Issue link: https://maltatoday.uberflip.com/i/1538813
www.illum.com.mt NRU 977 €1.50 IL-ĦADD 24 TA' AWWISSU 2025 INTERVISTA MAL-ISPEAKER TAL-KAMRA ANĠLU FARRUGIA PAĠNA 7 Filwaqt li 28% biss jafdaw lil ADRIAN Delia aktar mill-Prim Ministru, 33% jafdaw lil Alex Borg Faqar konfermat f 'Gaża! Il-faqar qed jinfirxu malajr f 'Gaża, u l-Organizzazzjoni tan-Nazzjonijiet Uniti qalet li qed jiġi affaċċjat diżastru magħmul mill-bniedem, li jħalli "ħtija morali u falliment tal-bniedem innifsu". Kritika li ma kkundannatx direttament il- Gvern Iżraelit. Skond l-analiżi tal-Integrated Food Security Phase Classification, il- kundizzjonijiet qed jespandu minn Gaza City għal Deir Al Balah u Khan Younis. Il-Kap tal-Ġnus Magħquda, António Guterres insista li Iżrael, bħala "poter okkupanti", għandu d-dmir legali li jiżgura l-ikel u l-provvisti mediċi għall- popolazzjoni. Hu appella għal azzjoni immedjata: "Daqshekk skużi. Żmien għall- azzjoni, mhux għada — issa." Skont ir-rapport, it-telf ta' ħajjiet minħabba malnutrizzjoni qed jikber b'mod allarmanti, speċjalment fost tfal, anzjani, u persuni b'diżabilità. Fl-aħħar xahar ta' Lulju, iktar minn 12,000 tifel u tifla ġew identifikati bħala "acutely malnourished" — l-ogħla figura fl-istorja ta' Gaża. ALEX BORG BL-IKTAR ĊANS LI JQARREB IL-PN LEJN IL-LABOUR Barometru tal-Fiduċja Barometru tal-Fiduċja ROBERT ABELA 42.5% ROBERT ABELA 43.2% ALEX BORG 33.9% ADRIAN DELIA 27.9% ĦADD 23.6% ĦADD 28.9% Il-Prim Ministru Robert Abela jibqa' sostanzjalment aktar fdat miż-żewġ kandidati għat-tmexxija tal-PN, iżda Alex Borg il-kandidat għal kap tal-Partit Nazzjonalista joħroġ bħala l-isfidant l-aktar b'saħħtu meta mqabbel ma' Adrian Delia, li qiegħed jittama wkoll biex jiġi elett bħala Kap tal-PN. Dan joħroġ minn stħarriġ tal-gazzetta oħt MaltaToday fost il-pubbliku ġenerali li sar matul il-ġimgħa li għaddiet fejn dawk li wieġbu ntalbu jiddikjaraw liema mexxej jafdaw l-aktar biex imexxi lil Malta f 'għażla bejn Abela u kwalunkwe miż- żewġ kandidati tal-PN. L-istħarriġ juri li l-fiduċja ta' Abela hija b'saħħitha bi 43% kontra ż-żewġ kandidati tal-PN. Iżda filwaqt li 28% biss jafdaw lil Delia aktar mill-Prim Ministru, 33% jafdaw lil Borg. Iż-żewġ kandidati jegħlbu lill-mexxej attwali tal-PN Bernard Grech, li f 'Ġunju kien 31 punt perċentwali 'l bogħod minn Abela. Ir-rispondenti ntalbu wkoll f 'min jafdaw l-aktar bejn Delia u Borg. B'mod sinifikanti, il-votanti tal-PN huma maqsuma kważi b'mod ugwali bejn iż-żewġ kandidati, iżda fost il-votanti tal-PL u dawk li ma vvutawx fl-2022, Borg għandu vantaġġ ċar. U għalkemm il-votanti tesserati tal-PN huma kważi maqsuma b'mod ugwali bejn Borg (46%) u Delia (45%), anke f 'din il- kategorija, Borg imur aħjar f 'konfront dirett mal-Prim Ministru. Dan għaliex inqas votanti tal-PN ma jafdawhx — 18% kontra 26% għal Delia.