Issue link: https://maltatoday.uberflip.com/i/310281
32 illum Il-Ħadd 11 ta' Mejju 2014 SPORTSillum Il-waterpolo jkompli jagħmel isem għal pajjiżna f 'kull kategorija FILJIEM li għaddew it-tim nazzjonali tal-waterpolo ta' taħt is-16-il sena rebaħ it- tourrnament tat-8 Nations li ġie organizzat f 'Brno li hija t-tieni l-ikbar belt fir- Repubblika Ċeka. B'hekk il- waterpolo kompla jagħmel isem għal pajjiżna f 'kull kategorija wara li lkoll nafu kif it-tim nazzjonali tal- kbar kiseb diversi suċċessi ferm importanti fl-aħħar ġimgħat taħt it-tmexxija mill-aqwa ta' Karl Izzo u Anthony Farrugia. U kien propju ma' Karl Izzo li dan il-ġurnal għamel kuntatt biex jagħtina rendikont dettaljat ta' din l-esperjenza unika għal dawn il-plejers żgħażagħ f 'Brno li flimkien irnexxielhom iġibu dan l-unur ferm importanti fid-dinja tal-waterpolo taż-żgħażagħ lejn pajjiżna. Bħas-soltu Izzo kien ferm disponibbli magħna u saħaq li: "L-ewwel logħba kienet kontra l-Polonja li kienu f 'Brno jippartecipaw bl- Under 17s u mhux bħalna bl-Under 16s – ta' min jgħid li aħna kellna ħafna plejers ta' 15 u anki 14 -il sena fit-tim u r-riżultat li ksibna huwa akbar meta tikkunsidra dawn l-affarjiet ukoll. Wara bidu iebes irnexxilna nirbħu meritatament din il-logħba bl-iskor finali ta' 15-5. Waranofsinhar kellna t-tieni logħba kontra t-tim b'saħħtu ħafna tal-U17s tal-Isvizzera - kienet logħba fiżika ħafna għall-plejers tagħna. Kellna bidu u 3 sessjonijiet tajbin ħafna u rnexxielna nirbħu din ukoll bl-iskor ta' 11-6 - B'dan ir-riżultat konna matematikament kwalifikati għas-semi-finali. L-aħħar logħba tal-grupp kienet l-aktar waħda faċli u kienet kontra l-Iskozja fejn hawn lagħbu ħafna dawk il-plejers li ma tantx kienu lagħbu fil- logħba tal-ġurnata ta' qabel u spiċċajna rebbieħa komdi bl-iskor ta' 30-1. B'dawn ir-riżultati rbaħna l-grupp tagħna u ġejna semi-finali kontra l-Irlanda, tim veloċi u bi plejers validi. Kellna bidu iebes u b'xi plejers imdendlin bil-fawls imma għarafna nuru s-supremazija tagħna u fl-aħħar noħorġu rebbieħa bl-iskor ta' 16-5. Kien riżultat eċċellenti bi plejers iżgħar kontra oppożizzjoni ikbar kemm fl- età kif ukoll fiżikament. Il-finali kienet l-għada l-Ħadd kontra t-tim tal- Awstrija, l-aqwa tim fl-opinjoni tiegħi fil- kompetizzjoni apparti aħna - tim li ilu flimkien u li apparti huwa wkoll U17, jieħu sehem regolari fil- Kampjonat Awstrijak - tim magħmul minn elementi b'teknika eċċellenti u tim li żgur li għandu futur sabiħ quddiemu. Konna nafu li kienet se tkun logħba diffiċli ħafna imma jien u l-plejers tiegħi konna konxji li għandna tim b'saħħtu li jista' jilgħab kontra kulħadd. Kienet logħba bilanċjata ħafna sal-aħħar u spiċċajna rebbieħa bl-iskor minimu ta' 9-8. Kellna plejers importanti li kienu bi 3 fawls u b'hekk ma setgħux jilagħbu tul il- logħba kollha, imma kull min kien fl-ilma lagħab għat-tim u l-kollettiv tana r-rebħa meritata li ppremjatna bit- tazza li dawn il-plejers tant ħadmu għaliha. Kien mument kommoventi meta wara li ngħataw il- midalji nstema' l-innu Malti, u kien wara dan li kien hemm ħin u lok għal ċelebrazzjonijiet mill-plejers u partitarji preżenti. Biex tkompli żżid fuq dan is-suċċess