Issue link: https://maltatoday.uberflip.com/i/1508763
13 kultura IL-ĦADD 1 TA' OTTUBRU 2023 • illum Dan l-artiklu inkiteb bis-sostenn tal-Kunsill Malti għall-Arti tal-Escape Games u t-Tours Il-Banda King's Own, hija banda filarmonika Maltija bbażata fil- Belt Valletta. Is-sena d-dieħla, is- Soċjeta' Filarmonika King's Own se tkun qed tiċċelebra l-150 sena minn meta ġiet iffurmata fl-1874 bl-isem 'La Stella'. Waqt tnedija fil-każin tagħhom stess, is-Soċjetà ħabbret li se tkun qed tistieden lil kull każin tal-banda Maltija u Għawdxija biex jakkumpanjaw lill-Banda King's Own għal marċ tradizzjonali ġo Triq ir- Repubblika. Il-president tas- Soċjeta', Ivan Piccinino, irrimarka li din l-unjoni hija l-aqwa mod xieraq biex jiġi ċċelebrat dan it- tragward importanti. Kif ukoll, il- President ħabbar l-avvenimenti ewlenin li qed jorganizzaw għas- sena d-dieħla. Mużika Il-Banda qed tippjana li tieħu sehem f 'diversi kunċerti mużikali u vokali fis-sena li ġejja f 'diversi postijiet inklużi it-Teatru Manoel, is-Sala Sir Temi Żammit, kif ukoll il-Palazz Presidenzjali fil- Belt Valletta. Il-Kunċert Annwali tas-Soċjeta' se jsir fis-Sala Sir Temi Zammit fis-17 ta' Frar, komplut b'eżekuzzjonijiet mit- tenur Arġentin Gabriel Arce li huwa bbażat f 'Madrid, kif ukoll waħda mill-aqwa soprani li Malta gġandha x'toffri. Matul April 2024, il-Każin se jkun qed jimmarċja fit-toroq tal-Furjana u l-Belt Valletta mas- Soċjetà Filarmonika Vilhena, li bħas-Soċjeta' Filarmonika King's Own, twaqqfet mill-Maestro Giuseppe Borġ u se tkun qed tiċċelebra il-150 sena tagħha. Illum, il-banda hija mmexxija mis-Surmast Dr John Galea, li b'kumbinazzjoni qed jiċċelebra l-20 sena tiegħu bħala surmast (bl- għajnuna tas-Surmast Anthony Cassar). Barra minn hekk, kif tħabbar xi xhur ilu, Maestro de Haan se jkun qed imexxi l-Banda King's Own għal kunċert fir-Royal Opera House fil-Belt Valletta. Il- kompożitur famuż, li x-xogħlijiet tiegħu jinkludu 'Free World Fantasy' u 'Music Xperience', se jiddedika xogħol ġdid esklussiv għall-Banda. Kultura Fir-rigward tal-avvenimenti kulturali, il-Kumitat qed ippjana li joħroġ ktieb li jiddokumenta l-istorja tal-klabb, kif ukoll mawra ta' tlett ijiem f 'Bologna għall- membri tiegħu f 'Mejju. Waqt din iż-żjara, il-Banda se tkun qed tieħu sehem f 'parata fit-toroq tal-belt Taljana, kif ukoll twettaq kunċert fil-Bażilika ta' San Domenico, fejn jinsab il-post tad-difn tal-patrun tas-soċjetà. Reliġjon Fis-7 ta' April, is-Soċjetà se torganizza quddiesa ta' Radd il- Ħajr, li ħa tkun immexxija mill- Isqof George Frendo ta' Tirana Durres fil-Bażilika tal-Madonna ta' Safe Haven u San Duminku, il-Belt Valletta. Kif ukoll, jaf jiġi organizzat oratorju dwar il-ħajja ta' San Duminku ta' Gużman f 'Ottubru, li hu l-patrun tas- Soċjetà minħabba li numru tal- membri oriġinali kienu ċelebraturi tal-festa ta' San Duminku. Għall- Ġimgħa Mqaddsa (24 ta' Marzu - 30 ta' Marzu 2024), is-soċjeta' ser tkun qed tinżel fit-toroq tal-Belt Valletta, flimkien mal-Għaqda Madonna tal-Grazzja Banda San Mikiel, Ħaż-Żabbar għal pageant tal-Passjoni. Restawr Barra minn hekk, il-Kumitat tal-każin qatta' dawn l-aħħar xhur jippjana żewġ proġetti kbar ta' restawr li se jsiru matul is- sena d-dieħla, sabiex jassiguraw li l-aspettattivi tal-membri jiġu sodisfatti. L-ewwel proġett huwa t-tiġdid tas-Sala Prinċipali tal- każin, li ngħatat l-isem f 'ġieħ ir-Re Edward VII, wara li huwa awtorizza lis-Soċjeta' biex tuża l-isem 'e King's Own Band' fl- 1901. It-tieni proġett se jippreserva l-arkivji mużikali tas-Soċjetà b'diġitalizzazzjoni tax-xogħlijiet mużikali numerużi tagħhom, li jvarjaw mill-klassiċi sa dawk kontemporanji. L-istorja Dawn l-avvenimenti u proġetti kollha ġejjieni huma ċelebrazzjoni ta' 150 sena ta' tragwardi. Wara li rnexxielu fil-kategoriji kollha f 'konkors internazzjonali f 'Algiers fl-1912, King's Own sar l-ewwel każin tal-banda Maltija li rċieva t-titlu ta' 'Eċċellenza'. Fl-1936, King's Own saret l-ewwel banda ċivili f 'Malta li daqqet l-Innu Malti fil-pubbliku. Imbagħad, wara tmiem it-Tieni Gwerra Dinjija, il- banda ħadet sehem f 'diversi festi u daqqet il-marċ, Victory, miktuba mis-surmast eminenti Vincenzo Ciapparat. Għal aktar dettalji relatati ma' dan il-kalendarju ta' ċelebrazzjonijiet, tista' żżur il- facebook u l-websajt tas-Soċjetà Filarmonika King's Own. King's Own Band joħorġu Kalendarju taċ-Ċelebrazzjonijiet għall-Anniversarju ta' 150 sena