Issue link: https://maltatoday.uberflip.com/i/1547681
aħbarijiet IL-ĦADD 22 TA' NOVEMBRU 2026 • illum 04 Il-vjolenza domestika f 'Malta: Kważi Il-vjolenza domestika għadha waħda mill-aktar problemi soċjali serji f 'Malta, b'eluf ta' persuni jispiċċaw ifittxu għajnuna mingħand il-Pulizija, is-servizzi soċjali, l-isptarijiet u organizzazzjonijiet speċ- jalizzati. L-aħħar statistika ppubblikata mill-Uffiċċju Nazzjonali tal-Istatistika (NSO) fis-16 ta' Novembru turi li matul l-2025 kien hemm 3,843 persuna li rrap- portat li kienet qed tesperjenza vjolenza domestika jew li għamlet użu minn servizz relatat ma' din il-problema. Fl-istess sena, l-entitajiet differenti li joffru għajnuna lill-vittmi rreġistraw total ta' 6,946 każ. Din iċ-ċifra turi d-dimensjoni tal-prob- lema, iżda wkoll kemm-il darba l-istess per- suna jkollha bżonn tirrikorri għal aktar minn servizz wieħed jew tagħmel kuntatt ripetut mal-entitajiet li jistgħu jgħinuha. L-istatistika tagħti stampa ta' problema li ma tistax titqies biss bħala kwistjoni ta' aggressjoni fiżika bejn koppji. Il-vjolenza psikoloġika, l-intimidazzjoni, it-theddid, il-kontroll fuq il-ħajja tal-vittma u l-abbuż ekonomiku huma wkoll parti minn realtà li ħafna drabi tibqa' moħbija wara l-bibien tad-djar. Żieda kontinwa fin-numru ta' persuni li jfittxu l-għajnuna Meta wieħed iqabbel l-aħħar tliet snin li għalihom hemm statistika disponibbli, joħroġ li n-numru ta' persuni li rrikorrew għal servizzi relatati mal-vjolenza domestika baqa' jiżdied. Fl-2023 kien hemm 3,589 persuna li għamlet użu minn dawn is-servizzi. Fl-2024, din iċ-ċifra telgħet għal 3,798, żieda ta' 5.7%. Fl-2025, in-numru kompla jiżdied għal 3,843 persuna, żieda oħra ta' 1.2%. Għalkemm iż-żieda bejn l-2024 u l-2025 kienet relattivament żgħira, xorta waħda tfisser li f 'sena waħda kien hemm 45 persuna aktar li ġew identifikati permezz tas-servizzi disponibbli. Meta wieħed iqabbel l-2023 mal- 2025, iż-żieda tammonta għal 254 persuna, jew madwar 7.1%. Madankollu, dawn iċ-ċifri jridu jiġu inter- pretati b'kawtela. L-NSO jwissi li l-kopertura tad-data nbidlet matul dawn is-snin. Mill- 2023 bdiet tiddaħħal ukoll id-data tal-Vic- tim Support Agency, filwaqt li tjieb il-ġbir tal-informazzjoni dwar tfal li jakkumpanjaw lill-ġenituri tagħhom fix-xelters. Mill-2025, id-data bdiet tinkludi wkoll servizzi tas- saħħa primarja, jiġifieri ċ-ċentri tas-saħħa u l-kliniċi tal-komunità. Għaldaqstant, iż-żieda ma tistax tiġi at- tribwita kollha kemm hi għal aktar vjolenza domestika. Parti minnha tista' tkun riżultat tal-fatt li llum qed jiġu identifikati aktar vittmi permezz ta' servizzi li qabel ma kinux inklużi fl-istatistika. Xorta waħda, il-fatt li kważi 4,000 persuna f 'sena waħda jkollhom bżonn jagħmlu użu minn dawn is-servizzi juri li din mhijiex problema iżolata jew marġinali. Kważi 7,000 każ irreġistrat Aspett ieħor importanti huwa d-differenza bejn in-numru ta' persuni u n-numru ta' każijiet irreġistrati. Dawn mhumiex l-istess ħaġa. Persuna waħda tista' tirrikorri aktar minn darba għall-istess servizz jew tagħmel kuntatt ma' diversi entitajiet differenti. Fl-2023 ġew irreġistrati 6,050 każ mis-servizzi kollha. Fl-2024, in-numru tela' għal 6,768, żieda ta' 11.9%. Fl-2025, ġew irreġistrati 6,946 każ, jiġifieri 178 aktar mis-sena ta' qabel, żieda ta' 2.6%. Dan ifisser li bejn l-2023 u l-2025 kien hemm żieda ta' 896 każ irreġistrat, jew kważi 14.8%. L-akbar żewġ entitajiet involuti f 'dan il-qasam huma l-Unità dwar il-Vjolenza Do- mestika fi ħdan l-Aġenzija Appoġġ u l-Korp tal-Pulizija. Fl-2025, l-Unità dwar il-Vjolenza Domes- tika rreġistrat 2,913-il każ, filwaqt li l-pulizija rċeviet 2,357 rapport. Fl-2024, l-Unità Appoġġ kienet irreġistrat 2,987 każ, filwaqt li l-Pulizija rċeviet 2,379 rapport. Għaldaqstant, iż-żewġ servizzi ewlenin irreġistraw tnaqqis żgħir meta mqabbla mas-sena ta' qabel, iżda n-numru kump- lessiv