Issue link: https://maltatoday.uberflip.com/i/1536967
opinjoni 12 analiżi arti u kultura IL-ĦADD 29 TA' ĠUNJU 2025 • illum Il-gazzetta ILLUM hija megħjuna mill-Kunsill Malti għall-Arti Dan il-proġett mhux ippreżentat lill-udjenza bħala ġabra finalizzata ta' xogħlijiet, iżda bħala esplorazzjoni tal-proċess kreattiv li jseħħ qabel l-artist jasal għal "soluzzjoni". Tista' tikkunsidrah bħala studio miuħ, li joffri titwila lejn il- possibbiltajiet numerużi li jinbtu waqt l-att tal-ħolqien. Kultant, dan il-proċess jgħaddi bla xkiel; drabi oħra jkun kaotiku u diffiċli. Madankollu, il-vjaġġ kreattiv huwa dejjem dinamiku, fejn l-intensità tiegħu tvarja minn artist għal ieħor. Wara diversi esebizzjonijiet fil- Kamra ta' Fuq, rajna opportunità eċitanti biex naħdmu ma' artist li nitfgħu d-dawl fuq dan il-proċess kreattiv. Bl-esperjenza vasta tiegħu fit-tagħlim tal-arti fuq diversi livelli u l-preżenza stabbilita tiegħu fix-xena artistika lokali, Darren Tanti ħa f 'idejh dan il-proġett u offra lill-pubbliku ħarsa rari fil- vjaġġ kreattiv tiegħu. Imsemmi In Search of the Unknown, il-proġett jinkapsula t-tfittxija tal-artist għall-iskop u l-iskoperta permezz tal-arti. Hawnhekk, wieħed jista' jinnota konnessjonijiet max-xogħlijiet preċedenti u reċenti ta' Tanti, traċċi ta' ispirazzjonijiet tal- passat, elementi ġodda, żviluppi potenzjali, u anke proġetti falluti. Filwaqt li ħafna artisti jagħżlu li juru biss ix-xogħlijiet finali u lesti, Tanti aċċetta l-opportunità li juri wkoll il-partijiet normalment inviżibbli tal-proċess tiegħu. Din l-onestà hija estensjoni naturali tal-ħidma tiegħu fl-ambjent tal-klassi studio, fejn il-proċess kreattiv jingħata prijorità. Fil- fatt, l-edukaturi jissottolinjaw regolarment kif proċess impenjat sew jista' jwassal għal riżultati artistiċi profondi u sinifikanti. L-esebizzjoni hija kkurata minn Melanie Erixon. In Search of the Unknown se tkun miuħa mill-20 ta' Ġunju sas-6 ta' Lulju. L-artist Darren Tanti (1987) huwa artist magħruf għax-xogħol tematikament rikk profond u tekniku tiegħu. L-istil tiegħu jiffoka fuq l-iperrealtà u t-tekniki sperimentali, inkluż l-ibridizzazzjoni ta' forom ta' arti diġitali u akkademiċi. Tanti pparteċipa f 'diversi proġetti u esebizzjonijiet internazzjonali. Fost l-aktar wirjiet prestiġjużi tiegħu nsibu Time, Space, Existence f 'Palazzo Mora waqt il-Venice Architecture Biennale tal-2014 (ikkurata minn AP), u Homo Melitensis, fejn kien wieħed mill-artisti li rrappreżentaw lil Malta fil- Venice Art Biennale tal-2017. Tanti pparteċipa wkoll f 'kull edizzjoni tar-rinomata APS Mdina Cathedral Contemporary Art Biennale. Għandu għadd ta' wirjiet personali rikonoxxuti, fosthom Aħmar Ħelu u Qares (2021), Inaction is a Weapon of Mass Destruction (2022), Remember/ Dismember (2023), u Apotheosis (2023). Ix-xogħlijiet tiegħu jinsabu f 'diversi kollezzjonijiet privati f 'Malta u barra minn Malta, kif ukoll f 'istituzzjonijiet pubbliċi bħall-MUŻA u l-Ambaxxata ta' Malta f 'Washington, D.C. Bħala edukatur, Tanti għandu aktar minn 15-il sena esperjenza fil-livelli edukattivi kollha. Bejn l-2016 u l-2021, serva bħala l-Kordinatur tal-Arti u Arti Fina, u bħalissa huwa Lettur Anzjan tal-Arti Fina fl-Istitut tal-Arti Kreattiva tal-MCAST. Huwa jgħallem ukoll fil-programm tal- Master's in Teaching and Learning fl-Università ta' Malta. In Search of the Unknown – wirja ta' Darren Tanti fil-Kamra ta' Fuq Meta d-Dell isir Dija — Wirja Ġdida fil-Mużew