Il-Ħadd 05 ta' Ottubru 2014 | illum 11
Is-saħħa u l-istennija
@reportermalta reporterontvm
It-tieni programm ta' Reporter għall-iskeda l-ġdida se jkun qed jittratta s-saħħa. Fil-programm se jiġu diskussi l-istennija
għall-interventi f'Mater Dei, l-Emerġenza, l-ammont ta' riżorsi umani f'dan il-qasam u t-tkabbir tal-isptar minħabba n-nuqqas
ta' sodod.
Reporter jifrex ħarstu wkoll fuq is-sitwazzjoni f'San Vinċenz de Paule, Monte Karmeli u l-Polikliniċi f'pajjiżna.
Id-diskussjoni se tinkludi wkoll it-tqassim tal-mediċini u d-distribuzzjoni tax-xogħol fi sptarijiet privati.
Fost il-mistiedna se jkun hemm is-Segretarju Parlamentari Laburista għas-Saħħa Chris Fearne, Claudio Grech mill-PN, Paul
Pace f'isem l-MUMN u Josie Muscat, iċ-ċermen tal-isptar St. James. Se jkun hemm ukoll parteċipazzjoni ta' professjonisti
oħra fi l-qasam tas-saħħa.
Reporter hu preżentat mill-ġurnalist Saviour Balzan fl imkien mal-opinjonista Ramona Frendo. Il-programm se jkun live fuq
TVM nhar ta' Tnejn fl -9.55pm.
