Issue link: https://maltatoday.uberflip.com/i/228258
SPORTSillum Manchester City jumiljaw lil Arsenal Il-Ħadd 15 ta' Diċembru 2013 | illum 29 Illum issir l-ASMK Moto-Enduro fl-Imġarr Riżultati Riżultati Kampjonat Barclays Premier Is-Sibt 14 ta' Diċembru Kollox lest għall-ASMK Moto-Enduro llum fl-Imġarr Manchseter C. vs Arsenal 6-3 Cardiff C. vs WBA 1-0 Chelsea vs Crystal Palace 2-1 Everton vs Fulham 4-1 Newcastle U. vs Southampton 1-1 West Ham U. vs Sunderland 0-0 Hull C. vs Stoke C. 0-0 Fixtures Kampjonat Barclays Premier Il-Ħadd 15 ta' Diċembru 14:30 Aston Villa vs Manchester Utd 14:30 Norwich C. vs Swansea C. 17:00 Tottenham H. vs Liverpool Fixtures Kampjonat Serie A TIM Il-Ħadd 15 ta' Diċembru 15:00 Chievo V. vs Sampdoria 15:00 Fiorentina vs Bologna 15:00 Genoa vs Atalanta 15:00 Lazio vs Livorno 15:00 Parma vs Cagliari 15:00 Udinese vs Torino 18:30 Juventus vs Sassuolo 20:45 Napoli vs Inter It-Tnejn 16 ta' Diċembru 20:45 AC Milan vs Roma F'logħba li ntemmet bliskor tennistiku ta' 6-3, Manchester City umiljaw lil Arsenal u waqqfu l-mixja ta' rebħ tagħhom fil-Kampjonat Barclays Premier fl-Ingilterra. B'hekk wara li ftit tal-ġimgħat ilu kienu tilfu bl-iskor minimu ta' 1-0 kontra t-tim l-ieħor ta' Manchester, Manchester United, ilbieraħ il-Gunners kellhom jerġgħu jitilfu kontra tim ieħor minn Manchester, din id-darba, Manchester City. Il-gowls għas-City waslu minn Aguero, Negredo, doppjetta ta' Fernandinho, Silva u Tourè minn penalty waqt li dawk għall-Gunners waslu minn doppjetta ta' Walcott u Mertesacker. Chelsea ġewwa darhom fi Stamford Bridge għelbu lil Crystal Palace bl-iskor ta' 2-1 bil-gowls tagħhom jiġu skurjati minn Torres u Ramires waqt li l-gowl waħdieni ta' Crystal Palace wasal minn Chamakh. Everton ukoll ġewwa darhom għelbu lil Fulham bl-iskor kbir ta' 4-1. Il-gowls għalihom waslu minn Osman, Coelman, Barry u Mirallas waqt li l-uniku gowl tal-logħba għal Fulham wasal minn penalty tal-eks plejer ta' Manchester United, il-Bulgaru Dimitar Berbatov fis-67 minuta. F'logħba li ntlagħbet f'St James Park, Newcastle United ġewwa darhom ma ħadux iktar minn punt fi dro ta' 1-1 kontra Southampton bil-gowl għalihom jiġi skurjat minn Gouffran waqt li l-gowl għas-Saints jasal minn Rodriguez. Cardiff City ġewwa darhom għelbu lil West Bromwich Albion bl-iskor minimu ta' 1-0 bil-gowl waħdieni tagħhom jasal minn Whittingham fil-65 minuta. Il-konfront bejn West Ham United u Sunderland kif ukoll dak bejn Hull Cuty u Stoke City spiċċaw bl-iskor identiku ta' mingħajr gowls. Sejħa għall- OFFERTI IL-MITA TIXTIEQ TAVŻA LI QEGĦDIN JINTLAQGĦU OFFERTI GĦAL: - Provision of Pest Control Services – T110/13 Data ta' ħruġ: 3 ta' Diċembru 2013 / Data ta' għeluq: 6 ta' Jannar 2014 - Provision of Electric Vehicle to MITA – T097/13 Data ta' ħruġ: 4 ta' Diċembru 2013 / Data ta' għeluq: 8 ta' Jannar 2014 Operaturi Ekonomiċi li huma interessati sabiex jipparteċipaw f'dawn is-sejħiet għall-offerti huma mħeġġa jieħdu nota għall-workshop li sejjer jiġi organizzat fis-Centre for Development Research and Training (CDRT), It-Telgħa ta' Sa Maison, il-Furjana, nhar il-Ġimgħa 20 ta' Diċembru fid-9.00 ta' filogħdu (CET). F'dawn il-workshops, Operaturi Ekonomiċi sejrin ikollhom l-opportunità sabiex jsiru jafu aħjar kif għandhom jikkompilaw u jissottomettu l-offerti tagħhom online. Iktar informazzjoni tinsab fid-dokument tal-offerta. Dawn is-sejħiet għall-offerti jistgħu jinkisbu mis-Sistema Elettronika għas-Sejħiet Pubbliċi (www.etenders.gov.mt) Għal aktar