Issue link: https://maltatoday.uberflip.com/i/1527187
opinjoni 12 analiżi arti u kultura IL-ĦADD 29 TA' SETTEMBRU 2024 • illum Din il-paġna nkitbet bis-sostenn tal-Kunsill Malti għall-Arti Notte Bianca 2024: Il-Belt Valletta tieħu ħajja b'ċelebrazzjoni ta' arti u kultura Notte Bianca 2024, organizzata minn Festivals Malta, se tkun qed issir nhar is-Sibt 5 ta' Ottubru fil-Belt Valletta. Dan l-avveniment annwali huwa wieħed mill-ikbar festivals ta' arti u kultura f 'Malta, li joffri spettaklu uniku u memorabbli għal kull min jattendi. Matul din il-lejla speċjali, it-toroq, il- pjazez, il-knejjes, il-palazzi u l-mużewijiet tal-Belt jinbidlu fi mkejjen ta' wirjiet artistiċi u kunċerti live, kollha b'xejn għall-pubbliku. B'dan il-festival, il-Belt Valletta mill-bieb sal-Forti Sant'Iermu tieħu ħajja bi prestazzjonijiet varjati li jinkludu l-mużika, iż-żfin, l-arti viżiva u ħafna aktar. Notte Bianca hija ċelebrazzjoni li toffri xi ħaġa għal kulħadd, b'diversi rotot apposta għal preferenzi differenti. Ir-Rotta Alternattiva toffri kunċerti b'mużika alternattiva, fosthom kunċert ta' tmiem is-sajf fi Ġnien Laparelli. Ir- Rotta Klassika tesplora mużika klassika f 'ambjenti storiċi, filwaqt li r-Rotta taż- Żfin tiċċelebra l-moviment u d-diversità kulturali. Għat-tfal, hemm ir-Rotta tat-Tfal, bi prestazzjonijiet maġiċi u divertenti, u għal dawk li jħobbu t-teatru, ir-Rotta tat-Teatru toffri wirjiet komiċi u tat-triq. Għal udjenza aktar matura, hemm ir-Rotta l-Ħamra, b'tema aktar senswali għall-adulti. Sabiex tiffaċilita l-moviment tal- viżitaturi, is-servizzi tal-Malta Public Transport se joperaw sa tard billejl, b'xi rotot estiżi. Il-Valletta Ferries minn Tas- Sliema u mit-tliet ibliet ukoll se joffru servizzi estiżi sa nofsillejl u nofsinhar. Minbarra dan, il-Fast Ferry bejn Għawdex u l-Belt Valletta se jopera b'estensjoni tas-servizzi tiegħu, biex jippermetti lill- Għawdxin igawdu l-avveniment. Notte Bianca hija opportunità unika biex il-pubbliku jgawdi l-arti u l-kultura f 'forom spettakolari u ħielsa. Il-festival qed jitfassal biex jaqdi kull togħma, u għal darb'oħra se jkun lejl li joffri esperjenza memorabbli għal kulħadd. Marie Gallery 5, flimkien mas- Soċjetà tal-Arti ta' Malta, qed jippreżentaw wirja ta' arti solo minn Jade Zammit bl-isem Paradise Lost. Din il-wirja, li hija kkurata minn Maria Galea, tissottolinja l-vjaġġ personali ta' Zammit fil-konfront tal- fraġilità tal-paradisi – kemm dawk reali kif ukoll dawk immaġinati – li qatt ma jkunu stabbli. Jade Zammit tistieden lill- udjenza tagħha biex tirrifletti fuq kif dawn il-paradisi jinħallu matul iż-żmien u x'jibqa' meta l-ħajta tinqata' u l-viżjonijiet utopiċi jsiru illużjoni. Il- kollezzjoni ta' xogħlijiet fil- wirja tvarja mhux biss fil-forma iżda wkoll fit-temi, fejn turina kemm hu delikat il-kunċett tal- paradisi, kemm sabiħ, kif ukoll fraġli. Ispirata mill-affreski tal- Gobelin, li jinsabu fil-Palazz tal- Gran Mastru fil-Belt Valletta, u x-xogħlijiet ta' Paul Gauguin u Ben Okri, Zammit tgħaqqad memorji personali mal-ħsibijiet usa' dwar il-kunċett ta' paradisi li qed idur mar-ruħ, li bħal dawn it-tapiti antiki, huma kemm sbieħ kif ukoll f 'riskju li jintilfu. Il-wirja Paradise Lost hija miuħa mis-3 sal-24 ta' Ottubru 2024, fil-Galleriji tal-Arti tas-Soċjetà tal-Arti ta' Malta, f 'Palazzo de La Salle, Triq ir- Repubblika, il-Belt Valletta. Il-pubbliku huwa mħeġġeġ jattendi u jimmeravilja ruħu b'din l-esperjenza unika fejn iż- żjara hija bla ħlas. Għal aktar informazzjoni, tista' tikkuntattja lil Marie Gallery 5 fuq: info@mariegallery5.com. Paradise Lost – wirja minn Jade Zammit