Issue link: https://maltatoday.uberflip.com/i/392872
Il-Ħadd 05 ta' Ottubru 2014 | illum 5 www.gourmettoday.recipes 113-il pulizija ġdid 113IL pulizija ġdid se jkunu assenjati fid-distretti, b'attenzjoni partikolari lejn il-lokalitajiet ta' Paceville, San Ġiljan, Tas-Sliema, il- Gżira, l-Imsida, San Ġwann u s-Swieqi. Ilbieraħ, waqt il-parata tal-pulizija l-ġodda, il- Ministru għall-Intern u s-Sigurtà Nazzjonali Manuel Mallia qal li fis-sena u nofs li ilu ministru attenda għal diversi Passing Out Parades ta' membri fil- Korpi Dixxiplinati. Dan juri kemm l-investiment fir- riżorsi umani kien wieħed kontinwu. Dan l-investiment hu neċessarju għat-tisħiħ tas- sigurtà tal-pajjiż. Il-pulizija l-ġodda attendew għall-kors ta' taħriġ intensiv ta' sitt xhur fl-Akkademja tal-Pulizija, li żanżnu huma għall-ewwel darba. Il- Ministru qal li bħalissa qed isir xogħol u studju biex isiru bidliet neċessarji biex l-Akkademja ssir kulleġġ tal-Pulizija b'għalliema full-timers u b'korsijiet bi kwalifiki li jkunu ekwivalenti għall-istituzzjonijiet edukattivi oħra f 'pajjiżna. Il-Ministru Manuel Mallia ħabbar li t-taħriġ li jsir kontinwament matul il- karriera tal-pulizija reġa' qed isir wara li ġie sospiż biex jiġi aġġornat. Il-Ministru tenna wkoll li permezz tal-laqgħat, dwar is-sigurtà fil-lokalitajiet, mar-residenti ta' lokalitajiet differenti, fehem l-inkwiet leġittimu tan-nies. Saħaq dwar l-importanza tal- Pulizija tal-Komunità, fejn il- pulizija jkun fit-triq b'kuntatt dirett man-nies u b'hekk tinbena relazzjoni ta' fiduċja. Temm jgħid li minħabba f 'hekk ittieħdet id-deċiżjoni li l-pulizija l-ġodda kollha jkunu assenjati f 'distretti, b'attenzjoni u enfasi partikolari fil-lokalitajiet imsemmija qabel, fejn se jiżdiedu 26 pulizija ġdid. Il-Kunsill Lokali m'għandux flus FI Triq Mensija f 'San Ġwann, eżattament f 'salib it-toroq bejn Triq Stefanotis u Triq is-Santwarju hemm periklu kontinwu għal dawk ir- residenti li jkollhom bżonn jaqsmu. Fosthom anzjani u tfal tal-iskola li jitniżżlu mill- kowċis tal-iskola fuq in-naħa l-oħra tat-triq. Residenti kkuntattjaw dan il-ġurnal u qalulna li l-periklu hu wieħed iminenti fejn sa din il-ġimgħa stess kienet se tittajjar anzjana waqt li kienet qed taqsam. Residenta partikolari qaltilna li hemm bżonn li f 'dawk l-inħawi għandha ssir zebra crossing u anke dwal tat- traffiku. "Ilmentajt dwar dan tliet darbiet mal-Kunsill Lokali" qaltilna din ir-residenta "u dawn weġbuni li ħafna huma r-rapporti dwar din is-sitwazzjoni, iżda qaluli li m'għandhomx flus biex jagħmlu d-dwal tat-traffiku." Din ir-residenta qaltilna li "biex tiżbogħ zebra crossing ma naħsibx li hemm bżonn ta' xi somma kbira ta' flus." Il-Ministru Manuel Mallia jiltaqa' mal-113 pulizija ġdid fi ħdan il-korp Malti Miriam Dalli dwar l-immigranti fil- Parlament Ewropew LMEP Maltija Miriam Dalli appellat lill-aġenzija Ewropea għall-Ażil biex tistruttura programmi li permezz tagħhom ikun hemm proċessar konġunt ta' applikazzjonijiet tal- ażil bejn il-pajjiżi membri tal-Unjoni Ewropea. Dan, bil-għan aħħari li jkun hemm distribuzzjoni xierqa tar-responsabbiltajiet fil- qasam tal-immigrazzjoni irregolari. Hija għafset ukoll fuq il-bżonn li tkun miġġielda l-kriminalità organizzata ta' kriminali li jitraffikaw lin- nies u mhux insemmuha biss wara li sseħħ xi traġedja. Miriam Dalli għamlet dan l-appell fil-Parlament Ewropew hekk kif kienet għaddejja diskussjoni dwar il-ħidma u l-iżvilupp tal- European Asylum Support Office, (EASO). Dan l-uffiċċju li hu bbażat Malta, huwa responsabbli fost l-oħrajn, biex jassisti l-pajjiżi li jkollhom pressjoni sproporzjonata fuq is-sistema tal-ażil tagħhom. Fil-kummenti tagħha fil-Parlament Ewropew, Miriam Dalli indirizzat lill-Kap tal-EASO Robert Visser. Filwaqt li rringrazzjat lill-EASO tal-proġett pilota li qed tagħmel fuq l-ipproċessar konġunt hija ħeġġet lill-aġenzija biex issa tinvolvi ruħha fit-tfassil ta' programmi konkreti f 'dan ir- rigward. Proġetti bħal dawn ikunu jistgħu jgħinu lil pajjiżi bħal Malta fl-ipproċessar ta' applikazzjonijiet tal- immigranti. Dalli rreferiet ukoll għall- ittra li Jean Claude Juncker, President Designate tal- Kummissjoni, bagħat lill- Kummissarju designate għall- immigrazzjoni u l-intern li titkellem dwar l-bżonn ta' ħidma akbar u iktar prattika mill-EASO. Dalli qalet li biex dan isir l-EASO jeħtieġ aktar riżorsi umani u finanzjarji. Din iż-żona qed tkun ta' periklu kbir għall-karozzi u l-persuni li jgħaddu minn hawn