Issue link: https://maltatoday.uberflip.com/i/269665
18 illum | Il-Ħadd 02 ta' Marzu 2014 I lli l-Qorti tosserva minnufih qabel ma tgħaddi għal ġudizzju tagħha fuq dan il-każ, illi sfortunatament saħansitra qabel ma kienu nbdew dawn il-proċeduri, l-parti leża pprova juża l-pożizzjoni influwenti tiegħu biex lill-imputat isir ġudizzju miegħu qabel ma tagħmel dak il-ġudizzju fuqu l-Qorti u dan kif trid il-Liġi. Dan huwa rifless fir-rapport imhejji mill-espert Dr. Martin Bajada li kellu l-inkarigu li jindika dawk it-telefonati u messaġġi li saru mill-imputat u mill-parti leża fil-perjodu kemm qabel dan l-inċident kif ukoll eżattament wara. Minn qari ta' dan ir-rapport, li mhu xejn ħlief kompendju tal-kontenut ta' telefonati magħmula u messaġġi li ntbagħtu u ġew irċevuti, wieħed jieħu stampa ta' dak li kien qiegħed isir "minn wara dahar il-Qorti" u qabel mal-imputat kien beda għaddej bil-proċeduri kriminali kontra tiegħu fuq dan l-inċident. Jidher illi l-parti leża kien qiegħed jagħmel l-isforzi tiegħu biex isir dak li hu msejjaħ komunement 'a trial by the media' billi jikkuntattja diversi ġurnalisti u reporters u saħansitra jivvettja l-artikli li kienu ser jiġu TONI ABELA MEDIASPOT MINN MARIO AZZOPARDI DIN is-sena se jkollna karnival politiku kkontrollat. Karnival bi prova biex naraw hijiex se tinħoloq battalja tribali fit- triqat tal-Belt. Kull partit ingħata l-opportunità li jibni karru li jinsinwa (u suppost idaħħaq) kontra l-partit l-ieħor. Karnival mhux suppost isir bi prova. Hi kontradizzjoni li jiġi segwit u kontrollat. Suppost ikun spontanju u sovversiv, liberu, fi spirtu ta' żuffjett inċiżiv, anki ribelluż. Imma l-pajjiż għad għandu limiti intellettwali kbar. Immaginaw, ngħidu aħna, x'jiġri kieku fil- karnival ta' Malta kellu jinbena karru bl-Isqof Awżiljarju, minuskolu u ruxxan, merfugħ fuq l-idejn minn żewġ lesbjani. Probabbilment tikkollassa r-Repubblika ta' Malta. SELFIES NUDI Jekk it-tfajliet Maltin taħt l-età qed jieħdu l-istessi u jsibu li bdew iduru fuq l-internet, ikunu pprovokaw kollox huma. M'hemmx apoloġiji. M'hemmx argument dwar bulliżmu bl-internet. Min irid jitperreċ irid jerfa' l-konsegwenzi. Fil-pajjiż qed tiżviluppa kultura ta' voyeuriżmu. Il-minorenni u ż-żgħażagħ telgħin f 'atmosfera li twebbilhom ikunu superstars. Iridu jidhru sbieħ, perfetti, għarwenin, b'ġisem estetikament impekkabbli. L-ADOZZJONI MILL- GAYS Skont sondaġġ tal-MISCO, kommissjonat mill-Kurja, 80% tal-Maltin huma kontra l-adozzjoni tat-tfal minn koppji omosesswali. Tifhimha. Ġeneralment (i) għad hawn bosta perċezzjonijiet erratiċi kontra l-gays u (ii) il-Maltin "jipproteġu" lit-tfal (ħlief meta jidgħulhom u jwerżqu f 'wiċċhom, Nirra `l Alla joqtlok ja bagħal l'int!). Imma dik furja Mediterranja jgħidu l-apoloġisti. L-argument