Issue link: https://maltatoday.uberflip.com/i/1385126
19 opinjoni illum • IL-ĦADD 20 TA' ĠUNJU 2021 Tektik Ivan Bartolo huwa Deputat u Kelliem tal-Oppożizzjoni M eta ma taqbilx mad-drawwiet ħżiena tal-kotra, l-aktar ta' dawk li jmexxu pajjiżek, għax bir-raġun qed tinnota li kollox ta' taħt fuq; normalment tiġi miżmum daqs- likieku qed tikser il-buon ordni, ir-Rieda Qaddisa. U anki jekk issemma' leħnek, tiġi rrappur- tat bħala li ppruvajt tinstiga lil ħaddieħor għall-inkwiet. Xi wħud kitbu, li qed ngħixu mill-ġdid is-snin 80. L-inkwiet f 'pajjiżna sar aktar sottili. Il- brimba ma tagħtix fil-għajn, imma qiegħda hemm bis-saħħa. U jekk titkellem, jekk tikkritika iqisuk mal-lista tal-midinbin. Bħal qisek ħadtha ma' l-alla tas- soċjetà. M'għandniex xi ngħidu trid tiġi mwiddeb, anki jekk bil-pulit. U din hija l-agħar forma. Għall- kuntrarju, anki jekk tfaħħar il- ħażin, int tiġi mogħti indulġenzi soċjali. Allura biex tieħu minn dawn l-indulġenzi, trid tagħlaq imqar għajn waħda. Jekk tagħmel dan, dnubitek maħfura. Jekk l-inġustizzji jdejquk, u ma tissaportix tiskot, se jkollok tbati prezz bl-għoli u bl-użura. Jekk twebbes rasek u turi li l-fehmiet tiegħek huma differenti minn dawk tal-alla tas-soċjetà, f 'għajnejn tal-qalba int tkun dnibt u għawwiġt għal kollox it-tifsira ta' x'inhu qaddis u x'inhi l-qdusija, u magħha tkun għawwiġt ukoll it-tifsira ta' x'inhi ubbidjenza. F'dan il-pajjiż sirna ma tistax titkellem, ma tistax taqdi dmirek, ma tistax taħdem. Mingħajr ma nagħti stampa esaġerata, nitolbok tidħol fil- media soċjali u tara xebgħa tgħajjir tal-biża'. Xi ħadd femminili kitbet, li tixtieq tara borma żejt fi pjazza bin- Nazzjonalisti jinqlew fiha. Idħol fi gruppi magħluqa tal-media soċjali, u tara x' jgħidu fuqna l-membri tl-Oppożizzjoni. Inkredibbli meta tara ċertu ismijiet, li fil-pubbliku u fuq it- televiżjoni, id-dehra hi xort'oħra. Xi ħadd urieni screen shot. Lanqas ridt nemmen dak li bdejt naqra. Imma donnu fis-soċjetà tagħna, dan hu permess? Donnu li tgħajjar lill-membri tal- oppożizzjoni huwa miżmum fl- ogħla ġieħ. Għala? Tgħid għax xi ismijiet li hemm jgħajru kemm jifilħu, ma damux ma ngħataw rigal. Sistema maħluqa bl-iskop li tkisser l-effett tal-paċi. Dan huwa sura ta' mard. Dan juri li l-prinċipji Maltin u l-valuri f ' pajjiżna tmermru. Mur ara x' hemm fuq il-media soċjali dwar Maltin li għandhom rispett kbir minn kullimkien, iżda għax qalu nofs ta' kelma, il-kanuni kollha jridu jifqgħulu rasu. Biċċruh bi kliemhom u li kien għalihom iqattgħuh biċċiet. Fejn huma dawk tal-unit tal-hate speech, li twaqqfet fi ħdan il-korp tal- pulizija? Ma nkunx ġust, jekk ma ngħidx li kliem dispreġġattiv jingħad ukoll fuq esponenti tal- Gvern. Dan huwa kollu ħażin, speċjalment meta tiġi attakkata l-persuna. Imbagħad donnu xi wħud, imħallsin biex jgħajru. 24/7 għassa biex jekk ifettillek tikteb post, joħorġu għalik bix-xafra tal-moħriet. Din ukoll hi forma oħra ta' kultura negattiva. Trid tgħaddi minnha, biex tirrealizza li din hija kultura li ħadd ma jrid f 'daru. Kultura mimlija ħdura u mibiegħda. Erġajna lura għal żmien id-dlam. L-ebda ħjiel ta' barka fl- imġieba tagħhom, u kliemhom ma jwassal għall-ebda progress. Hemm ħafna preġudizzji. Kliemhom mimli qerq u vili. Jgħidu fuqek stejjer li mhumiex veru. Iqisuk u jpenġuk bħala bniedem impestat. Assassinju tal-karattru. L-ebda rispett lejna l-politiċi. Tkun għaddej minn triq għall-affari tiegħek, u tgħaddi karozza b'ħamsa minn nies ġo fiha, fejn jinsulentawk u jippruvaw jumiljawk. Imma, dan normali? Tassew, forsi għax il-poter tela' daqstant f 'ras il- partitarji? Minn fejn hi ġejja din l-ewforija kollha? U l-oħrajn, m'għadux posthom hawn fuq din il-gżira maqsuma? Żgur li dan ma tistax issejjaħlu bħala l-Aqwa Żmien jew li "tista' ma taqbilx magħna, imma xorta taħdem magħna." Żgur mhuwiex l-aqwa żmien, għal min ismu jissemma kontinwament f 'kampanja ta' mibgħeda. Il-kummenti tiegħek, anki jekk validi idardar lill-maġġoranza patrijarkali. Sfortunatament, il-ġemgħa għandha l-ħila li bi vjolenza kbira twikkik bid- dnubiet tagħha stess, bħallikieku b'hekk biss, (bit-tagħjir u billi ssikktek), tista' tbiegħed il-ħażen tagħhom u b'hekk mingħalihom li tkun qed taħbilhom l-affarijiet. Stedina Jien dejjem għamilt stedina lil kull min jgħajjarni. Bi prudenza ngħidilhom biex min jogħġbu jċempilli fuq il-mobile personali u niddiskutu dak li ma jaqbilx jew fejn stajt inqast. Madanakollu, l-ebda telefonata qatt ma rċevejt. Ħadd ma laqa' l-istedina tiegħi. U jekk dawn it-talin, itektku minn wara laptop jew minn fuq il-mobile u mhumiex kapaċi jaffaċċjawk, jekk mhumiex kodardi, x'jissejħu? Ivan Bartolo Xi ħadd urieni screen shot. Lanqas ridt nemmen dak li bdejt naqra. Imma donnu fis-soċjetà tagħna, dan hu permess? Donnu li tgħajjar lill-membri tal- oppożizzjoni huwa miżmum fl-ogħla ġieħ. Għala? Tgħid għax xi ismijiet li hemm jgħajru kemm jifilħu, ma damux ma ngħataw rigal.