Issue link: https://maltatoday.uberflip.com/i/640305
28 illum Il-Ħadd 14 ta' Frar 2016 Sports minn Cristian Antony Muscat Mosta ......................... 3 Pembroke A ................. 3 Kellu jkun gowl fil-ħin miżjud minn Godwin Mensha li ta draw drammatiku ta' 3-3 lill- Mosta kontra Pembroke Athleta, f 'logħba li rriżultat bħala waħda spettakolari għal dawk preżenti, hekk kif offriet emozzjonijiet diversi tul id-90 minuta. Il-Blues fetħu l-iskor fl-14-il minuta grazzi għal Godwin Mensha li għeleb lill-goalkeeper Mario Muscat permezz ta' xutt mil-lemin wara li rċieva pass perfett mingħand iż-żagħżugħ James Brincat. Pembroke Athleta ġabu l-iskor indaqs fil-25 minuta meta rebħu penalty wara li difensur ta' Mosta miss il-ballun b'idu fil-kaxxa. Mill-11-il metru, inkariga ruħu Gustavo Villalobos li ma żbaljax. Tliet minuti biss wara, Pembroke Athleta marru fil-vantaġġ grazzi għal-logħob delizzjuż ta' Kyle O'Brien minn barra l-kaxxa li ma ta l-ebda ċans lill-goalkeeper Omar Borg. Pembroke Athleta komplew ikabbru l-marġni tal-iskor fis-37 minuta permezz ta' xutt potenti u mill-isbaħ ta' Ariel Laudisi li ntemm fix- xibka. Iżda tmien minuti minn tmiem id-90 minuta, Mosta naqqsu l-marġni tal-iskor, hekk kif James Brincat xeħet cross lejn Jonas Rodrigues Ekani li kellu x-xutt mill- ewwel tiegħu jintemm wara l-goalkeeper ta' riserva ta' Qormi, Jean-Matthias Vella. Fid-89 minuta, xutt minn barra l-kaxxa ta' James Brincat għal Mosta stampa mal-wieqfa, biex ftit sekondi wara, il-Blues rebħu penalty meta din id-darba kien imiss lil difensur ta' Pembroke Athleta li jmiss il-ballun b'idu fil-kaxxa. Mill-11-il metru nkariga ruħu Godwin Mensha li iżda ra lill-goalkeeper ta' riserva Matthew Farrugia jilqa' tajjeb, iżda ma żammx biex mir-rebound, l-istess attakkant Niġerjan tefa' ġewwa, biex b'hekk irreġistra doppjetta personali. Mosta O. Borg, Brincat, Farrugia, Frendo (A. Borg 46'), Micallef (Gwar 46'), Guobadia, Njousso, Alabi, Ekani Rodriguez, Okonkwo, Mensha Pembroke A. Muscat (Farrugia 69'), Levnaic, Cini, Attard, Bugeja, Barbetti, Micallef, O'Brien, Arab Eddin (De Paulo da Nobrega 76'), Laudisi, Villalobos (Obiefule 90') Referi Alan Mario Sant ARIEL LAUDISI Ġie vvutat bħala l-BOV Plejer tal-Logħba mill-ġurnalisti preżenti. Twieled fit-3 ta' Ottubru 1991 fl-Arġentina, u għandu 25 sena. Ingħaqad ma' Pembroke Athleta fl-2014. Mosta jiksbu draw drammatiku kontra Pembroke Athleta Ritratt - Ray Attard Godwin Mensha jissielet biex jirbaħ il-ballun għal Mosta fil-konfront kontra Pembroke Athleta