MediaToday Newspapers Latest Editions

ILLUM 22 November 2026

Issue link: https://maltatoday.uberflip.com/i/1547681

Contents of this Issue

Navigation

Page 10 of 15

Carmel Cacopardo 11 editorjal IL-ĦADD 22 TA' NOVEMBRU 2026 • illum ILLUM, MEDIATODAY LTD, VJAL IR-RIĦAN, SAN ĠWANN SĠN 9016 Tel: (356) 21 382741-3, 21 382745-6 • Fax: (356) 21 385075 Direttur Maniġerjali: SAVIOUR BALZAN • Editur: PAUL COCKS Ittri u Kummenti, Imejl: illum@mediatoday.com.mt I l-pjanijiet lokali li jirregolaw l-iżvi- lupp f 'Malta ilhom kważi 20 sena fis- seħħ. F'dan iż-żmien, il-pajjiż inbidel radikalment, iżda l-qafas li suppost jiggwida l-ippjanar baqa' fil-biċċa l-kbi- ra tiegħu dak tal-2006. Wasal iż-żmien li dan jinbidel. Iżda r-reviżjoni li qed iwiegħed il-Gvern ma tistax tkun skuża biex jerġa' jinfetaħ il-bieb għal aktar bini, aktar konċessjonijiet u aktar art li tispiċċa f 'idejn l-iżviluppaturi. Il-problema mhijiex sempliċement jekk il-pjanijiet lokali għandhomx jiġu aġġornati, iżda fl-interessi ta' min se jsir dan l-aġġornament. Il-pjanijiet lokali tal-2006 kienu diġà frott ta' kompromessi kontroversjali. L-eżerċizzju tar-rationalisation kien daħħal meded kbar ta' art fiż-żoni tal-iżvilupp, b'konsegwenzi li għadhom jinħassu sal- lum. Art agrikola f 'żoni bħan-Nigret u l-Qrendi spiċċat taħt pressjoni kontinwa ta' żvilupp. Sadanittant, iċ-ċentri storiċi tal-irħula tilfu parti mill-karattru tagħhom minħabba bini li mhux dejjem jirrispetta l-kuntest urban ta' madwaru. Il-problema kompliet tikber meta fl-2015 iddaħħlet il-politika DC15, li bidlet il-mod kif jiġu interpretati l-għoli tal-bini, u f 'ċerti każijiet fetħet il-possibbiltà għal livelli addizzjonali li r-residenti qatt ma kienu jistennew mill-pjanijiet oriġinali. Illum, il-konsegwenzi tagħhom narawhom kullimkien: toroq mgħobbija bit-traffiku, żoni residenzjali li tilfu l-ispazji miuħa tagħhom, bini li qed jgħatti d-dawl u l-veduti, u komunitajiet li qed isibuha dejjem aktar diffiċli jgħixu f 'ambjent li qed isir aktar dens u inqas pjaċevoli. Iżda jkun żball li r-reviżjoni titqies bħala opportunità biex jiġu estiżi ż-żoni tal- iżvilupp jew biex jiġu legalizzati aspettattivi li nħolqu fost sidien tal-art. Il-fatt li art kienet iddaħħlet fiż-żona tal-iżvilupp fl- 2006 ma jfissirx li kull biċċa art għandha neċessarjament tibqa' hekk għal dejjem, speċjalment fejn ma jkunx inħareġ permess finali għall-iżvilupp. Għalhekk, wieħed mill-aktar eżerċizzji importanti għandu jkun li jiġi eżaminat jekk ċerti artijiet li daħlu fiż-żoni tal- iżvilupp għandhomx jerġgħu jingħataw protezzjoni. Jekk il-Gvern ta' Robert Abela verament irid juri li l-ambjent u l-kwalità tal-ħajja huma prijorità, din għandha tkun parti mid-diskussjoni, mhux suġġett li jiġi evitat minħabba l-interessi finanzjarji involuti. Hemm ukoll bżonn ta' aktar konsistenza fir-regoli dwar l-għoli, il-volum u d-densità tal-bini. Il-każijiet ta' Villa Rosa, Ħondoq ir-Rummien u l-marina proposta f 'Marsaskala juru kemm bidliet fil-pjanijiet lokali jistgħu jwasslu għal riżultati differenti ħafna. Għaldaqstant, kull emenda għandha tkun ibbażata fuq kriterji ċari u applikati b'mod konsistenti. Iżda hemm kundizzjoni oħra essenzjali: il-komunitajiet għandhom ikunu fil- qalba ta' dan l-eżerċizzju. Konsultazzjoni pubblika ma tistax tkun sempliċement formalità, fejn jiġu ppubblikati mapep tekniċi u dokumenti li it residenti għandhom il-ħin jew il-kapaċità jimu. In-nies għandhom ikunu jistgħu jaraw x'qed jinbidel fil-lokalità tagħhom, x'se jkun l-impatt fuq l-infrastruttura u jekk il-proposti humiex se jtejbu jew ikomplu jnaqqsu l-kwalità tal-ħajja tagħhom. Il-pjanijiet lokali għandhom jiġu riveduti wkoll fid-dawl tal-bidliet demografiċi, tat- traffiku, tal-ħtiġijiet soċjali u tal-pressjoni fuq is-servizzi pubbliċi. Ma jagħmilx sens li nkomplu nippjanaw Malta tal-lum u ta' għada bl-istess suppożizzjonijiet ta' 20 sena ilu. Fl-aħħar mill-aħħar, ir-reviżjoni tal- pjanijiet lokali għandha tkun eżerċizzju biex nikkoreġu l-iżbalji tal-passat, mhux biex nipperpetwawhom. L-għan ma għandux ikun li nsibu aktar art fejn nistgħu nibnu, iżda li niżguraw li dak li nibnu, fejn nibnuh u kemm nibnu ma jkunx għad-detriment ta' dawk li jgħixu f 'dan il-pajjiż. Il-pjanijiet lokali jridu jinbidlu, u mhux favur aktar żvilupp

Articles in this issue

Links on this page

Archives of this issue

view archives of MediaToday Newspapers Latest Editions - ILLUM 22 November 2026