Issue link: https://maltatoday.uberflip.com/i/1519393
13 kultura IL-ĦADD 21 TA' APRIL 2024 • illum Din il-paġna nkitbet bis-sostenn tal-Kunsill Malti għall-Arti Il-ġgant tal-mużika Maltija Ray Mahoney imfakkar f'lejl ta' mużika fl-MCC Ray Mahoney, ġgant fil- mużika u l-poeżija Maltija, naqqax ismu fil-qasam kulturali bl-abbiltà artistika tiegħu. Magħruf għall-kontribut tiegħu għal-letteratura, il-mużika, u l-kultura, il- legat ta' Mahoney jinkludi "Ġensna" (1982), Rock Opera patrijottika li fiha ħallat b'ħila kbira r-realiżmu, l-emozzjoni u t-trijonf. Il-vjaġġ kreattiv tiegħu kompla b'għaxar musicals oħra, fosthom "Bastilja", "Ulied in-Nanna Venut fl-Amerika," "Il-Gwerra ta' Spiru Cefai," u "Ali Baba". "L-Għanja li Ħadd Ma Jsikket: Ray Mahoney" jagħti ġieħ lil din il-figura emblematika Maltija permezz ta' repertorju ta' kanzunetti u intervisti, li jinkludu kantanti mistiedna, kompożituri, u kollaboraturi li ħadmu ma' Mahoney tul is-snin. Ingħaqad mal-Valletta Cultural Agency biex jiġi ċċelebrat l-impatt dejjiemi tal-ħajja u l-karriera tal-mibki Ray Mahoney. Żur is-sit taċ-Ċentru Mediterran għall-Konferenzi biex taqta' l-biljett għal dan il-kunċert li se jsir fis-sala tal-MCC nhar it-28 t'April fis- 6pm. Ray Mahoney huwa meqjus ġgant tal-mużika u l-poeżija Maltija Il-Fondazzjoni Ċelebrazzjoni- jiet Nazzjonali u Festivals Mal- ta qed jistidnuk għal kunċert bla ħlas ġewwa ċ-Ċentru Med- iterran għall-Konferenzi fil- Belt Valletta, fil-jum li jfakkar il-45 sena minn Jum il-Ħelsien. Il-kunċert iwiegħed li jieħdok simbolikament lura fil-passat permezz ta' "l-aqwa għoxrin f 'Malta." Ispirat minn sensiela interattiva ta' Mario Laus fuq gazzetti stampati li telenka l-aqwa għoxrin kanzunetta tal-mument, dan il-kunċert se jnissillek nostalġija tal- aqwa għoxrin diska f 'dawk iż- żminijiet. Għalhekk, erġa' għix il- mużika li akkumpanjat jum il-ħelsien ta' Malta, il-jum fejn Malta ma baqgħetx bażi militari iżda gżira ta' paċi u djalogu. Il-kunċert fl-MCC se jinkludi wħud mill-aqwa talenti lokali mmexxija mit-talent Maestro Paul Abela. Żur is-sit showshappening. com biex taqta' biljett għal lejl ta' kanzunetti kemm Maltin u anke internazzjonali. L-aqwa għoxrin diska tal-1979, b'ċelebrazzjoni għal Jum il- Ħelsien