meritat, il-plejer tagħna Ben Plumpton rebaħ it-tazza għall-aqwa skorer tat- tournament kif ukoll għall- aqwa plejer tat-tournament. Nibda bih għax kien plejer strumentali fir-rebħa tagħna, captain eżemplari u għen plejers b'inqas esperjenza internazzjonali minnu meta kien hemm bżonn. Huwa laqat l-għajn ta' kowċis tat- timijiet l-oħra bil-movimenti fil-logħba u intelliġenza tattika. Lil Ben ili nsegwih minn meta kien plejer żgħir ma' Marsascala, emmint u nibqa' nemmen fih u ma jdumx jekk jibqa' juri din il- forma u titjib kostanti fil-livell tiegħu ma jkun miegħi fit-tim nazzjonali tal-kbar. Il-goalkeeper Jake Tanti kien sod fil-lasta u kien strumentali f 'mumenti delikati ta' logħbiet importanti, speċjalment fil- finali meta kien determinanti bis-saves tiegħu. Huwa goalkeeper li kiber ħafna fl- aħħar żminijiet, tjieb immens fil-logħob, u kien ta' appoġġ għat-tim kollu - nispera li narah malajr kemm jista' jkun jilgħab fil-kampjonat tal-kbar. Il-plejers Darren Zammit, Matthias Azzopardi, Malcolm Manara, Isaiah Riolo, Joseph Galea, Luke Calleja u Kyle Navarro flimkien ma' Ben Plumpton, kienu s-sinsla tat-tim tiegħi u l-bażi li fuqu qed nibni din l-iskwadra tant għal qalbi. Kellhom tournament eċċellenti u kienu ta' ispirazzjoni għat- tim bl-għawm u l-movimenti tagħhom tul il-logħbiet kollha. Manara u Calleja kienu kolonna fid-difiża u tjiebu logħba wara logħba. Azzopardi kien plejer li ftit kien jinqala' mill-ilma - plejer versatili li lagħab f 'kull pożizzjoni u kien strumentali biex jagħlaq fid-difiża fejn ma kinux jaslu sħabu - plejer li għamel progress kbir f 'dawn l-aħħar xhur. Riolo, plejer xellugi, veloċi u intelliġenti li minnu kienu jgħaddu ħafna mill-azzjonijiet fl-attakk tagħna - plejer dedikat ħafna u ta' eżempju. Zammit kien plejer effettiv ħafna kemm fil- pożizzjoni taċ-ċentru fejn ġab ħafna tkeċċijiet u skorja gowls importanti kemm fid-difiża fejn kellu l-inkarigu li jżomm l-aktar plejers perikolużi tal-avversarji. Galea kien il- mutur tat-tim. Hu wkoll ftit kien jinqala' mill-ilma. Huwa plejer veloċi fl-għawm tiegħu, iddefenda tajjeb u skorja gowls importanti u sbieħ. Galea kien kostanti fil-logħob tiegħu, plejer li għamel avvanz kbir f 'din is-sena u huwa pedament importanti f 'dan it tim. Navarro kien plejer li ta sehem importanti f 'kull logħba li lgħabna u kien fdat b'responsabbiltà li dejjem jimmarka plejers perikolużi tal-avversarji, jagħmel xogħol siewi fl-attakk u dejjem lagħab b'mod responsabbli u kien ta' għajnuna kbira għal sħabu. Importanti wkoll kien is-sehem tajjeb ħafna li taw Jerome Zerafa Gregory u Il-plejers tat-tim nazzjonali ta' taħt is-16 -il sena tal-warterpolo li rebħu t-tournament tal-8 Nations f 'Brno r-Repubblika Ċeka Il-plejers Maltin li pparteċipaw t- tournament tal-8 Nations f 'Brno Isaiah Riolo Sirens Jakob Sciberras Sirens Jeremy Abela Neptunes David Fenech Sliema Malcolm Manara Sliema Frederick Buhagiar - goalkeeper San Ġiljan Ben Plumpton San Ġiljan Darren Zammit San Ġiljan Joseph Galea San Ġiljan Jake Tanti - goalkeeper Neptunes Kyle Navarro Neptunes Luke Calleja Neptunes Matthias Azzopardi Neptunes Jerome Zerafa Gregory Neptunes Mikhael Cutajar Neptunes