Illum previous editions

ILLUM 3 May 2020

Issue link: https://maltatoday.uberflip.com/i/1243335

Contents of this Issue

Navigation

Page 5 of 31

06 aħbarijiet IL-ĦADD 3 TA' MEJJU 2020 • illum Id-Deputat Nazzjonalista Ivan Bartolo bħalissa qed imexxi programm biex jgħin lin-nies ikollhom kumpanija u jwassal informazzjoni dwar saħħa mentali 'Irridu nieħdu ħsieb il-pandemija tas-solitudni wkoll' ALBERT GAUCI CUNNINGHAM "Iktar milli affarijiet materjali biss, iktar l-problema hija u se tkun psikoloġika. Anke għall-bniedem li se jibqa' ġewwa u qiegħed komdu, irridu naraw kif se jkampa f 'din il-pandemija tas-solitudni." Hekk jgħid mal-ILLUM id-Deputat Nazzjonalista Ivan Bartolo illi bħalissa qed imexxi programm biex jgħin lin-nies ikollhom kumpanija u titwassal informazzjoni dwar saħħa mentali. Dan kollu b'mod speċjali issa li eluf ta' persuni - primarjament anzjani - jinsabu maqfulin f 'darhom imċaħħdin minn ħafna mill-attivitajiet li kienu jattendu sa it żmien ilu bħal quddies, xi mawra l-każin jew xi diskursata bejn il-ħbieb fil-pjazza. Bartolo jirrakkonta kif wieħed mill- anzjani li jċemplu kuljum, huwa raġel mill- Kalkara li jħoss illi jista' jgħid kelma ma' xi ħadd ukoll u jwassal ħsibijietu fuq ir-radio milli quddiem il-baħar fix-xatt Kalkariż. "M'ilux kien hemm wieħed ċempilli u qal li jafu lil dan ir-raġel u li xtaq jiltaqa' miegħu wara li ilu ma jarah snin twal. Dak hu s-sodisfazzjon, li qed noħolqu sens ta' komunità fi żmien meta tant nies qed iħossuhom waħedhom u neqsin minn dan is-sens hekk importanti," qal Bartolo. Jgħid iżda li n-nies bla dar qed jiżdiedu, b'każ ta' raġel li spiċċa ta' fuqu senduqu barra fit-triq u li din il-ġimgħa għamel kuntatt telefoniku. Bartolo jispjega kif il-għajnuna bdiet tingħata u jgħid illi ċempillu Sindku ta' lokalità li xtaq ikun jaf ir-raġel li ċempel kienx l-istess wieħed li jorqod fuq bank fi ġnien fil-lokalità li jmexxi. "Darba ċempel raġel Għarbi wkoll li xtaq jitkellem dwar il-problema li għaddej minnu pajjiżu, per eżempju." Hu jgħid li l-għan tat-tim ta' sebgħa minn nies wara l-programm mhuwiex finanzjarju fil-fatt lanqas biss isiru riklami. Jispjega kif mas-semmiegħa jitkellmu dwar kif timmotiva lilek innifsek u life coaching ma' persuni li għandhom l-għarfien dwar is-suġġett. Huwa jiċċara li l-programm mhuwiex politiku u kulħadd qed jagħti sehem, inkluż uffiċjali tal-Gvern, biex min ikollu bżonn għajnuna ġenwina tingħatalu. Id-Deputat Ivan Bartolo X'qed tipproponi l-Oraganizzazzjoni Dinjija tas-Saħħa? Il-pandemija Covid-19 qed titfa' tgħabija qawwija fuq is-saħħa mentali ta' ħafna, f 'Malta u madwar id-dinja. L-Organizzazzjoni Dinjija tas-Saħħa (WHO) ħarġet b'linji gwida dwar x'għandha tagħmel persuna sabiex tieħu ħsieb is-saħħa mentali tagħha u ta' dawk madwarha. - Il-Covid-19 hija mifruxa mad-dinja kollha. L-għoti ta' tikketti etniċi ma jgħinx lill-persuna tħossha aħjar - Uri empatija lejn min għandu l-Covid-19. Mhux it-tort tiegħu/tagħha. Agħti appoġġ u uri qalb tajba - Imminimizza kemm, tisma' u tara dwar il-virus u kun ċert li dak illi qed tisma' ġej minn sorsi li huma affidabbli - Agħti l-għajununa u għamel kuntatt ma' familja, ġirien, ħbieb u dawk fil- bżonn. Dan jgħin lilek u anke lill-persuna illi qed tgħin - Irrakkonta u amplifika stejjer pożittivi u stejjer ukoll ta' nies li taf jew li smajt dwarhom illi għaddew mill-Covid-19 u fiequ - Agħti appoġġ u urieh lill-ħaddiema fil-qasam tas-saħħa, dan jgħinhom f 'dan iż-żmien pjuttost ta' sfida - Kul biżżejjed ikel u ikel san. Għamel eżerċizzju u żomm 'il bogħod minn soluzzjonijiet bħal tipjip, xorb u drogi - Ħaddiema tas-saħħa: Żomm kuntatt virtwali ma' dawk li ma tistax tkellem jew tiltaqa' minħabba x-xogħol tiegħek fl- isptar - Żomm rutini regolari u l-iskedi tiegħek fejn possibbli. Għamel eżerċizzju regolari, naddaf, iżbogħ, isma' l-mużika u dejjem importanti żżomm kuntatt ma' dawk qirb tiegħek Jekk m'għandekx ma' min titkellem u minkejja kollox xorta qed tħossok waħdek, ċempel fuq in-numru 1772. Il- helpline hu operat mill-Fondazzjoni għas- Servizzi ta' Ħarsien Soċjali (FSWS), 24 siegħa kuljum. Numru ta' professjonisti se jkunu qed jisimgħu u jagħtu pariri

Articles in this issue

Archives of this issue

view archives of Illum previous editions - ILLUM 3 May 2020