informazzjoni, kkuntattja lill-Contracts Management Department 2123 4710 www.mita.gov.mt ILLUM l-Assoċjazzjoni Sport Muturi u Karozzi, l-ASMK, se tkompli bl-attivitajiet tagħha mill-ASMK Pasta Poiatti 2013/14. Is-sezzjoni ASMK Moto-Enduro se torganizza t-tieni tiġrija Enduro ta' dan l-istaġun li din id-darba se ssir filBarriera Torri Falka fil-limiti tal-Imġarr. Dan seta' jkun possibli grazzi għas-Sur Paul Xuereb, Direttur tal-Hardrocks Ltd u għadd ta' Marshals / Helpers tal-ASMK. Ir-reġistrazzjoni tibda fid-9am u l-attività tibda fl-10am. Din l-attività hija wkoll appoġġjata minn Thomas Smith Insurance u Dunlop Tyres. Wara t-tiġrija Enduro li saret b'suċċess f'Marzu li għadda, l-Assoċjazzjoni permezz talKumitat organizzativ Enduro se tkun qed tarma korsa ġdida li mistennija tkun maqsuma f'erba' stadji. Din l-inizjattiva se ssir biex tinkludi diversi tipi ta' ħiliet u fl-istess waqt se jkun hemm aktar osservanza minnaħa tal-uffiċjali u l-Marshals biex kemm jista' jkun tkun ġusta 100%. Il-korsa mistennija tkun twila bejn 4 sa 5 kilometri u din se tkun tikkonsisti minn sewqan fuq postijiet naturali kif ukoll minn ostakli oħra mpoġġija apposta. Din għandha toffri sfida ġdida għal kull kompetitur kif ukoll spettaklu għal pubbliku li mistenni jżur din l-attività. Kull kompetitur se jkollu tiġrija waħda bi prova li se sservi wkoll għall-Pole Position u żewġ heats kontra l-arloġġ fejn kull sewwieq ikollu ċans itejjeb il-ħin fiżżewġ heats li huma. Intant nhar is-Sibt 7 ta' Diċembru l-Assoċjazzjoni organizzat l-ikla annwali talMilied f'Palazzo Xara, ir-Rabat fejn ġew onorati iċ-champions u runner ups ta' kull sezzjoni membru tal-ASMK fl-istaġun 2012/13. Għal din ilpreżentazzjoni, l-Assoċjazzjoni tieħu ħsieb tistieden l-ogħla awtoritajiet tal-pajjiż, speċjalment fejn jidħol sports. Spikka d-diskors tas-Sur Paul Debattista konsulent tas-Segretarju Parlamentari għaż-Żgħażagħ u Sports, Stefan Buontempo fejn qal li wara diversi laqgħat li saru mal-Assoċjazzjoni assigura lill-membri tal-Assoċjazzjoni li proġett li beda mistenni jsir realtà fiż-żmien li ġej. Is-Sur Debattista ppreżenta l-unuri lil champions tal-istaġun li għadda. Fid-diskors qasir tiegħu, il-President talAssoċjazzjoni, Frans Deguara, għamel ringrazzjamenti speċjali lil dawk in-nies li jagħmlu dan l-isport possibli u vijabbli. Il-President tenna li l-ASMK għandha tibża' għal dak li din l-assoċjazzjoni rnexxielha takkwista sa issa waqt li taħdem għal dak li l-istess assoċjazzjoni għandha pproġettat għall-futur kemm dak li jolqot il-klabb direttament kif ukoll dak indirettament. Iċ-champions li ġew onorati fil-Kampjonat Nazzjonali huma fis-Sezzjoni Autocross, Patrick Cassar fuq Opel Corsa, Autocross Gozo Dominic Zammit fuq Alfa Sud, Motocross Clayton Camilleri fuq KTM u Trials, Damon Bonello fuq Montesa. Intant, nhar is-Sibt 30 ta Novembru, iż-żewġ sewwieqa tal-ASMK Enduro, Andrew Cassar u Nicolai Abela rebħu unuri fil-MOC Awards billi rebħu unuri fil-Kampjonat Enduro ta' Sqallija organizzat mill-Federazzjoni Taljana, FMI. L-Amministrazzjoni tal-Assoċjazzjoni fil-jiem li għaddew għalqet irreġistrazzjoni tad-Demolition Derby b'riżq l-Istrina 2013 li għal darb'oħra l-Għaqda se tkun qed torganizza. Din l-attività annwali b'riżq il-Malta Community Chest Fund din is-sena se tkun l-20 edizzjoni. L-attività Demolition mistennija ssir nhar it-22 ta' Diċembru. Aktar dettalji jitħabbru aktar 'il quddiem iżda min jixtieq aktar informazzjoni jista' jżur is-sit elettroniku www.asmk.org.mt