Issue link: https://maltatoday.uberflip.com/i/219726
Il-Ħadd 01 ta' Diċembru 2013 | illum 23 X'tista' tara dan il-Milied L-ILLUM SE TIBDA TAGĦTI ĦARSA LEJN L-ATTIVITAJIET LI QED JITTELLGĦU F'DAWN IŻ-ŻMINIJIET. GĦAQDIET U ORGANIZZATURI GĦANDHOM JIBAGĦTU D-DETTALJI (MHUX IKTAR MINN 150 KELMA) U RITRATT FUQ ILLUM@MEDIATODAY.COM.MT 9 Diċembru: Kompetizzjoni tal-Presepji, Birkirkara Il-Parroċċa San Ġużepp Ħaddiem ta' Birkirkara ser tkun qed torganizza, għattielet sena konsekuttiva, kompetizzjoni għall-presepji fid-djar. Il-kompetizzjoni hija miftuħa għal presepji li jkunu armati fi djar residenzjali f' Birkirkara jew inkella fil-wirja li torganizza l-Għaqda Wirjiet San Ġużepp Ħaddiem fiċ-Ċentru Parrokkjali matul ix-xahar ta' Diċembru. Djar residenzjali barra minn Birkirkara, però fl-inħawi tal-Parroċċa San Ġużepp Ħaddiem, jiġu kkunsidrati wkoll. Din il-kompetizzjoni tinkludi żewġ kategoriji: dik għat-tfal (sa 12-il sena) u dik għall-adulti. Jingħata premju sabiħ lir-rebbieħa taż-żewġ kategoriji u tifkira lillparteċipanti li jiġu fl-ewwel tliet pożizzjonijiet f'kull kategorija. Kull parteċipant jingħata wkoll ċertifikat ta' parteċipazzjoni. Formoli tal-applikazzjoni, kif ukoll kopja tar-regolamenti ta' din il-kompetizzjoni jistgħu jinġabru minn issa mis-sagristija tal-Knisja Parrokkjali San Ġużepp Ħaddiem, miċ-Ċentru Parrokkjali jew mill-Maħżen tal-Armar. Wieħed jista' wkoll jitlob formola billi jibgħat email fuq wirjasgh@yahoo.com. L-applikazzjonijiet jintlaqgħu sat-Tnejn 9 ta' Diċembru. 13 – 15 Diċembru: Maratona ta' Xandir, l-Imqabba Il-Kummissjoni Radju fi ħdan is-Soċjetà Mużikali Madonna tal-Ġilju talImqabba ser torganizza 62 Siegħa ta' Maratona ta' xandir u ġbir ta' fondi bi trasmissjoni diretta fuq Tal-Ġilju FM 95.4. Din il-Maratona ser tiftaħ nhar il-Ġimgħa 13 ta' Diċembru 2013 fit-8am u tibqa' għaddejja b'mod kontinwu sa nhar il-Ħadd 15 ta' Diċembru fl-10pm. Din il-maratona ser tkun qiegħda ssir minn taħt tinda armata fil-Pjazza ewlenija tal-Imqabba, quddiem il-Każin tas-Soċjetà Mużikali Madonna tal-Ġilju. Din il-maratona ser tkun tinkludi Car Wash, Fifa 14 Playstation Tournament, Treasure Hunt, kompetizzjoni fotografika u Maratona ta' ħdim ta' Liedna b'riżq il-Festa tal-Madonna tal-Ġilju 2014. Aktar informazzjoni tinkiseb fuq 99406720 jew fuq is-sit elettroniku tas-Soċjetà Mużikali Madonna tal-Ġilju www.talgilju.com 13 Diċembru: Milied f 'Casal Paola, Raħal Ġdid L-attività 'Milied f 'Casal Paola' tkun il-qofol taċ-ċelebrazzjonijiet talMilied f 'Raħal Ġdid, b'attività festiva li se ssir propju fil-pjazza tar-raħal u numru ta' toroq oħra prinċipali fil-madwar. L-edizzjoni ta' 'Milied f 'Casal Paola 2013' din is-sena ser issir nhar il-Ġimgħa 13 ta' Diċembru 2013. Din is-sena se jsir tentattiv ta' Rekord Nazzjonali - L-akbar siġra tal-Milied magħmula bil-muffins. Il-qliegħ kollu li se jinġabar se jmur kollu għallkarità. Se jkun hemm divertiment minn X-Tend, Benny u Tonia, Ludwig u oħrajn. L-attività qed tiġi organizzata mill-Kunsill Lokali Paola flimkien masSoċjetà De Paule bil-kollaborazzjoni tas-Segretarjat Parlamentari għallKonsultazzjoni Pubblika u Informazzjoni, l-Awtorita tat-Turiżmu u s-sehem ta' diversi għaqdiet u gruppi mil-lokal ta' Raħal Ġdid. Hemm ukoll l-appoġġ tal-komunità kummerċjali ta' dan il-lokal. L-attivitajiet jibdew mit-3pm ta' filgħaxija 'il quddiem. 14 Diċembru – 1 Jannar: Wirja tal-Milied, Mosta L-Għaqda Talent Mosti qed tniedi s-16-il edizzjoni tal-wirja tradizzjonali tal-Milied fiċ-Ċentru ta' Kultura Nazzjonali fir-Razzett tal-Markiż Mallia Tabone, Triq Wied il-Għasel, il-Mosta. Il-wirja se tkun miftuħa bejn l-14 ta' Diċembru 2013 u l-1 ta' Jannar 2014. Din l-esebizzjoni għandha turi s-sbuħija u l-motiv tal-presepju, b'numru sabiħ mill-presepji esebiti qegħdin jieħdu sehem f 'kompetizzjoni mnedija mill-Kummissjoni Nazzjonali talFolklor. Se jkunu esebiti wkoll bambini, statwetti, kwadri, skultura, ritratti u artiġjanat li jesprimu b'mod artistiku n-nattività tal-Feddej. Il-wirja se tkun miftuħa kuljum wara l-5.30pm; Ħdud u festi mid-9.30am sa nofsinhar u mill-5.30pm sad-9pm. Dħul bla ħlas, għal aktar tagħrif idħol fuq www. talentmosti.com