Issue link: https://maltatoday.uberflip.com/i/1387607
03 illum • IL-ĦADD 27 TA' ĠUNJU 2021 aħbarijiet 'Wara xhur ta' tbatijiet din kienet imbuttatura kbira għall-moral tal-lukandiera' ALBERT GAUCI CUNNINGHAM Il-lukandiera Maltin esperjenzaw splużjoni fil-bookings minn turisti Ingliżi hekk kif pajjiżna tpoġġa fuq il-Lista l-Ħadra tar-Renju Unit, bl-uniku kompetituri fil-Mediterran ikunu l-Gżejjer Baleriċi hekk kif l-Italja, Franza, Spanja u l-Greċja baqgħu barra minn din il-lista. Din il-qabża kbira fil-bookings fi it sigħat biss kienet ikkonfermata mal-gazzetta ILLUM mill-Kap Eżekuttiv tal-Assoċjazzjoni tal-Lukandi u Ristoranti Andrew Agius Muscat li sostna wkoll illi dawn il-jumejn kienu imbuttatura kbira u tant meħtieġa għall-moral ta' eluf li jaħdmu f 'dan il-qasam ekonomiku hekk kbir. "Il-bookings deħlin u deħlin sew - b'numri sostanzjali ħafna," sostna Agius Muscat illi qal li t-tkabbir fin-nurmi huwa lilhinn minn dak li kienu qed jesperjenzaw fl-aħħar jiem. Huwa qal ukoll li ż-żieda fil-bookings mit- turisti Ingliżi kienet waħda f 'kull settur ta' lukandi. "Wara ħafna xhur ta' tbatijiet din kienet imbuttatura kbira fil-moral. Wara li rċevejna l-aħbar li tpoġġejna fuq din il-lista - li nħoss li kienet xi ħaġa mistħoqqa - bdejna issa nħarsu lejn staġun li jkun tajjeb ukoll." Huwa fakkar illi dak Ingliż jibqa' l-akbar suq turistiku għal pajjiżna u "għalkemm ħdimna biex ma nkunux dipendenti u nfethu swieq oħra - u allahares ma kienx hekk għax kieku konna inbatu ħafna iktar - is-suq Ingliż xorta jibqa' importanti ħafna." Ilbieraħ ukoll Iċ-Chief Commercial Officer tal-Air Malta Roy Kinnear qal illi l-linja tal- ajru irċeviet aktar minn 1,000 booking f 'jum wieħed għat-titjira minn Londra sa Malta, anke it qabel il-Gvern Ingliż ħabbar il-lista b'mod uffiċjali. F'kummenti mas-sit timesofmalta.com huwa qal li mijiet ta' bookings kienu għal Lulju, li jibda fi it jiem oħra. Agius Muscat fakkar illi bħalissa qed ngħixu żminijet diffiċli u għalhekk l-assoċjazzjoni qed titlob għall-kawtela, fl-istess ħin iżda li awgura li l-affarijiet jibqgħu sejrin kif inhuma sabiex b'hekk ikomplu jitneħħew protokolli relatati mal-Covid-19. Huwa qal, għall-mistoqsija ta' din il- gazzetta, illi minkejja andament tajjeb ta' bookings l-industrija ma tistax għalissa tesperjenza l-istess staġun li esperjenza fl- 2019 illi jfakkar illi kienet sena rekord assolut. "Bħalissa qisna erġajna bdejna mill-bidu," temm jgħid Agius Muscat. B'hekk ir-Renju Unit din il-ġimgħa segwa l-passi tal-Ġermanja u l-Olanda, li t-tnejn neħħew lil pajjiżna mil-lista ta' pajjiżi b'riskju għoli ta' Covid-19. Ara wkoll paġna 2