dwar l-adozzjoni mill-omosesswali għandha tkun iffukata l-ewwel u qabel kollox fuq l-interessi tat-tfal infushom. Dawn huma d-dgħajfin u dawn li m'għandhomx leħen. Malta taf tkun kattiva ma' dawn it-tfal. Immaġinaw sitwazzjoni fil-klassi fejn l-istudenti jridu jiktbu komponiment Il-Familja Tiegħi u jaqrawh lil sħabhom. Immaġinaw lill-istudent immarkat minn sħabu li għandu biex irabbuh "żewġ pufti". Iva, Malta Kattolika taf tipproduċi ġudizzji notorji bħal dawn. Bi skapitu ta' tfal vulnerabbli. DUTTRINA U POLITIKA Il-Knisja Maltija dejjem tħobb tieħu pożizzjoni protagonista. Is-sens ta' poter u protagoniżmu għadu jiġri fil-vini antiki tagħha. Imma min-naħa l-oħra, f 'soċjetà demokratika lajka, il-Knisja għandha tingħata d-dritt li tesprimi lilha nfisha dwar x'temmen, dwar x'inhuma l-principji dottrinali tagħha, bħalma tagħmel fil-każ tal- kontraċezzjoni, tad-divorzju u issa tal-adozzjoni mill- omosesswali. Li m'għandhiex dritt hu li tipprova tgħabbi bil- piena lil-leġislatur politiku. F'elezzjoni ġenerali, il-poplu jivvota għall-politiċi mhux għall-Knisja. Id-diskorsi dwar "atti morali gravi" jekk il- politiċi jgħaddu ċerti liġijiet m'għandhomx posthom f 'demokrazija tas-seklu 21. Lanqas m'hemm postu diskors "teoloġiku" li, pereżempju, "att gravament immorali" u "d-dnub" m'humiex l-istess ħaġa. Dan mhu xejn għajr doublespeak li jkompli jħawwad / jikkontrolla l-imħuħ, eżerċizzju fl- ambigwità tipika u illoġika ekklesjastika. Mhux ta' b'xejn li l-Knisja nqatgħet daqshekk min-nies minkejja l-mijiet ta' omeliji ta' kull nhar ta' Ħadd madwar Malta kollha. AĠENDA KULTURALI DIVIŻIVA Hu ċar li fil-pajjiż hemm strateġiji ċari biex jinħoloq tribaliżmu kulturali. Hemm pressjoni orkestrata mill- istess inħawi. Ir-riżenji ta' dan l-aħħar m'għandhomx x'jaqsmu mal-ideologija imma mal-karriera. M'hemmx ġenwinità fl-argumenti, imma biss il-mantra "taħt il-PN kollox kien perfett u professjonali u taħt il-Labour kollox sejjer il-baħar." Qed isir ħafna gideb, ħafna tagħwiġ tal-verità, ħafna eloġji lill-istess nies, dejjem mill-istess kamp li issa qed jirrealizza li tilef il-patrunanza li kellu qabel. Ta' min jittama li l-artisti u n-nies tal-kultura qed jindunaw bl-aġenda diviżiva. Li qed jindunaw li hemm min qed jipprova jagħmilha tal-vittma jew tal-eroj, jew li x-xemx telgħet mal-wasla tiegħu/tagħha. IL-KWESTJONARJU GĦAS-SINODU Il-kwestjonarju għas- sinodu tal-Isqfijiet kompla wera kemm il-Knisja tgħix biss ir-retorika tagħha. Il- kwestjonarju ntbagħat jew twassal fid-djar mal-junk mail, ma' rivisti kummercjali li jbiegħu l-washing machines u l-carpet cleaners. Fih 83 mistoqsija, ħafna minnhom ikkumplikati. Hawn m'hawnx sintomi ta' dixxerniment imma pretensjonijiet li setgħu iwiġbuhom biss dawk li ħadu xi kors dwar l-enċikliki jew