Issue link: https://maltatoday.uberflip.com/i/1387607
18 opinjoni IL-ĦADD 27 TA' ĠUNJU 2021 • illum Claudio Grech huwa Deputat Nazzjonalista responsabbli għat-Trasformazzjoni u l-Innovazzjoni tal-Politika tal-PN Claudio Grech Nerġgħu nibnu l-pedamenti L -aħbar ta' din il-ġimgħa li pajjiżna spiċċa fuq il-lista l-griża ta' l-FATF ġabet magħha ħafna rabja u tħassib. Għalkemm ir-riżultat ma' kienx xi sorpiża, xorta waħda hekk kif ħarġet l-aħbar kulħadd ġie wiċċ imb'wiċċ mar-realta' li ridna nibdew naġġustaw għaliha. Realtà li ser tkun iddominata minn l-in- ċertezza dwar kif u meta pajjiżna ser joħroġ minn din is-sitwazzjoni inkwetanti u kif ser inkunu qed nerġgħu nibdew it-triq tal-bini tal-kredibbilta' ta' pajjiżna. Meta janalizza l-impatt ta' żvilupp bħal dan wieħed irid iżomm quddiem għajnejh li, matul dawn l-aħħar għoxrin sena, l-ekonomija ta' pajjiżna ġiet ittrasformata minn waħda bbażata fuq il-prezz irħis tax- xogħol (iċ-cheap labour) għal waħda mibnija fuq servizzi li jistgħu jingħataw permezz ta' l-infrastruttura diġitali. Dawn is-servizzi huma prattikament kompletament dipendenti fuq ir-reputazzjoni u s-serjeta' tal-ġurisdizzjoni u l-ħeffa fit-twettiq ta' tranżazzjonijiet finanzjarji. U huwa proprju għalhekk li din id-daqqa ta' ħarta ser tħalli riperkussjonijiet u ġerħiet ekonomiċi li ser jieħdu ż-żmien biex jirriżolvu ruħhom. Gvernijiet Nazzjonalisti ma' kienux perfetti u żbalji wettqu. Iżda ħaġa waħda żgur li qatt ma' ġiet ppreġudikata: il- kredibbilta' tal-ġurisdizzjoni u r-reputazzjoni ta' pajjiżna barra minn xtutna. Prim Ministri ta' dawn il-gvernijiet mhux biss kellhom l-istatura meħtieġa biex jirrapprżentaw lill-iStat iżda kienu wkoll igawdu minn rispett enormi madwar il- mejda tal-Kapijiet ta' l-iStati l-oħra, rispett li kien il-frott tar-reputazzjoni ta' pajjiżna li finalment kienet ir-riżultat tal- governanza ta' pajjiżna. Iżda kif jgħid il-Malti, għal- magħmul m'hemmx kunsill. Bħala Oppożizzjoni matul l-aħħar tmien snin wissejna fuq li wissejna li ma' kull pass li kien qed jagħmel il-Gvern. Kull ġurnata li tgħaddi kont qed nersqu dejjem aktar viċin il-preċipizzju li issa rridu nibdew telgħin minnu mingħajr dewmien iżda bil-galbu li jixraq sitwazzjoni prekarja bħal ma' wasalna fiha. M'hemmx dubju li l-aħjar triq biex noħorġu minn dan il-preċipizzju hija li jitwarrbu l-battibekki u l-ħidma tkun biss iffukata fuq it-tisħiħ tas-sistemi tagħna u l-iskrutinju tat- tħaddim tagħhom sabiex ma' tinħeliex enerġija fuq xulxin. Huwa f 'dan il-kuntest li wieħed irid iqis l-ewwel reazzjoni tal- Kap ta' l-Oppożizzjoni Bernard Grech ftit tas-siegħat biss wara li tħabbret id-deċiżjoni ta' l-FATF. Hu seta faċilment jagħmel kapital politiku minn dan il-falliment gravi tal-Gvern Laburista. Iżda minflok, l-appell tiegħu kien għal front komuni nazzjonali biex din il-problema noħorġu minnha flimkien, bl- uniċi rebbieħa jkunu Malta u l-poplu tagħha. Hija sfortuna li r-reazzjoni tal-Prim Ministru għal din il-proposta kienet waħda ċara ta' suppervja, fejn ir-rwol tal- Oppożizzjoni lanqas biss jiġi kkalkulat. Din hija waħda mill- fatturi għaliex wasalna s'hawn. Il-Gvern jemmen u jaħseb li jaf kollox u jista' jagħmel kollox waħdu. Il-Gvern jinjora lill- Oppożizzjoni Parlamentari li tirrapreżenta 43% ta' l-elettorat fil-Parlament. Din l-attitudni tribali ser tibqa' toħloq id- diviżjoni, il-firda u d-diverġenzi anke f 'oqsma fejn huwa ċar li l-aħjar għażla ta' politika hija dik ibbażata fuq il-kunsens. Madankollu, l-Partit Nazzjonalista mhux ser jibqa' assenti jew silenzjuż f 'din l-isfida. Ser inkomplu naħdmu, nikkonsultaw u nifformulaw proposti fil-qafas tal-policy clusters sabiex pajjiżna jkollu quddiemu programm ta' miżuri, azzjonijiet u inizzjattivi li ser iwasslu biex noħorġu minn dan l-isqaq ekonomiku li dħalna fih, illum qabel għada, u dan għaliex pajjiżna u l-ekonomija tagħna ma' tiflaħx aktar tumakki u daqqiet jekk irridu nibqgħu ngawdu dak li ksibna s'issa. Ser inkunu qiegħdin nibnu programm ta' ħidma li huwa intiż biex iġib flimkien l-aqwa mħuħ u l-aktar persuni rispettati f 'dan il-qasam sabiex inkunu nistgħu nfasslu t-triq 'il quddiem. Triq li ser tkun iggwidata mill-qofol tal-politika tagħna li huwa l-ġid komuni. Huwa f 'mumenti bħal dawn fejn dak li verament nemmnu fih irid jiġi espost. Nistgħu nkunu popolisti, nilgħabu għall- gallarija jew nagħmlu PR stunts li jrebbħu l-voti iżda jtellfu l-valur tal-Partit Nazzjonalista. U għalhekk mhux ser nagħżlu dik ir-rotta. Mill-banda l-oħra t-triq li nagħżlu aħna hija dik li twarrab il-pika u tibni fuq il- kompetenza li kapaċi terġa ttina l-kredenzjali biex pajjiżna mhux biss jitneħħa mill-lista l-griża iżda jerġa jsib postu fost l-aktar ġurisdizzjonijiet rispettati madwar id-dinja. Finalment, ma' ssirx l-aqwa fid-dinja bil-kliem fuq dokumenti mimlija ritratti iżda billi tibni ekonomija fuq pedamenti sodi u qatt u qatt ma' tagħmel xejn biex therrihom jew tippreġudikhom. Dan huwa dak li ser jagħmel Gvern Nazzjonalista ġdid immexxi minn Bernard Grech bħala Prim Ministru.