ta' każijiet irreġistrati mis-servizzi kollha xorta żdied. Dan juri kemm il-vittmi qed ikollhom kuntatt ma' diversi servizzi u kemm huwa importanti li jkun hemm sis- tema koordinata li tiggarantixxi kontinwità fl-għajnuna. In-nisa jibqgħu l-aktar milquta Waħda mill-aktar karatteristiċi ċari tal-istatistika hija d-differenza bejn in-nisa u l-irġiel li jirrikorru għal dawn is-servizzi. Fl-2025, 74% tal-persuni li għamlu użu mis-servizzi kienu nisa, filwaqt li 26% kienu rġiel. Fi kliem ieħor, minn 3,843 persuna, madwar tlieta minn kull erbgħa kienu nisa. Il-proporzjon tan-nisa kien ta' 75.4% fl-2023 u tela' għal 76% fl-2024, qabel ma niżel it fl-2025. Minkejja dan it-tnaqqis żgħir, in-nisa jibqgħu jirrappreżentaw il-maġġoranza assoluta tal-persuni li jfittxu l-għajnuna. Dan ma jfissirx li l-irġiel ma jesperjenzawx vjolenza domestika. Il-fatt li kwart tal-per- suni li rrikorrew għas-servizzi kienu rġiel juri li hemm ukoll vittmi maskili li jeħtieġu protezzjoni u appoġġ. Wieħed irid iżomm f 'moħħu wkoll li l-istatistika tirrifletti biss persuni li ġew f 'kuntatt ma' servizz jew li ġew identifikati minn wieħed mill-entitajiet inklużi fir-rap- port. Ma tagħtix stampa sħiħa ta' dawk li jibqgħu jbatu fis-skiet u qatt ma jagħmlu rapport. Meta l-abbuż isir ċiklu Wieħed mill-aktar aspetti inkwetanti tar-rapport huwa kemm-il darba l-istess per- suni jkollhom bżonn jirrikorru għas-servizzi. Fl-2025, 55.4% tal-persuni għamlu użu minn servizz darba biss matul is-sena. Iżda 23.8% kellhom bżonn jużaw servizz darbtejn, filwaqt li 20.8% użaw is-servizz tliet darbiet jew aktar. Dan ifisser li kważi persuna minn kull tne- jn ma rrikorrietx għal dawn is-servizzi darba biss, iżda kellha bżonn appoġġ ripetut. Fost in-nisa, 45.9% użaw xi servizz aktar minn darba, meta mqabbla ma' 40.9% tal-irġiel. Din il-ħtieġa għal kuntatt ripetut tista' tirrifletti diversi realtajiet: vittmi li jibqgħu jgħixu mal-aggressur, persuni li jkunu qed jippruvaw joħorġu minn relazzjoni abbużiva, jew individwi li jkollhom bżonn għajnuna legali, psikoloġika u soċjali fuq perjodu twil. Il-ħruġ minn relazzjoni abbużi- va mhuwiex dejjem proċess sem- pliċi. Jista' jkun hemm dipendenza finanzjarja, tfal involuti, biża' minn ritaljazzjoni, nuqqas ta' akkomo- dazzjoni alternattiva jew pressjoni mill-familja biex ir-relazzjoni tibqa' għaddejja. Għalhekk, l-għajnuna ma tistax tieqaf mal-ewwel rapport. Il-vittmi jeħtieġu appoġġ kontinwu li jgħinhom jerġgħu jibnu ħajjithom f 'ambjent sigur. L-abbuż psikoloġiku huwa l-aktar forma mifruxa L-istatistika tal-NSO turi wkoll li l-vjo- lenza domestika mhijiex sinonima biss mal-aggressjoni fiżika. Fl-2025, 72.8% tal-każijiet irrappur- tati lis-servizzi differenti kienu jinvolvu vjolenza psikoloġika, filwaqt li 45.7% kienu jinvolvu vjolenza fiżika. F'10.6% tal-każijiet kien hemm vjolenza sesswali, ekonomika jew forom oħra ta' abbuż. Fl-2024, il-vjolenza psikoloġika kienet tammonta għal 73.8% tal-każijiet, filwaqt li dik fiżika kienet tammonta għal 42.2%. Għalhekk, filwaqt li l-proporzjon ta' każijiet li jinvolvu vjolenza psikoloġika naqas bi it, dak tal-vjolenza fiżika żdied. Il-vjolenza psikoloġika tista' tieħu diversi forom, fosthom theddid, umiljazzjoni, intimidazzjoni, fastidju u kontroll kontinwu fuq il-ħajja tal-vittma. F'ħafna każijiet, l-aggressur jipprova jiżola lill-vittma mill-familja u mill-ħbieb, jikkontrolla ma' min titkel- lem u saħansitra jiddeċiedi kif għandha tuża l-flus tagħha. L-abbuż ekonomiku huwa wkoll forma ta' kontroll. Dan jista' jinkludi ċ-ċaħda tal- aċċess għall-flus, it-tneħħija tal-indipenden- za finanzjarja jew il-ħolqien ta' sitwazzjoni fejn il-vittma ma jkollhiex il-mezzi biex titlaq L-aħħar statistika tal-NSO turi li fl-2025 kien hemm 3,843 persuna li fittxew għajnuna minħabba vjolenza domestika, filwaqt li n-numru ta' każijiet irreġistrati mis-servizzi differenti laħaq is-6,946

