Issue link: https://maltatoday.uberflip.com/i/1547314
analiżi IL-ĦADD 25 T'OTTUBRU 2026 • illum 08 PELIN KAYA INQATLET FIL-GŻIRA F'GĦELUQ IT-30 SENA TAGĦHA Pelin Kaya, mit-Turkija, kellha 30 sena meta nqatlet fil-Gżira fit-18 ta' Jannar tal-2023. Hija kienet miexja biex tiltaqa' mal-għarus tagħha wara li ċċelebrat għeluq sninha meta Jeremie Camilleri saq BMW għal fuqha apposta. Aktar tard huwa ammetta l-qtil u ġie kkundannat 40 sena ħabs. JAELLE BORG Pelin Kaya kienet ilha tgħix Malta għal aktar minn sena u kienet taħdem bħala interior designer. Fit-18 ta' Jannar tal-2023 hija għalqet 30 sena u kienet għadha kif iċċelebrat għeluq sninha ma' ħbieb. Ftit wara nofsillejl, hija kienet miexja fil-Gżira biex tiltaqa' mal-għarus tagħha, li kien għadu kemm wasal Malta biex iqatta' għeluq sninha magħha. Dak il-ħin Jeremie Camilleri kien qed isuq BMW X6 sewda. Filmati tas-CCTV li aktar tard ġew ippreżentati waqt il-proċe- duri fil-Qorti wrew il-vettura tinstaq lejn Kaya qabel tolqotha u tkompli sejra sakemm baqgħet dieħla f 'ristorant fil-qrib. Kaya ntefgħet diversi metri 'l bogħod bl-impatt. Iżda l-attakk ma waqafx mal-ħabta. Wara li ħareġ mill-karozza, Camilleri beda jattakka persuni li kienu fuq il-post u tefa' biċċiet tal-ġebel lejn Kaya waqt li kienet mal-art. Il-Pulizija kellha tuża taser biex trażżnu u tarrestah. Aktar tard irriżulta li Camill- eri kien taħt l-influwenza tal- alkoħol u tal-kokaina. Wieħed mill-aktar mumen- ti drammatiċi li ħarġu waqt il-proċeduri fil-Qorti kien dak ta' kif l-għarus ta' Kaya sar jaf x'kien ġara. Huwa kien wasal Malta it sigħat qabel biex ikun magħha għal għeluq sninha. Meta Kaya ma bdietx twieġeb it-telefown, huwa mexa tul ir-rotta li kienet normalment tieħu bit-tama li jsibha. Meta wasal qrib il-post fejn kienet seħħet il-ħabta, sab lill- Pulizija u lill-ewwel responders. Huwa qalilhom li kien qed ifittex lill-għarusa tiegħu u li ma kinitx qed twieġeb. Il-Pulizija talbitu jċempel in-numru tagħha. Dak il-ħin beda jdoqq mo- bile phone li kien jinsab ħdejn il-vittma. Kien it-telefown ta' Pelin Kaya. Mixli b'14-il reat Camilleri tressaq il-Qorti u inizjalment wieġeb mhux ħati. Fost l-akkużi kien hemm il- qtil volontarju ta' Kaya, li weġġa' gravi mara oħra, li weġġa' ħafif raġel, sewqan perikoluż u tras- kurat, sewqan taħt l-influwenza, reżistenza vjolenti għall-arrest u ħsara fuq proprjetà. B'kollox kien qed jaffaċċja 14-il akkuża. Matul il-kumpilazzjoni tax-xhieda, il-Qorti semgħet ukoll kif Camilleri kien qal lill-Pulizija li ried "ikun famuż", u kif wara l-ħabta kien baqa' aggressiv lejn dawk preżenti. Il-proċeduri komplew għal aktar minn sena. Imbagħad, fi Frar tal-2024, Camilleri bidel il-verżjoni tiegħu. Huwa rtira l-ammissjoni ta' mhux ħati u ammetta l-qtil ta' Pelin Kaya, flimkien mal-akkużi l-oħra kontrih. Il-prosekuzzjoni u d-difiża kienu qablu fuq proposta ta' piena ta' 37 sena ħabs, iżda l-Qorti ma kinitx marbuta b'dak il-ehim. Fil-5 ta' Marzu tal-2024, l-Im- ħallef Consuelo Scerri Herrera kkundannat lil Camilleri għal 40 sena ħabs. Huwa ngħata wkoll multa ta' €5,000 u ġie ordnat iħallas aktar minn €20,000 fi spejjeż marbuta mal-esperti tal-Qorti. Il-BMW li kien qed isuq ġiet ikkonfiska- ta u huwa ġie pprojbit b'mod permanenti milli jkollu liċenzja tas-sewqan. L-Imħallef qalet ukoll li, fiċ-ċirkostanzi tal-każ, kienet tqis li l-piena kellha tkun ogħla, iżda ma setgħetx timponi sentenza ta' għomor il-ħabs minħabba li Camilleri kien ammetta qabel ma nħareġ l-att ta' akkuża. Il-familja ta' Kaya kienet preżenti fil-Qorti għas-senten- za. Oħtha Derya qalet wara li l-proċess kien ħalla lill-familja eżawrita u li, minkejja s-sen- tenza, xejn ma seta' jġib lura lil Pelin. OMIĊIDJI LI BAQGĦU JISSEMMEW Ftit jiem wara l-mewt ta' Pelin Kaya saret velja fil-post fejn inqatlet