Issue link: https://maltatoday.uberflip.com/i/1539232
08 aħbarijiet IL-ĦADD 7 TA' SETTEMBRU 2025 • illum opinjoni President tal-Għaqda ReLeaf Malta ANDREW BONELLO G ħalfejn l-introduzzjoni ta' apparat li jittestja l-bżieq għall-kannabis huwa għodda qarrieqa u li se toħloq inġustizzja ġdida? Dawn l-aħħar xhur tista' tgħid li kull ġimgħa ġew irrapportati fuq il-mezzi tax-xandir inċidenti gravi u fatali tat-traffiku. Dan huwa ta' dispjaċir kbir u wieħed ma jistax jikteb fuq dan is-suġġett mingħajr ma' jesprimi kondoljanzi lil familjari u awgurju ta' fejqan lill-oħrajn li baqgħu jissieltu għal ħajjithom. Is-sigurtà fit-toroq tagħna hija marbuta b'mod dirett ma' erba' pilastri: 1) Infrastruttura u sinjaletika tajba; 2) Tnaqqis ta' veloċità eċċessiva; 3) Karozzi siguri u mhux perikolużi; 4) Xufiera u pedestrians li josservaw ir-regoli. Dawn il-fatturi kollha f 'daqqa huma importanti biex dawk kollha li jużaw it-triq ikunu konxji kif jevitaw perikli u inċidenti bla bżonn. Meta wieħed iħares lejn ir-realtà lokali, rapporti mill- Pulizija u mil-LESA jindikaw li l-akbar problema f 'pajjiżna hija dik tal-veloċità eċċessiva u tad-distrazzjonijiet bħall-użu tal-mowbajl. Interessanti wkoll wieħed jinnota kif il-maġġoranza tal-inċidenti fatali kienu jinvolvu l-użu elevat tal-alkoħol. Forsi ħafna jgħidu li aħna biased għax favur il-kannabis u għalhekk nopponu dawn il-miżuri. Iżda tajjeb li nħarsu lejn x'qed tgħidilna l-evidenza u x-xjenza. Riċerka ppubblikat mill- Università ta' Sydney li tħares lejn ir-relazzjoni bejn driving performance u l-konċentrazzjonijiet fid-demm u fis-saliva ta' THC sabu li dawn huma indikaturi relattivament dgħajfa jew inkonsistenti biex tiem persuna hux tajba biex issuq jew hijiex impaired. B'mod aktar car, Prof. Iain McGregor, jispjega li: "A cannabis-inexperienced person can ingest a large oral dose of THC and be completely unfit to drive yet register extremely low blood and oral fluid THC concentrations. On the other hand, an experienced cannabis user, might smoke a joint, show very high THC concentrations, but show little if any impairment." L-istudju jisħaq li t-teknoloġiji preżenti ma jagħtux informazzjoni fuq impairment iżda biss fuq preżenza. Għalhekk, filwaqt li breathalyzer jagħtik stampa ċara li l-persuna qiegħda fis- sakra (impaired), dawn it-tests proposti mill-Gvern juru biss li l-persuna għamlet użu mill- kannabis xi darba f 'dan l-aħħar żmien. Ir-riċerka turi li l-preżenza tal-kannabis biss mhux biżżejjed biex tiddetermina s-sewwieq hux ta' periklu. Għalhekk, filwaqt li ċerti pajjiżi daħlu cut off limit ta' 0.5 to 5 ng/ml biex jiġi stabbilit l-aħħar darba li ġiet ikkunsmata l-kannabis, dawn xorta ma jagħtux indikazzjoni jekk il-persuna hijiex impaired. Ejja nimmaġinaw xenarju possibbli. Persuna tikkonsma l-kannabis kuljum. Qed issuq mhux taħt l-effett tal-kannabis, qed issewgi r-regoli kollha u saħansitra ssuq bis-60km/h minkejja li tista' ssuq b'veloċità akbar ta' 70km/h. F'daqqa waħda tiġi sports car gas down minn side street u jsir impatt vjolenti. Ix-xufier tal- isports car imut mal-impatt u l-persuna li tikkonsma l-kannabis tiġi interrogata mill-pulizija għax għandha ġrieħi ħfief. Il-pulizija jinnota li fil-karozza ta' din il- persuna hemm grinder u pakkett li jżomm il-kannabis bil-logo ta' Cannabis Harm Reduction Association. Minnufih il-Pulizija jamministra t-test tal-bżieq u l-persuna tinsab pożittiva għall- kannabis. Il-pulizija tarresta u tressaq il-Qorti lill-persuna li tuża l-kannabis fuq akkużi serji ta' qtil u li l-piena tagħhom tista' titla' sa għomor il-ħabs. Wara 'l fuq minn ħames snin qorti, jinstab li kien ix-xufier tal-isports car li kkawża l-impatt u l-periklu għalih u għal sewwieqa u pedestrians oħrajn. Għalhekk, persuna innoċenti spiċċat akkużata intortament u mingħajr ċans li tingħata widen jekk mhux wara kalvarju l-Qorti. Għalfejn il-Gvern qed jerġa' jinkrimina eluf kbar ta' nies intortament? Għalfejn il-Gvern qisu qed jgħid lin-nies; ikkunsmaw is-sintetiċi bħal HHC għax dik ma tistax tiġi tested. Dan huwa inkwetanti ferm u jkompli jitfa' dawl fuq l-importanza ta' djalogu inklussiv u analiżi ħolistika fuq kif dawn il-miżuri jistgħu jkunu ta' theddida akbar għas-sigurtà fit-toroq tagħna. B'mod mill-aktar urġenti nisħqu li hemm bżonn infasslu politika u liġijiet mibnija fuq l-evidenza u li ma joħolqux lok għal stigma soċjali ġdida kontra n-nies onesti li jagħmlu użu mill-kannabis. ReLeaf Malta tibqa' tisħaq fuq il-bżonn ta' kampanji edukattivi u preventivi mibnija fuq l-evidenza, u bħal dejjem tappella lis- sewwieqa kollha biex ma jsuqux u jaqbdu taxi jekk huma taħt l-effetti tal-kannabis jew ta' sustanzi oħra. Toroq siguri, iva. Għodod ta' inġustizzja kontrina, le! Sewqan sigur permezz ta' liġijiet ġusti "Forsi ħafna jgħidu li aħna biased għax favur il-kannabis u għalhekk nopponu dawn il-miżuri. Iżda tajjeb li nħarsu lejn x'qed tgħidilna l-evidenza u x-xjenza."