Issue link: https://maltatoday.uberflip.com/i/1528581
opinjoni 12 analiżi arti u kultura IL-ĦADD 27 TA' OTTUBRU 2024 • illum Din il-paġna nkitbet bis-sostenn tal-Kunsill Malti għall-Arti It-tenur Malti Nico Darmanin lura fit-Teatru Manoel għal serata ta' Arias mill-Opri It-Teatru Manoel jilqa' lura lil Nico Darmanin fit-teatru għal 'An Evening of Operatic Arias' nhar il-Ġimgħa 25 u s-Sibt 26 ta' Ottubru 2024. Dawk kollha li jħobbu l-opera u l-mużika klassika se jitpaxxew jisimgħu lit-tenur rinomat Malti, Nico Darmanin, flimkien mas-soprano Elena Brazhyk u l-pjanista Adrian Kelly. Dan it-trio se jkun qed itella' għażla mill-aqwa ta' arias tal-opera fi programm li jinkludi xogħlijiet ta' kompożituri rinomati bħalma huma Gioachino Rossini u Gaetano Donizetti fost l-oħrajn. Sa mid-debutt tiegħu fir- Royal Opera House fl-2013 f 'Les Vepres Siciliennes taħt Pappano, Nico Darmanin stabilixxa ruħu bħala wieħed mill-esponenti ewlenin tar-repertorju bel canto fuq livell internazzjonali. Il-karriera tiegħu ħaditu mal-erbat irjieħ tad-dinja, mill-Iskozja sal-Estonja għall- Pajjiżi l-Baxxi, u ħa sehem ukoll f 'rappreżentazzjonijiet fl-Istati Uniti u fil-Kanada. Il- proġetti futuri tiegħu jinkludu impenji ma' Glyndebourne, id- debutt tiegħu fit-Teatro Regio f 'Turin, u rappreżentazzjoni u recording ta' Bertin's Fausto ma' eatre Champs Elysee. Hu jinsab tassew kuntent li se jerġa' jirritorna fit-Teatru Manoel fil- Belt Valletta f 'Ottubru. Elena Brazhnyk, hija artista promettenti fid-dinja tal- opera. Fl-2016, hi ddebuttat fl-Opera Nazzjonali Estonjana bl-irwol ta' Gilda fir-'Rigoletto' ta' Verdi u sa minn Lulju 2022 kienet solista tal-Opera Nazzjonali Estonjana. Maestro Adrian Kelly, li se jkun qed jakkumpanja lill-kantanti fuq il- pjanu, huwa d-direttur artistiku ta' Buxton International Festival u l-Maestro mistieden prinċipali ta' Salzburger Landestheater, fejn qabel kien id-Direttur Mużikali. 'An Evening of Operatic Arias' twiegħed serata ta' faxxinu mhux biss għal dawk li jħobbu l-opera imma anke għal dawk li qed ifittxu introduzzjoni għad- dinja tal-opera. Din is-serata se tittella' nhar il-Ġimgħa 25 ta' Ottubru u s-Sibt 26 ta' Ottubru fit-8pm. Ir-rappreżentazzjoni ddum 90 minuta u għandha intervall qasir. Il-biljetti jistgħu jinxtraw online mill-Box Office fit- Triq it-Teatru l-Antik, il-Belt Valletta, jew billi ċċempel fuq (+356) 21246389. Nhar is-Sibt, 26 ta' Ottubru 2024, fis-7:30pm, il-Banda tal- Forzi Armati ta' Malta se ttella' kunċert uniku bl-isem 'Journey rough Time' fit-Teatru Rjal, il- Belt Valletta. Dan l-avveniment speċjali se jiġbor flimkien eks membri tal-Banda tal-AFM flimkien ma' grupp ta' mużiċisti żgħażagħ b'talent biex jagħtu wirja mużikali tal-ogħla livell li żgur se tibqa' f 'qalb u f 'moħħ kull min jattendi. Dan il-kunċert, sponsorjat mill- Awtorità Maltija għat-Turiżmu, se jkun xhieda ta' għaqda bejn ġenerazzjonijiet u stili mużikali li jirriflettu l-wirt mużikali tal- AFM filwaqt li jgħaqqduh ma' enerġija friska u talent ġdid. Bħala spettaturi, intom mistiedna tingħaqdu magħna f 'dan il- vjaġġ mużikali li jżomm ħaj it- tradizzjoni u li joħloq pedament ġdid għall-futur mużikali ta' Malta. L-atmosfera maġika ta' Pjazza Teatru Rjal fil-qalba tal-Belt Valletta se sservi bħala sfond perfett għal din l-okkażjoni memorabbli. Il-bibien jinfetħu fis- 7:00 pm sabiex il-pubbliku jkun jista' jgawdi mill-atmosfera qabel ma jibda d-daqq eżatt fis-7:30 pm. Biljetti għall-'Journey rough Time' jistgħu jinxtraw minn ShowsHappening. Vjaġġ fiż-żmien mal-Banda tal- Forzi Armati ta' Malta