Issue link: https://maltatoday.uberflip.com/i/646086
28 illum Il-Ħadd 28 ta' Frar 2016 Sports minn Cristian Antony Muscat Sliema W ................... 2 Floriana..................... 2 Sliema Wanderers u Floriana temmew il- konfront ta' bejniethom f 'dak li huwa meqjus bħala l-'Old Firm Derby' fi draw ta' 2-2, f 'logħba li offriet spettaklu tul id-90 minuta. Floriana fetħu l-iskor fl- ewwel azzjoni perikoluża li ħolqu fid-19-il minuta meta wara azzjoni personali, xutt bid-dawra minn barra l-kaxxa ta' Matteo Piciollo, intemm fir-rokna tax-xibka. Iżda l-Greens ma tantx damu jifirħu hekk kif fis-26 minuta, Sliema Wanderers ġabu l-iskor indaqs meta minn korner tal-attakkant Brażiljan, Denni Rocha Dos Santos, il-ballun spiċċa f 'saqajn il-captain Alex Muscat, li xeħet cross li ġie devjat minn player ta' Floriana, fejn daħal bħal vleġġa Marko Potezica li minn ftit passi bogħod ma ħafirx, u għeleb lil Matthew Calleja Cremona. Mal-50 minuta, Sliema Wanderers ferħu biss għal ftit sekondi meta tħassrilhom gowl, meta wara li rċieva minn corner ta' Denni Rocha Dos Santos, għola tajjeb Marko Potezica li permezz ta' daqqa ta' ras tefa' ġewwa, iżda tħassar mir-referee Fyodor Zammit wara senjalazzjoni tal-assistant referee Jurgen Debono, minħabba li ġġudika li l-ballun kien vjaġġa barra mil-linja qabel wasal għand Marko Potezica. Il-Greens ħolqu l-periklu fil-55 minuta, iżda kienu sfortunati meta xutt potenti tal-captain Nicolas Hernan Chiesa ħabat mal-mimduda qabel intemm barra. Fid-69 minuta, Marko Potezica għadda tajjeb lejn Jean Paul Farrugia li ra x-xutt b'saħħtu tiegħu jiġi mdawwar f 'corner bi bravura minn Matthew Calleja Cremona. Fit-83 minuta, Floriana rebħu penalti meta Clifford Gatt Baldacchno waqqa' lil Mario Fontanella fil- kaxxa. Mill-11-il metru nkariga ruħu l-istess Mario Fontanella li tefa' l-ballun naħa u lill- goalkeeper Glenn Zammit in-naħa l-oħra, biex tefa' lill-partitarji ta' Floriana f 'delirju ta' ferħ. Iżda l-Greens għal darb'oħra reġgħu ma tantx damu jifirħu meta fis-87 minuta, Sliema Wanderers ġabu l-iskor indaqs hekk kif Jean Paul Farrugia għadda tajjeb lejn Marko Potezica, li mill-viċin tefa' l-ballun ġewwa. Sliema W. - Zammit, A. Muscat, Dos Santos Tarlaziz (Xuereb 66'), Scerri, Fidelis, Gatt Baldacchino, Potezica, Rocha dos Santos, Muir, Farrugia, Bianciardi Floriana - Calleja Cremona, Scicluna, Monticelli, Pepe, Pisani (Fontanella 63'), Villa (C. Borg 72'), Piciollo, Bonnici, Briffa, Chiesa, Marcelina Referi - Fyodor Zammit MARKO POTEZICA Ġie vvutat bħala l-BOV Plejer tal-Logħba mill-ġurnalisti preżenti. Bla dubju, kien l-aħjar plejer fil-grawnd. Skorja doppjetta personali f'din il-logħba għal Sliema Wanderers. L-ebda rebbieħ fl-'Old Firm Derby' Ritratt - Ray Attard Konfront għall-ballun bejn Saviour Fidelis u Antonio Monticelli Ritratt - MFA