Illum previous editions

4 illum | Il-Ħadd 05 ta' Ottubru 2014 OPPORTUNITA` BLA ĦLAS GĦAL MIN IĦADDEM Programm Operattiv II – Politika ta' Koeżjoni 2007-2013 Insaħħu Ħilitna għall-Aktar Impjiegi u Kwalità ta' Ħajja Aħjar Proġett ko-nanzjat mill-Unjoni Ewropea Fond Soċjali Ewropew (FSE) Ko-nanzjament: 85% Fondi UE, 15% Fondi Nazzjonali Ninvestu fil-futur tiegħek Bħala parti mill-Programm Garanzija għaż-Żgħażagħ, il-Gvern qed jippjana biex jipprovdi sa massimu ta' 300 żagħżugħ u żagħżugħa, li riċentement telqu mill-iskola sekondarja u qegħdin ifittxu xogħol għall-ewwel darba, Esperjenza ta' Xogħol għal perjodu ta' 12-il ġimgħa, b'20 siegħa kull waħda. Il-benefiċċji għal dawk li jħaddmu u li jipparteċipaw volontarjament huma: 1. Valur miżjud mix-xogħol tal-ħaddiema żgħażagħ li huma stess se jkunu mħallsin direttament mill-Gvern għas-sigħat tax-xogħol tagħhom tul il-perjodu tal-Esperjenza ta' Xogħol ta' 12-il ġimgħa; 2. L-għażla, fl-aħħar tat-12-il ġimgħa tal-Esperjenza ta' Xogħol, li jżommu wieħed jew aktar mit-'trainees', bil-pagi tagħhom ikunu mħallsa mill-Fond Soċjali Ewropew matul perjodu ta' 'Traineeship' sa sitt xhur; u 3. Tnaqqis tat-taxxa ta' €600 għal kull żagħżugħ u żagħżugħa li jkunu offruti 6 xhur sħaħ 'Traineeship' minn min jimpjegahom. Din hi opportunita` li min iħaddem m'għandux jitlef. Se nkunu qegħdin nirrispondu għaliha fuq bażi 'first-come first-served'. Nistednuk sabiex tikseb il-fatti dwar din l-opportunita` billi żżur il-websajt tal-ETC www.etc.gov.mt, fejn tellajna mistoqsijiet li jista' jkollkom u t-tweġibiet għalihom, imbagħad ċemplulna għal kwalunkwe` kjarifiki li tistgħu tkunu teħtieġu. Tistgħu ukoll tapplikaw 'online'. Għal aktar informazzjoni tista' ċċempel fuq 2598 2280/2. Taljani f 'Malta biex joħorġu flushom barra l-Italja FTIT tal-ġimgħat ilu dan il-ġurnal żvela li fl-ajruport ta' Sqallija kienu nqabdu madwar 200 persuna li bejniethom kienu qed jippruvaw joħorġu madwar miljun ewro minn Sqallija biex jaħarbu mit-taxxi fiskali tal-pajjiż u jinvestuhom hawn Malta. F'kelma waħda ħasil tal-flus fejn il-flus kontanti kienu qed jinħbew f 'kotba u basktijiet tat-tfal. Dawn li nqabdu biss. F'Awwissu li għadda Aldo Giunta wieħed mill-kapijiet tal-Camorra kien arrestat eżatt qabel rikeb il-katamaran lejn Malta filwaqt li din il-ġimgħa kellna l-arrest ta' Sebastiano Brunno wieħed mill-kapijiet tal-mafja Siċiljana. Barra hekk hu fatt magħruf li diversi negozjanti Taljani qed jiftħu xi ristoranti f 'Malta u wara biss sitt xhur dawn qed jingħalqu bi skuża li ma jkunux sejrin tajjeb. Minn sorsi Taljani li nistgħu noqogħdu fuqhom qalulna li dawn it-Taljani m'huma koki xejn iżda nies li jivvintaw negozju f 'Malta biex ikunu jistgħu joħorġu flushom u jinvestuhom barra l-Italja. Meta jirnexxielhom jagħmlu dan jgħalqu n-negozju li jkunu fetħu. Dawn kollha jagħtu indikazzjoni li diversi Taljani qed jużaw Malta biex jaħslu flushom, fejn normalment dawn il-flus ikunu ġew minn negozju klandestin, bħal Mafia u Camorra. Anke li jinqabdu żewġ kapijiet tal-mafja fi żmien xahrejn, wieħed li kien ġej Malta u l-ieħor li ma nafux kemm-il sena ilu jgħix hawn b'dokumenti foloz ifisser ukoll li l-id tal-mafja tista' qed taħdem minn din il- gżira mingħajr wisq pressjoni fuqhom, għax f 'Malta dawn in-nies m'humiex magħrufa u jidher li l-lenti tagħhom tinsab fuq gżiritna. Anke l-fatt ta' diversi delitti ta' persuni magħrufa fid- dinja kriminali Maltija fuq stil ta' 'hit' professjonali wkoll jagħti x'wieħed jifhem li dawn l-assassinji għandhom timbru mafjuż fihom, anke jekk din hi biss spekulazzjoni. Għalkemm m'hemmx dubju li