Issue link: https://maltatoday.uberflip.com/i/1513667
opinjoni 09 IL-ĦADD 24 TA' DIĊEMBRU 2023 • illum Fr Colin Apap huwa qassis Ing. Ryan Fava huwa ċ-Chairperson Eżekuttiv ta' Enemalta plc. Colin Apap Ryan Fava I n-Nannu Frans kien jiġborna madwaru jirrakkontalna l-istejjer waħda wara l-oħra. Ta' tfal li konna, konna nibqgħu ħalqna miuħ beraħ meta nisimgħuh jirrakkonta, jivvinta, jesaġera u nemmnuh! U iktar ma jarana ffissati fuq kull kelma tiegħu, iktar kien joħroġ minn fommu stejjer li qatt ma konna smajna. Imma qatt ma ninsa l-istorja tar-raba' maġi u kif qatt ma jidher fil-Presepju ta' San Franġisk; imma f 'tan-nannu iva, kien hemm. Anzi kien hu waħdu! Jekk toqogħdu kwieti tisimgħu l-leġġenda tar-raba' sultan li żar lil Ġesù fil-grotta ta' Betlehem, anzi fid-dar tiegħu stess! L-oħrajn ġabulu deheb, inċens u mirra. Imma r-raba' wieħed ġablu … Mela darba kien hemm … dejjem hekk jibdew il-ħrejjef tan-Nannu Frans ... kien hemm raħeb mil-Lvant Imbiegħed li kien jiem fl-istilel, fil-kwiekeb li kienu jkellmuh. U kien joqgħod jismagħhom jirrakkontawlu ġrajja li se jgħaddi minnha f 'Betlehem tal-Lhudija. F'daqqa waħda, f 'nofs ta' lejl mudlam, deherlu anġlu u qallu profezija. Qallu li se jsir re u maġi u se jsegwi stilla kbira fis-sema. Qallu wkoll li se jiltaqa' ma' tliet maġi oħra mil-Lvant u li se jiltaqgħu ma' tarbija speċjali li tbiddel l-istorja tal-umanità. Ir-raħeb ma riedx jemmen u mar jorqod għall-frisk tal-lejl Persjan. U tant raqad li ma kienx jaf x'qed jiġri madwaru. Fil-Persja l-ħin kien itir. Kien hemm ħafna sħaħar u profeti li jħabbrulek dwar ħajtek, dwar l-imħabba li se ssib u dwar ġrajjiet ġejjiena li se tgħaddi minnhom. Imma dan ir-raħeb ma kienx jagħti kashom sakemm ... F'nofs ta' lejl iqum u jara kewkba li qatt ma ra bħalha. Staqsieha min kienet u xi trid tgħidlu. "Imxi warajja u ssib id-destin tiegħek. Se nlaqqgħek ma' tliet slaten maġi oħra u magħhom se tiltaqgħu ma' re li ħarab mill-Eġittu u qed jgħix f 'post jismu Betlehem, f 'Iżrael. Dit-tarbija diġà twieldet u qed ifittxuha biex joqtluha. Ommu u missieru diġà sabu ħmara biex jaħarbu. "Isa, qum, ibda miexi biex tiltaqa' mas-slaten maġi l-oħra u ssalvaw lit-tarbija." Qatt f 'ħajtu ma sema' l-kwiekeb ikellmuh b'dal-mod. Qabad kollox u telaq għall-vjaġġ bla tmiem biex isegwi l-kewkba li bdiet turih it-triq quddiemu. Mexa fuq li mexa. Għadda minn deżert għall-ieħor. Xmara wara xmara. Daħal f 'belt fejn il-poplu qam f 'rivoluzzjoni kontra l-ħakkiema tiegħu. Irnexxielu jaħrab u jkompli jsegwi l-kewkba. Ma qatax qalbu għax emmen f 'dak id-dawl quddiemu. Ma jafx kif sab ruħu f 'ħakma tar-Re Erodi fejn suldati Rumani kienu jaħkmu l-poplu Lhudi. L-istilla li mexxietu ma rahiex iktar. Ma kienx jaf x'jaqbad jagħmel. Libes ta' bedwin bħan-nies madwaru. Ingħaqad mar-ragħajja li kienu jirgħaw f 'belt jisimha Betlehem. Beda jgħix bħalhom. Sar Palestinjan bħalhom. Ħadd ma induna b'dal-barrani. F'lejl minnhom grupp ta' settlers Lhudin ġew u serqulhom arthom. Keċċewhom. Serquhom. Qatluhom. Din l-art tagħna, ta' missirijietna u ġabulhom is-suldati u keċċewhom u bdew jaħdmu l-art huma minflokhom. Ftit wara ġew tal-Mossad, il- korp sigriet kontra l-Palestinjani, arrestawhom u tefgħuhom il- ħabs. Bla