Issue link: https://maltatoday.uberflip.com/i/1497278
sport illum • IL-ĦADD 16 TA' APRIL 2023 Tkompli l-forma diżastruża ta' Chelsea, Tottenham jitilfu wkoll b'gowl fil-95 minuta Milan miżmuma minn Bologna fi Stadio Dall'Ara Tliet persuni arrestati wara li ppruvaw iwaqqfu t-tiġrija taż-żwiemel Grand National 19 Milan waqqgħu żewġ punti u ħadu punt wieħed fil-konfront tagħhom mill-Kampjonat Taljan Serie A li ntlagħab kmieni s-Sibt kontra Bologna fi Stadio Dall'Ara. Il-partita ntemmet bi skor ta' 1-1. Milan inħasdu kmieni fil-partita meta Bologna marru fil-vantaġġ wara it sekondi logħob minn gowl ta' Sansone. Milan ġabu l-gowl tad-draw fl-40 minuta logħob permezz ta' Pobega. Fit-tieni taqsima, Milan kellhom aktar mill-pussess tal-ballun bl- avversarji li ppruvaw joħolqu xi ħaġa minn xi kontrattakki iżda l-ebda naħa ma sabet ix-xibka. Tliet persuni ġew arrestati hekk kif ilbieraħ pruvaw iwaqqfu t-tiġrija taż-żwiemel, Grand National. It-tiġrija hija fost l-aktar importanti u segwieta fl- Ingilterra. Il-persuni kienu ġejjin mill- grupp tad-drittijiet tal-annimali fil-pajjiż, ħabbar li kien se jagħmel minn kollox biex dan l-avveniment ma jsirx. Mara u raġel ta' 25 sena, it- tnejn minn Londra, ġew arrestati barra l-korsa Aintree. Humwa se jiġu mixlija li ppruvaw iwaqfu avveniment pubbliku regolari. Iktar kmieni, mara ta' 33 sena minn Londra wkoll, ġiet arrestata minħabba l-istess offiża. Kelliem għall-Pulizija ta' Merseyside qal li sar minn kollox biex il-ġerrejja jkunu jistgħu jsuqu ż-żwiemel tagħhom mingħajr ebda periklu li xi protestant jew protestanti joħorġu fil-korsa waqt li tkun għaddejja t-tiġrija. Chelsea...1 Brighton...2 Chelsea komplew għaddejjin bis-serje negattiva ta' riżultati meta lbieraħ reġgħu tilfu fi Stamford Bridge kontra Brighton bi skor ta' 2-1. Chelsea marru fil-vantaġġ minn gowl ta' Gallagher fit-13-il minuta. Brighton ġabu l-gowl tad-draw minn Wellbeck it qabel il-mistrieħ. Enciso tefa' lil Brighton fil- vantaġġ b'gowl ieħor fis-70 minuta. Il-partita baqgħet hekk sal-aħħar. Tottenham...2 Bournemouth...3 Partita drammatika sal-aħħar sekonda rat lil Bournemouth jegħlbu lil Tottenham f 'Londra bi skor finali ta' 3-2. It-tim ta' Londra mar fil-vantaġġ b'gowl ta' Min-Son wara 14-il minuta logħob. Vina ġab id-draw għal Bournemouth fit-38 minuta. Tottenham dehru maħsuda u Bournemouth marru fil- vantaġġ kmieni fit-tieni taqsima minn gowl ta' Solanke. Iżda Tottenham ġabu l-gowl tad- draw b'gowl ta' Danjuma fl-aħħar minuta. Tottenham resqu viċin li saħansitra jiskurjaw il-gowl tar-rebħa iżda kienu Bournemouth li għamlu dan meta minn kontrattakk, kien Ouattara li għamilhom 3-2. Everton...1 Fulham...3 Everton komplew ikabbru r-riskju li jiġu relegati meta tilfu f 'darhom kontra Fulham bi skor ta' 3-1. Fulham fil-vantaġġ fit-22 minuta minn gowl ta' Reed. Everton ġabu d-draw minn McNeil fil-35 minuta. Fil-bidu tat-tieni taqsima, Fulham reġgħu marru fil- vantaġġ fil-51 minuta minn gowl ta' Wilson. It-tim ta' Londra skurja t-tielet gowl u għalaq il-partita fit-68 minuta permezz ta' James. Southampton... 0 Crystal Palace...2 Crystal Palace ħadu rebħa tajba barra minn darhom meta għelbu lil Southampton bi skor ta' 2-0. L-ewwel taqsima għalqet mingħajr gowls iżda Crystal Palace marru fil-vantaġġ fl-54 minuta minn gowl ta' Eze. L-istess plejer irdoppja 14-il minuta wara. Wolves...2 Brentford...0 Wolves kellhom wirja tajba oħra meta f 'darhom għelbu lil Brentford 2-0. Wolves skurjaw il-gowl tal-vantaġġ minn Diego Costa fis-27 minuta. Huma rduppjaw fid-69 minuta minn gowl ta' Hwang Hee Chan.