Issue link: https://maltatoday.uberflip.com/i/1536967
03 aħbarijiet illum • IL-ĦADD 29 TA' ĠUNJU 2025 Tlettax-il bajja jirċievu l-Bandiera Blu Raġel jammetti għal akkużi ta' vjolenza domestika u jingħata sentenza sospiża ILENIA DEBONO Tlettax-il bajja, għaxra f 'Malta u tlieta f 'Għawdex, irċevew il- Bandiera l-Blu, ċertifikat ekoloġiku li jikkonferma li dawn is-siti laħqu l-istandards fl-immaniġġjar, fis- sigurezza, fil-kwalità tal-ilma, u fl- edukazzjoni ambjentali. Dan ir-rikonoxximent jingħata mill-Foundation for Environmental Education (FEE), li f 'Malta huwa mmexxi minn Nature Trust – FEE Malta. Sabiex bajja tirċievi l-Bandiera l-Blu trid tilħaq iżjed minn 30 kriterju relatat ma' ħafna oqsma inkluż mal- edukazzjoni, mas-sigurezza u mal- aċċessibbiltà. Preżenti kien hemm id-Deputat Prim Ministru u l-Ministru għall- Affarijiet Barranin u t-Turiżmu Ian Borg, flimkien mal-President ta' Nature Trust – FEE Malta, Vincent Attard u l-Kap Eżekuttiv tal-Awtorità Maltija għat-Turiżmu, Carlo Micallef. "Il-Bandiera Blu mhijiex biss simbolu – hija riflessjoni tal-impenn tagħna biex inħarsu s-sbuħija naturali tal-ibħra tagħna, filwaqt li noffru esperjenza sigura u ta' kwalità, kemm għar-residenti, kif ukoll għat-turisti," qal id-Deputat Prim Ministru Borg, hekk kif żied li, "dan ir-riżultat juri kif diversi entitajiet jistgħu jaħdmu flimkien biex jiżguraw li t-turiżmu u l-attivitajiet max-xatt jitjiebu u jissaħħu biex jipprovdu esperjenza ta' kwalità ogħla filwaqt li tingħata prijorità lill-ħarsien ambjentali." It-tlettax-il bajja li ħadu dan il-ġieħ huma l-Bajja tal-Mellieħa, Il-Bajja tal-Mixquqa, Il-Bajja tal-lukanda Paradise Bay Resport, Il-Bajja t'Għajn Tuffieħa, Ħondoq ir-Rummien, Il-Fajtata, Il-Bajja ta' San Ġorġ, Il- Bajja tal-lukanda Westin Dragonara Resort, Il-Bajja ta' Buġibba, Il-Ponta tal-Qawra, Ir-Ramla l-Ħamra, Marsalforn, u Fond Għadir, li it ilu reġa' nfetaħ għall-pubbliku wara problemi fil-kwalità tal-ilma. Il-Bajja tax-Xwejni fiż-Żebbuġ, Għawdex, ingħatat rikonoxximent bħala 'Beach of Quality', li jfisser li din il-bajja qiegħda pass eqreb sabiex tikseb il-Bandiera l-Blu. Waqt iċ-ċeremonja tal- preżentazzjoni tal-Bnadar, inħelset lura Evie, fekruna salvata, li kienet ila kważi sena tirkupra minn feriti kkawżati minn sunnara. ILENIA DEBONO Raġel ta' 45 sena wieġeb ħati għal akkużi ta' vjolenza domestika u ngħata sentenza sospiża wara inċident mas- sieħba tiegħu ġewwa darhom. L-inċident beda meta r-raġel affaċċja lis-sieħba tiegħu, li hija wkoll l-omm tat-tfal tagħhom, wara li qaltlu li riedet tinfired minn miegħu minħabba li kien jagħmel użu persistenti mid- droga. Il-konfrontazzjoni eskalat malajr. L-imputat allegatament ipponta lejn il-mara dik li dehret bħala pistola – u li wara nstab li kienet pistola Airso – hekk kif kienet se toħroġ mill-karozza, waqt li heddidha: "Tersaqx 'l hawn għax nagħtik b'ħadida." Ir-raġel ukoll qabadha b'idejh u kkawżalha ferita ħafifa f 'idha. Rapport mediku kkonferma li ġarrbet ġrieħi ħfief. Meta waslu l-Pulizija biex jarrestawh, ir-raġel weġġa' lilu nnifsu mal-għamara u riżultat t'hekk kiser idejh. Il-Qorti, filwaqt li rrikonoxxiet is-serjetà tar-reat u l-impatt emozzjonali fuq il-vittma u t-tfal involuti, għażlet li tagħtih sentenza sospiża, billi kkunsidrat l-ammissjoni ta' ħtija tiegħu u l-potenzjal ta' riabilitazzjoni. Il-Qorti ħarġet ordni ta' trattament għal tliet snin. Għalkemm ma ġietx imposta ordni ta' protezzjoni peress li l-vittma u l-imputat jgħixu fl-istess dar, il-Qorti għamlitha ċara li l-osservanza tal-kundizzjonijiet tat-trattament hija obbligatorja u li ksur ta' dawn il-kundizzjonijiet jista' jwassal għal konsegwenzi legali ulterjuri, inkluża l-attivazzjoni tas- sentenza sospiża. Waqt iċ-ċeremonja tal-preżentazzjoni tal-Bnadar, inħelset lura Evie, fekruna salvata, li kienet ila kważi sena tirkupra minn feriti kkawżati minn sunnara