Malta tinsab fil-lenti tal- mafja. Mhux faċli li l-awtoritajiet jinterċettaw dan kollu, għax wara kollox dan kollu li qed insemmu hu biss dak li nqabad, x'hawn għaddej minn taħt u kemm hawn membri tal-mafja, Cosa Nostra u Camorra ħadd ma jista' jgħid. Lanqas x'qed jaħmu minn din il-gżira f 'eventwalità li dawn qed joperaw minn Malta ma wieħed jista' jsir jaf. Il-ftehim tax-Schengen ikompli jagħmilha aktar diffiċli għal pajjiż li jkollu kontroll ta' min jidħol f 'Malta. U dan il-fatt jidher li qed jinkwieta pajjiżi bħall- Awstrija anke jekk ir-raġuni hi differenti u l-problema tagħhom huma l-immigranti irregolari aktar milli nies mafjużi. L-Awstrija fil-fatt qed tistudja l-eventwalità li tissospendi temporanjament it-trattat ta' Schengen mal- Italja. Dan wara li ġew interċettati madwar 5,000 klandestin fuq il-fruntiera mal-Italja qed jippruvaw jaqsmu lejn l-Awstrija. Dis- sena klandestini maqbuda fl-Awstrija kienu ta' 4,700 persuna u kważi kollha reġgħu ntbagħtu lura lejn l-Italja. Minn dan l-ammont kollu 300 biss talbu l-ażil politiku fl-Awstrija. F'dan iż-żmien fejn is-sigurtà ta' kull pajjiż Ewropew hi f 'riskju ż-żona Schengen tista' tkun ta' detriment għas- sigurtà tal-pajjiż għax bħalma jidħol kap ta' mafja m'hemm xejn xi jżomm li jidħol terrorist. Ħafna qed jistaqsu jekk wasalx iż-żmien li ż-żona Schengen tiġi mwaqqfa temporanjament. Tkompli minn paġna 1 L-Awtorità tax-Xandir tagħlaq 53 sena ILPRESIDENT ta' Malta Marie Louise Coleiro Preca inawgurat sistema ġdida ta' moniteraġġ fl-Awtorità tax-Xandir f 'għeluq it-53 anniversarju mit-twaqqif tal-Awtorità tax-Xandir. Il-President qalet li llum l-Awtorità, bil-għan li tagħmel moniteraġġ għall- imparzjalità tal-mezzi tax-xandir f 'pajjiżna, qed tkun proattiva billi ssib metodi ġodda kif tagħmel dan b'mod mill-iktar professjonali. Il-President qalet li importanti li l-mezzi tax-xandir, filwaqt li jkunu imparzjali, għandhom jirrispettaw l-etika speċjalment fil-konfront ta' gruppi vulnerabbli fis-soċjetà, speċjalment fejn jidħlu tfal u persuni b'diżabbiltà. Iċ-ċermen tal-Awtorità tax-Xandir Anthony J. Tabone rringrazzja lill- President ta' Malta għaż- żjara tagħha f 'mument fejn l-Awtorità qed timmodernizza s-sistema tagħha. Huwa spjega kif permezz ta' kuntatti bilaterali mal-Awtorità Regolatorja tal-Ungerija, l-Awtorità tax-Xandir Maltija akkwistat sistema moderna ta' moniteraġġ li se tkompli tilqa' għax- xogħol kbir li għandha l-Awtorità. Huwa spjega kif bħalissa l-Awtorità tax- Xandir Maltija qed tassisti lill-Moldova biex issaħħaħ l-awtorità regolatorja tagħha. Waqt din l-okkażjoni, iċ-ċermen tal-Awtorità tax-Xandir ta lill-President donazzjoni b'risq il-Malta Community Chest Fund. www.gourmettoday.recipes Marlene Mizzi t-tielet u Sant l-450 ILMEMBRU Parlamentari Ewropew Marlene Mizzi tinsab fuq quddiem nett fil-klassifika tal-aktar membri ħabrieka fil- Parlamentari Ewropew. Statistika ppubblikata fuq is-sit mepranking.eu, Mizzi tinsab fit-tielet post minn fost is-751 membru parlamentari li bdew il- ħidma tagħhom fl-ewwel ta' Lulju li għadda. Marlene Mizzi tinsab ukoll fuq quddiem nett bl- ammont ta' mistoqsijiet li għamlet fil-parlament fejn bħalissa tinsab fit-tieni post minn fost il-parlamentari kollha u saħansitra qabżet lil Martin Schulz. Il-kumplament tal-Membri Parlamentari Maltin jikklassifikaw kif ġej fuq l-attivitajiet li ħadu sehem fihom minn fost is-751: Roberta Metsola fis-17 • il-post Miriam Dalli fil-100 • post Therese Comodini • Cachia fil-160 post David Casa fl-440 post • Alfred Sant fl-450 post • Marlene Mizzi klassifikat it-tielet minn 751

• Cover