Issue link: https://maltatoday.uberflip.com/i/1531097
opinjoni 12 analiżi arti u kultura IL-ĦADD 5 TA' JANNAR 2025 • illum Din il-paġna nkitbet bis-sostenn tal-Kunsill Malti għall-Arti 'Van Gogh: Poets and Lovers' fiċ-ċinema ta' Spazju Kreattiv Anna Galea toffri ħarsa retrospettiva lejn il-vjaġġ artistiku tagħha fil-wirja li tiaħ nhar il-Ħadd, 5 ta' Jannar 2025, fil-11 am. Anna Galea, magħrufa għall-pitturi sbieħ u kkuluriti tal-uri, frott, u astratti, qed tħejji sorpriża artistika ġdida fil-wirja "Figure It". Din il-wirja se tesponi xogħlijiet inqas magħrufa tagħha dwar il-bniedem u l-forma tiegħu. Għall-ewwel darba, il-pubbliku se jkollu ċ-ċans jara kollezzjoni estensiva ta' studji u nudi tal-figura umana li Galea ħolqot tul snin twal ta' sessjonijiet ta' live drawing, iżda qatt ma esibiethom qabel. Ix-xogħlijiet li se jkunu esibiti juru fissazzjoni profonda mal-forma umana, magħżula fl-aktar essenza pura u mhux elaborata tagħha. Galea tuża diversi tekniki u materjali, mill-akwarelli sal-faħam, mil-lapes għal żebgħa taż-żejt, li kull wieħed minnhom jirrifletti l-immedjatezza u l-emozzjoni tal- mument. Ħafna minn dawn ix-xogħlijiet saru alla prima, jiġifieri f 'seduta waħda, bil- ħin ta' xi wħud ikun limitat għal it minuti biss, filwaqt li oħrajn, bi studji itwal, u juru approċċ aktar paċenzjuż u riflessiv. Aspett interessanti tal-wirja hu l-influwenza kulturali li tista' tinħass, speċjalment fil-ħin li Galea qattgħet f 'Dubaj. Studji tal-figura maskili li saru hemmhekk jinkludu drappijiet parzjali, li jirriflettu l-konvenzjonijiet u t-tradizzjonijiet tar-reġjun. Il-kollezzjoni tagħti perspettiva ġdida fuq il-versatilità u l-evoluzzjoni tal-artist, fejn tippermetti lill-viżitaturi jidħlu f 'aspett aktar personali u esperimentali tax-xogħol tagħha. Il-kuratriċi tal-wirja hi Melanie Erixon. Din il-wirja se tibqa' miuħa sal-21 ta' Jannar, bil-bibien għaliha jinfetħu kuljum bejn is-6 am sa 12 pm. Il-wirja qed issir f ''Il- Kamra ta' Fuq', l-Imqabba. Din il-wirja hija appoġġjata minn diversi sponsors lokali, fosthom Fish and Fish, Best Print Malta, Beati Paoli Restaurant, u oħrajn. Għal min hu interessat fil-forma umana bħala espressjoni ta' artistrija, ċertament li m'għandux jitlef din il-wirja! 'Figure It': Wirja ġdida ta' Anna Galea titfa' dawl ġdid fuq il-kreattività tagħha Il-Gran Brittanja rat l-akbar wirja ta' xogħlijiet ta' Vincent van Gogh li qatt saret fil-pajjiż, organizzat mill-Gallerija Nazzjonali ta' Londra. Issa, permezz tal-film "Exhibition on Screen: Van Gogh: Poets and Lovers", dawk li ma setgħux iżuru din il-wirja storika jistgħu jesperjenzaw il-ġenju kreattiv ta' dan l-artist maħbub fuq l-iskrin il-kbir. Dan il-film, li se jintwera nhar it-Tlieta, 8 ta' Jannar 2025 fis-7:30 pm, jagħti opportunità biex wieħed jiem aħjar lil Van Gogh, mhux biss bħala artist imma wkoll bħala bniedem li għex u ħadem bil-passjoni. L-esebizzjoni tiffoka fuq is-snin rivoluzzjonarji li l-artist qatta' fix-Xlokk ta' Franza, fejn bidel kompletament l-istil tiegħu u ħoloq xogħlijiet li għadhom jitqiesu bħala kapulavuri tal-arti moderna. F'dan il-perjodu, Van Gogh ħoloq dinja fejn ix-xeni tal- ħajja ta' kuljum ġew interpretati b'mod simboliku u idealizzat. L-immaġinazzjoni tiegħu kienet mimlija poeti u maħbubin, li spiss kienu jispiraw l-istejjer li rrakkonta permezz tax-xogħol tiegħu. Però, dan kollu ġab miegħu sfidi personali kbar, fosthom il-kollass psikoloġiku tal-għażiż Vincent, li sar magħruf mad- dinja kollha, iżda li qatt ma naqqas xejn mill-kreattività tiegħu. Dan id-dokumentarju uniku, magħmul b'kollaborazzjoni mill-qrib mal-Gallerija Nazzjonali ta' Londra, se jintwera wkoll nhar il-Ħadd, 19 ta' Jannar 2025 fil-5 pm. Huwa jipprovdi ħarsa aktar intima lejn wieħed mill-aktar perjodi kruċjali fl- istorja tal-arti. Għal min iħobb ix-xogħol ta' Van Gogh jew irid jitgħallem aktar dwar dan il-ġenju tant miżinterpretat, din hija opportunità li m'għandux jitlef.