Issue link: https://maltatoday.uberflip.com/i/274228
26 illum Il-Ħadd 09 ta' Marzu 2014 SPORTSillum SPORTSillum Hibernians ..............4 Balzan ....................2 MINN CRISTIAN ANTONY MUSCAT WARA żewġ telfiet konsekuttivi, Hibs irritornaw għar-rebħ meta kisbu 3 punti prezzjużi konta Balzan hekk kif għelbuhom bl-iskor ta' 4-2. Kienu Balzan li fetħu l-iskor wara biss żewġ minuti logħob meta minn corner ta' Zarate mix-xellug, id-daqqa ta' ras ta'Andrew Scicluna ma ġietx miżmuma minn Jurgen Borg bil-ballun jintemm fix-xibka. Hibs ġabu l-iskor indaqs fit-22 minuta grazzi għal Jackson Lima li ra t-tentattiv tiegħu mill- viċin jistampa mal-wieqfa qabel ħabat mal-goalkeeper Bartolo u ntemm fix-xibka. Żewġ minuti biss wara, Hibs rebħu penalty meta Kurt Magro waqqa' lil Obiefule fil-kaxxa u mill-11-il metru Clayton Failla ma żbaljax. Tliet minuti mill-ftuħ tat-tieni taqsima, il-Pawlisti kabbru l-marġni tal-iskor meta minn assist ta' Obiefule lejn Tarabai, dan għadda lejn Clayton Failla li x-xutt angulat tiegħu mix-xellug għeleb lil Bartolo. Balzan naqsu l-marġni tal-iskor fl-54 minuta grazzi għal daqqa ta' ras sabiħa ta' Mark Spiteri wara li rċieva minn freekick mix-xellug li ma ta l-ebda ċans lil Jurgen Borg. Hibs reġgħu resqu viċin li jsibu x-xibka fit-78 minuta meta Tarabai għadda lejn Jean Paul Farrugia li ra t-tentattiv tiegħu jiġi mblukkat minn Bartolo. Żewġ minuti fil-ħin miżjud Manuel Bartolo wettaq save mill-isbaħ wara corner ta' Tarabai. Mill-corner li rriżulta mogħti minn Failla, il-ballun ġie mblukkat minn difensur Pawlist u mir-rebound is- sostitut Jean Paul Farrugia tefa' fix-xibka. Hibernians - Borg, Camilleri, Radusinovic, Chircop (Degabriele 88'), Cohen (Bezzina 90'), Kristensen, Lima, Failla, Tabone Desira, Obiefiule (Farrugia 69'), Dos Santos Balzan - Bartolo, Grioli, Bezzina, Scicluna, Magro, Vignaroli, Micallef, Spiteri, Zarate Bilbao, Sciberras (Aboulezz 71'), Armario Negrin (Darmanin 63') Referee Fyodor Zammit Ritratt: Ray Attard CLAYTON FAILLA Ġie vvutat bħala l-BOV Plejer tal- Logħba mill-ġurnalisti preżenti Twieled fit-8 ta' Jannar 1986 f'Tal- Pietà Qed ikollu staġun tajjeb ma' Hibernians Rebaħ l-unur ferm prestiġjuż tal-MFA Plejer tas-Sena darbtejn: fl-2009 u fl-2012 Fil-karriera mill-aqwa tiegħu sa issa lagħab ma' St Patrick, Sliema Wanderers u Hibernians Hibs lura għar-rebħ wara żewġ telet konsekuttivi Ġlieda għall-ballun l-konfront bejn Hibernians u Balzan