Il- Ħaġar li tiċċelebra l-arti ta' Carmelo Mangion Fix-xahar ta' Lulju, il-Mużew u Ċentru Kulturali f 'Għawdex Il-Ħaġar se jinawgura wirja retrospettiva tant mistennija li tagħti l-attenzjoni mistħoqqa lil wieħed mill-pijunieri tal-arti moderna f 'Malta: Carmelo Mangion (1905–1997). Il-wirja, liema kuratriċi hija Dr Nikki Petroni, iġġib l-isem Carmelo Mangion: Mystery and Modernity u tesplora fil-fond il-ħajja, il-karriera, u l-wirt artistiku ta' Mangion. Il-wirja tinkludi għażla diversa ta' xogħlijiet tiegħu — ritratti, pajsaġġi tematiċi, u inċiżjonijiet — li ħafna minnhom ma ġewx esebiti pubblikament għal għexieren ta' snin. Imwieled in-Naxxar fl-1905, Mangion kien wieħed minn sitt it-tfal u wera talent artistiku minn età żgħira ħafna. Beda t-taħriġ artistiku tiegħu taħt l-artist Giuseppe Duca (1871-1948) u aktar tard taħt Edward Caruana Dingli, wieħed mill-artisti tant rispettati f 'Malta. Kompla l-istudji tiegħu fil-British Academy of Art f 'Ruma u fl-Académie de la Grande Chaumière f 'Pariġi, iżda kien iż-żmien tiegħu fl-iskola tal-arti fi New York, Central School of Art, fejn studja l-arti kummerċjali u l-inċiżjoni, li mmarka kapitlu kruċjali fil-karriera tiegħu. L-inċiżjoni kellha ssir parti integrali mill-istil tiegħu u l-imħabba kbira għal din l-arti kienet tant li 'l quddiem għaddieha lil ġenerazzjoni ġdida ta' artisti Maltin moderni. Fost l-artisti li għallem insibu lil: William Apap, Anton Inglott, Emvin Cremona, Frank Portelli, Joseph Borg Xuereb, Alfred Chircop, Joe Muscat, Salvatore Privitera, Frank Baldacchino, Publius Farrugia, Salvatore Casabene, Oliver Agius, u Joe Calleja. Din il-wirja hija frott ta' inizjattiva tal- mużew Il-Ħaġar, flimkien ma' Adrienne Cassar née Mangion, bint l-artist, li kellha sehem fundamentali fil-ġbir u l-preżentazzjoni tal-materjal esebit għall- pubbliku. Il-wirja tinkludi wkoll kronoloġija estensiva tal-ħajja tal-artist u katalgu speċjali li jiddokumenta l-iżvilupp artistiku tiegħu u l-impatt li kellu fuq il-pajsaġġ kulturali Malti. Joseph Borg, rappreżentant tal- Fondazzjoni Belt Victoria li tmexxi Il- Ħaġar, sostna: "Wara li tajna ġieħ lil artisti oħrajn tas-seklu għoxrin bħal Anton Inglott (2019), Emvin Cremona (2021), Willie Apap (2022) u Esprit Barthet (2023), din id-darba kburin li qed nagħtu dawl lix-xogħlijiet ta' Carmelo Mangion li ħafna jqisuh bħala l-missier tal-arti moderna f 'Malta. Din il- wirja retrospettiva hija r-riżultat ta' sentejn sħaħ ta' xogħol bil-kollaborazzjoni ta' bint l-artist, Adrienne. Il-Ħaġar kompla jsaħħaħ il-fama tiegħu bħala spazju għall-arti ta' livell għoli, u din il-wirja, kif ukoll oħrajn li għandna ppjanati, huma pass ieħor f 'din id-direzzjoni. Kunfidenti li fix-xhur li ġejjin ħafna Maltin u barranin se jkunu entużjasti biex iżuru din il-wirja li tinkludi xogħlijiet li se jiġu esebiti għall-ewwel darba." Il-wirja Carmelo Mangion: Mystery and Modernity tiaħ uffiċjalment fis-6 ta' Lulju 2025 u tibqa' miuħa sat-8 ta' Settembru 2025. Id-dħul huwa mingħajr ħlas. Għal aktar tagħrif żur is-sit www. heartofgozo.org.mt jew segwi Il-Ħaġar fuq il-midja soċjali. Il-wirja tinkludi għażla diversa ta' xogħlijiet tiegħu — ritratti, pajsaġġi tematiċi u inċiżjonijiet — li ħafna minnhom ma ġewx esebiti pubblikament għal għexieren ta' snin Filwaqt li ħafna artisti jagħżlu li juru biss ix-xogħlijiet finali u lesti, Tanti aċċetta l-opportunità li juri wkoll il-partijiet normalment inviżibbli tal-proċess tiegħu