Issue link: https://maltatoday.uberflip.com/i/849589
Il-Ħadd 16 ta' Lulju 2017 | illum Editorjal ILLUM, MEDIATODAY LTD, VJAL IRRIĦAN, SAN ĠWANN SĠN 9016 Tel: (356) 21 382741-3, 21 382745-6 • Fax: (356) 21 385075 Ittri u Kummenti, Imejl: illum@mediatoday.com.mt Nhar il-Ħamis filgħodu ... N har il-Ħamis kien hemm min qam lgħodu bi drittijiet u dmirijiet daqs ħaddieħor. Ħadd ma qam aħjar, ħadd ma qam superjuri u ħadd ma qam bi privileġġi. Nhar il-Ħamis lgħodu qomna f 'pajjiż fejn l-imħabba hija ugwali u għax hija ugwali, anke jekk mhux l-istess, vera, jixraqilha l-istess rikonoxximent mill-istat. Nhar il-Ħamis lgħodu, permezz ta' vot Parlamentari kważi unanimu, l-istat irrikonoxxa li d-dierenzi qegħdin hemm, mhux biex niddiskriminaw, mhux biex noħolqu ordni soċjali mibnija fuq tikketti ta' 'dak tajjeb' u 'dak inqas tajjeb', imma biex niċċelebrawhom b'mod ugwali. Nhar il-Ħamis filgħodu lil ommu kulħadd 'ma' għajtilha u lil missieru kulħadd 'pa' għajjatlu. Nhar il-Ħamis filgħodu bqajna ngħixu f 'pajjiż fejn il-ġmiel u l-bżonn tal-għaqda fil-familja magħġuna minn omm u missier, li jinkoċepixxu t-tfal, għadu jkun iċċelebrat. Għax ħadd ma jista' jiċħad l-importanza tal-omm u l-missier u ħadd mhu qed jiċħdu dan. Nhar il-Ħamis il-familja eterosesswali mhux vera ddgħajfet u jekk qed tidgħajjef qed jiġri dan għax illum spiċċa s-sens ta' sagrifiċċju u sens ta' ppjanar għat-tul. Għax illum hawn min jaħseb li kollox jgħaddi, li taqlbiha lil martek? Mhux problema. Li trid kollox u l-aqwa anke jekk taf li se titkisser finanzjarjament? Mhux problema. Li tkun żagħżugħ għadek tibda l-ħajja u ġġib tarbija fid-dinja? Mhux problema, tipprova u jekk ix-xogħol ma jogħġbokx, tlebbet 'l hemm. Illum qed ngħixu f 'dinja fejn kollox issa u llum, l-aqwa u l-aħjar. Għada min rah? Għalfejn inkun kuntent b'żewġi jew b'marti tal-lum, meta nista' nsib aħjar? Hekk qed tiddgħajjef il-familja, mela billi fil-Liġi niktbu 'ġenituri' minflok nispeċifikaw 'ma' jew 'pa'? Tiddgħajjef il-familja, mela, meta tkun infidil lejn il-parti l-oħra, meta tkun diżonest lejn il-parti l-oħra jew meta taħseb li żewġek/ martek huma proprjetà tiegħek u int għandek id-dritt terfa' jdejk fuqha jew tkissru moralment. Dawk huma l-vera susa tal-familja. Dawk huma t-thedidiet reali. Mela l-omosesswalità. Fil-fatt, nhar il-Ħamis filgħodu wkoll il-Gvern flimkien mal-maġġorparti tal-Oppożizzjoni rriġettaw u remew il-possibbilità jew il-lussu li l-fallimenti ta' waħda mill-aktar istituzzjonijiet importanti nitfgħuhom fuq minoranza. Spiċċa ż-żmien li min, bl- imġiba skoretta, immorali u rgħiba tiegħu kisser żwieġ, jaħbi l-fallimenti tiegħu wara ħaddieħor. Nhar il-Ħamis filgħodu min ma kellux dritt li jiċċelebra l-imħabba tiegħu u jsejħilha żwieġ, issa għandu. U min ingħata dan id-dritt ma ħa xejn ta' ħaddieħor, ma weġġa' lil ħadd u ma seraq xejn. Nhar il-Ħamis dan il- pajjiż issiġilla dak li beda fl-2014, meta kien introdott l-Att dwar l-Unjoni Ċivili. Dakinhar ukoll smajna kull forma ta' theddid ta' dnub mejjet u infern u nirien neżlin mis-sema minn eżatt l-istess nies li qed jitkellmu llum (b'kull dritt – u minn hawn dan l-editorjal irid juri rispett lejn min jaħsibha mod ieħor). Ħarsu lejn l-aħħar erba' snin. Tkissret il-familja? Tfarrku familji minħabba l-unjoni ċivili? Mhux talli ma tkissrux, talli 200 familja ċċelebraw l-għaqda fl-imħabba ta' wliedhom. Talli l-ma u l-pa kienu hemm biex jaqsmu l-ferħ u l-mument storiku li wliedhom kienu qed jiċċelebraw. Għax l-imħabba vera, hi x'inhi, iġġib magħha ferħ f 'mumenti sbieħ, wens f 'mumenti ta' niket u għaqda quddiem sfidi kbar. U kważi 200 unjoni ċivili dak li ġabu; ferħ, ċelebrazzjoni, imħabba, għaqda u wens. Għalhekk nhar il- Ħamis Malta qamet aħjar. Malta qamet b'kuxjenza aktar nadifa li lil uliedha titrattahom ilkoll l-istess. Malta qamet iktar Ewropea, iktar tolleranti u iktar Nisranija. Malta fil-fatt mhux ċaħdet, imma tat lil aktar nies il-jedd li jiċċelebraw iż-żwieġ. U ġimgħat, xhur, snin u deċenji wara nhar il-Ħamis, meta nħarsu lura niftakru u nfakkru li dakinhar verament għamilna l-istorja bħala poplu. Xhur u deċenji mil-lum, ikunu ntesew l-għajtiet tal-biża'. Il-biki tal-orrur u l-preċipizju. Xhur u deċenji mil-lum niftakru illi l-Erbgħa 12 ta' Lulju 2017, tajna mhux ħadna, inkludejna mhux eskludejna u bnejna mhux ħattejna. Għalhekk, il-poplu kollu, anke min għad irid ikun konvint mill-pass li ħadna bħala pajjiż, għex l-istorja ta' pajjiżna u kien parti minnha. Jalla dawk ta' warajna u ta' warajhom jiftakruna għall-għaqal u l-inklussività li wrejna u jalla kull ċelebrazzjoni ta' mħabba mil-lum 'il quddiem tibqa' tgħożż f 'qalbha d-dati; l-14 ta' Marzu 2014 u t-12 ta' Ġunju 2017. Editur: Albert Gauci Cunningham 21