mit-tnejn ta' Pembroke Athleta f'din il-logħba, eżattament fid-59 minuta. Qabel Pembroke Athleta, fil- karriera tiegħu lagħab ukoll ma' Ħamrun Spartans, Floriana u Mosta. Pembroke A. jirritornaw għar-rebħ u jkomplu jkabbru l-problemi ta' Naxxar L. Ritratt - Ray Attard Taqtigħa għall-ballun -arja l-konfront bejn Pembroke Athleta u Naxxar Lions