akkużi. Bla qrati. Sabu ruħhom immanettjati ma' eluf ta' Palestinjani oħra. Jekk jiħu ħalqhom, jippersegwitawhom u joqtluhom. Tgħallmu jafdaw f 'Allah li Hu Ikbar. Imma sofrew u batew. U ħadd mill- kbarat tal-Ewropa ma' fetaħ ħalqu. Dak kien id-destin tagħhom. U ta' familthom. Ir-raħeb priġunier. Waħdu. Għalxejn iħares lejn il-kwiekeb biex ikellmuh. Ħadd ma jkellmu. Imma jum wieħed jinfetħu l-bibien tal-ħabs. Jgħidulu li se jeħilsuh bi tpartit ma' ostaġġi oħra. U sab ruħu barra t-triq. Waħdu. Imdawwar b'suldati bl-armi f 'idhom biex jekk ma jimxix jisparawlu. Madwaru ra familji jifirħu bil-bdil tal-priġunieri u hu waħdu miexi fit-toroq tal-Palestina vojta, b'nies imwerwra madwaru, b'ommijiet iżommu lil uliedhom mejta f 'liżar abjad. Ma setax jiem x'qed jiġri. U f 'daqqa waħda jħares 'il fuq … u jara mill-ġdid il-kewkba ta' qabel. Beda miexi u miexi. Fl-aħħar sab għar – vojt. Kien hemm tliet rigali mitfugħa mal-art: deheb, inċens u mirra. Vojt … Ħadd … Fejnhom ir-ragħajja li kelmitu dwarhom il-kewkba? Fejn huma t-tliet slaten l-oħra? Fejn hu l-għaġeb tal- presepju? Fejn huma l-baqra u l-ħmara? Fejn hi t-tarbija li twieldet? Fejn huma l-ġenituri tat-tarbija? Dis-sena ħadd ma ġie. Betlehem bla maxtura, bla tarbija, bla baqra u ħmara, bla anġli li jkantaw, bla Ġesù, Marija u Ġużeppi. U r-raba' maġi staqsa x'ġara. Urewh knisja li għadha kif ġiet attakkata mis- suldati Iżraeljani. Qatlu l-Insara li kienu qed jistennew it-twelid tat-tarbija. Ma fadal ħadd iżjed. Baqa' waħdu, ir-raba' maġi waħdu, jistenna. L -intensifikazzjoni tal-investiment fl-infrastruttura tal-elettriku hija l-unika mezz kif nistgħu niżguraw li Enemalta tkompli l-ħidma li ilha tagħmel għal dawn l-aħħar 46 sena biex tenerġizza l-iżvilupp soċjali u ekonomiku ta' Malta. Għal kważi ħames diċennji, mijiet ta' ħaddiema ta' Enemalta ddedikaw lilhom infushom sabiex jilqgħu għad-domanda tal-elettriku tal-pajjiż. L-għaqal u l-impenn ta' dawn il-ħaddiema jixraqlu kull tifħir. Id-deċiżjoni li ttieħdet din is-sena biex nintensifikaw u naċċelleraw l-investiment fl-infrastruttura tad- distribuzzjoni u l-ġenerazzjoni tal- elettriku f 'dan il-pajjiż tippermetti li Enemalta tkompli taqdi din il- missjoni, filwaqt li ttejjeb il-kwalità u l-affidabbiltà tas-servizzi li toffri lill- klijenti f 'Malta u Għawdex. Filwaqt li nkomplu nwettqu l-pjan ta' sitt snin ta' tisħiħ tas-sistema tad-distribuzzjoni tal-elettriku, ftit tal-jiem ilu ħabbarna pjan aġġornat dwar kif se nżidu dan l-investiment. Ħames xhur ilu l-Gvern wiegħed li jirdoppja l-investiment fl-infrastruttura tal-elettriku. Infatti, fis-sena l-ġdida se jiġu allokati €55 milljun f 'fondi lokali u Ewropej fl-infrastruttura tal-ġenerazzjoni u d-distribuzzjoni tal-elettriku; tliet darbiet l-ammont oriġinali allokat fil-pjan ta' sitt snin. B'impenn immedjat, fis-sitt xhur li ġejjin se nkunu qegħdin insaħħu s-sistema tad-distribuzzjoni b'70 kilometru ta' cables ta' 11-il kilovolt biex noħolqu konnessjonijiet alternattivi li jimmultiplikaw ir-reżiljenza tan- network. Dan jammonta għal erba' darbiet tat-tul ta' cables ta' vultaġġ medju li ġew miżjuda man-network fl-aħħar sentejn. Sabiex dan ix-xogħol isir fl-iqsar żmien possibbli, qegħdin nikkollaboraw ma' Infrastructure