id-dokumenti tal-Vatikan. Jien ma nemminx li waslu lura 4,000 dokument mimli. Suppost li kollox daħal sal- aħħar ta' Diċembru, anzi li sal-aħħar ta' Diċembru l-kwestjonarji kellhom jintbagħtu lill-Vatikan. Imma sal-lum l-Insara Maltin għadhom qed jippruvaw jaqtgħu xi jfisser diskors bħal census fidelium, lumen gentium u l-liġi naturali. Id-dokument aktar jixbah formola burokratika tat- taxxa milli animazzjoni tal- Evanġelju. Dreyfuss M a tridx tkun taf ħafna Franċiż biex tifhem it- titlu. Malta m'għandhiex teatru tal-istat bil-kumpanija tiegħu bħalma fi Franza hemm La Comedie Francaise li miegħu kien assoċjat il-kbir Moliere. Għandna t-Teatru Manoel li fih isiru ħafna kunċerti, drammi u anke opri li hu teatru tal- istat imma dan m'għandux il-kumpanija teatrali stabbli tiegħu kif għandha La Comedie Francaise. Imma m'għandniex għalfejn ninkwetaw wisq għax mill-kummiedji m'aħniex neqsin. Jidher li wieħed mill-iprem postijiet fejn isiru, u niftehmu tajjeb dan mhux xi żvilupp riċenti, il-kummiedji f 'pajjiżna, huwa l-parlament. Dan kif rajna ferm tajjeb din il-ġimgħa meta żewġ seduti sħaħ ittieħdu bil-battibekk bejn il-Ministru Konrad Mizzi u esponenti tal-oppożizzjoni. X'jimporta li l-liġijiet li kellhom jiġu diskussi tħallew fuq l-ixkaffa? Wara kollox, meta tgħaddi xi liġi, m'għandniex għalfejn infettqu wisq fuq id-dettalji. L-importanti li nagħtu kemm Alla ħalaq poter lill-Ministru sabiex ifaqqas l-avviżi legali li joħorġu, ħafna drabi mingħajr ħadd ma jagħti kashom. Inħlew żewġ seduti u qisu ma ġara xejn għaliex il-Ministru Konrad Mizzi waħħal fil- predeċessur tiegħu, Tonio Fenech il-fatt li nstabu maqfulin f 'kamra 665 file ta' konsumaturi li allegatament serqu d-dawl. Mizzi rrifjuta li jiddikjara li kien qed jitkellem fuq responsabilità politika u mhux personali. Fenech sostna li huwa qatt ma ordna lil ħadd sabiex ma titteħidx azzjoni fir-rigward ta' dawn il-konsumaturi u oġġezzjona li l-Ministru akkuża lill-oppożizzjoni attwali li poġġiet dawn il-files minsija ġo kaxxi. Eventwalment, l-aġent speaker ta ruling, fl-opinjoni tiegħi għaqli, fejn sab li Mizzi għażel ħażin il-kliem tiegħu meta qal li l-amministrazzjoni preċedenti kienet tefgħet il- files ta' serq ta' dawl ġo kaxxa sakemm ma kienx f 'pożizzjoni li jipprova l-allegazzjonijiet tiegħu. Għalaq ukoll il-kwistjoni billi qal li dan ir-ruling għandu jservi ta' rimedju aħħari lil min talbu. Wieħed jiskanta kif il-Ministru Mizzi sabha daqshekk diffiċli li jiċċara li huwa kien qiegħed jirreferi għar-responsabilità politika u mhux personali tal- eks Ministru Fenech. Wieħed iħoss li seta' kien ferm aktar imqit fid-diskors li uża. Wieħed JOE ELLIS IL-KARNIVAL MALTI KKONTROLLAT La Comédie Maltaise DOWNLOAD THE MALTATODAY APP NOW YOUR FIRST CLICK OF THE DAY www.maltatoday.com.mt