Malta u Transport Malta sabiex ngħaqqdu r-riżorsi u l-ħiliet b'mod kollaborattiv filwaqt li niżguraw li x-xogħol isir bl-inqas impatt possibbli fuq il- komunitajiet tal-madwar. Iż-żieda strateġika ta' dawn il- konnessjonijiet ġodda fil-grid nazzjonali se tnaqqas ir-riskju li jiżviluppaw ħsarat fin-network li jwasslu għall-qtugħ fil-provvista tal-elettriku. Fl-istess ħin, meta jiżviluppaw dawn id-diffikultajiet, se jkun possibbli li l-provvista tingħata lura minn konnessjonijiet alternattivi, u b'hekk jonqos il-ħin tal-qtugħ fil- provvista lill-konsumaturi. Flimkien mal-implimentazzjoni tal-pjan ta' sitt snin ta' rinfurzar tan-network, li issa dieħel fit-tielet sena tiegħu, dawn il- konnessjonijiet ġodda se jkomplu jtejbu l-flessibbiltà u r-reżiljenza tan-network, u jżidu l-kapaċità biex inlaħħqu mad- domanda tal-futur. Permezz tal-pjan ta' rinfurzar tan-network, diġà investejna ħafna fis-sistema tad-distribuzzjoni, bi 80 substation ġdida, 18-il kilometru ta' cables ta' vultaġġ medju, 66 substation imsaħħa b'tagħmir ġdid, it-tkabbir ta' tliet ċentri tad-distribuzzjoni u 145 feeder ġdid ta' 400/230 volt f 'għadd ta' lokalitajiet. Fl-2024, se nżidu 45 substation ġdida, filwaqt li 40 oħrajn eżistenti se jiġu mgħammra b'teknoloġiji ġodda. Se nkomplu ninvestu fiċ-ċentri ta' distribuzzjoni eżistenti, filwaqt li nħejju għall-iżvilupp ta' erba' ċentri ġodda ta' distribuzzjoni fl-akkwati tan-Naxxar, ir- Rabat, is-Siġġiewi u l-Kottonera. Bl-investiment tagħna fl- infrastruttura, qegħdin inħejju wkoll lill-pajjiż għal iżjed elettrifikazzjoni fid- djar, trasport u f 'ħafna operazzjonijiet kummerċjali, bħala parti mill-impenn lejn il-miri tad-dekarbonizzazzjoni tal- pajjiż. Fl-istess waqt qegħdin naħdmu ma' entitajiet oħrajn governattivi, inklużi Interconnect Malta Ltd u l-kumpanija sussidjarja International Energy Service Centre, sabiex insaħħu l-kapaċità ta' ġenerazzjoni t'emerġenza, filwaqt li gradwalment nimxu lejn taħlita ta' ġenerazzjoni tal-elettriku aktar nadifa, b'aktar sorsi t'enerġija rinovabbli. Dan l-investiment infrastrutturali u nazzjonali jirrikjedi sforz kollaborattiv bejn ħafna stakeholders, inklużi kunsilli lokali, awtoritajiet tal-ambjent, tal- ippjanar u tal-wirt storiku, imsieħba soċjali u s-settur privat, kif ukoll minn esperti fl-infrastruttura tal-enerġija lokali u internazzjonali. L-għarfien u l-appoġġ tagħhom huwa kruċjali biex inħejju dan il-pjan ambizzjuż li jikkunsidra wkoll il-kuntest lokali u jqis il-ħarsien tal-ambjent tagħna. Qegħdin niltaqgħu mal-kunsilli lokali u dawk kollha konċernati fil- komunità b'mod regolari, biex ikollna komunikazzjoni effettiva li tgħinna nwieġbu għat-tħassib u d-diffikultajiet li jistgħu jinqalgħu mill-aktar fis. Kunfidenti li t-twettiq ta' dan l-investiment se jżid l-affidabbiltà tal-infrastruttura tal-enerġija tagħna, filwaqt li jsaħħaħ ir-reżiljenza tal- pajjiż quddiem iż-żieda fid-domanda għall-enerġija u l-isfidi tal-emerġenza fil-klima. Inħarsu 'l quddiem biex inkomplu naħdmu id f 'id ma' dawk kollha involuti f 'dan l-investiment. Flimkien, qegħdin noħolqu futur aħjar u aktar sostenibbli għal Malta. Il-leġġenda tar-raba' Re maġi Inżidu l-investiment biex insaħħu d-distribuzzjoni tal-elettriku