Issue link: https://maltatoday.uberflip.com/i/1497807
18 sport IL-ĦADD 23 TA' APRIL 2023 • illum Tmien klabbs lokali jingħataw il- liċenzja tal-UEFA Tmien klabbs Maltin ingħataw il-liċenzja tal-UEFA li tippertmettielhom jikkompetu fil-kompetizzjonijiet Ewropej. Seba' klabbs minnhom huma tal-Kampjonat BOV Premier. Dawn huma Balzan, Birkirkara, Gżira Utd, Hamrun Spartans, Hibernians, Marsaxlokk u Mosta. Il-klabb l-ieħor hu dak tan- nisa ta' Birkirkara. Is-sistema tal-liċenzjar tal- klabbs biex jikkompetu fil- kompetizzjonijiet tal-UEFA daħlet fis-seħħ fl-2004. Illum, din is-sistema hija parti mis-sistema ta' diversi assoċjazzjonijiet tal- futbol madwar l-Ewropa. Fl-aħħar snin, sar diversi tibdil fil-futbol Malti u l-klabbs lokali segwew ir-regolamenti kollha. Mashike u Torres jirbħu l-unur tal-Plejer tax- Xahar ta' Frar Elvis Mashike ta' Hamrun Spartans u Angel Yesid Torres Quinones huma r-rebbieħa tal-unur tal-BOV Plejer tax- Xahar ta' Frar. Mashike sab ix-xibka darbtejn kontra Valletta matul ix-xahar ta' Frar. L-attakkant mir- Repubblika tal-Kongo skorja l-gowl importanti ħafna fir- rebħa ta' 1-0 ta' Ħamrun fuq Valletta fil-Kampjonat BOV Premier u skorja wkoll fit-tieni rebħa fuq Valletta fl-istess xahar bl-iskor ta' 2-1 fl-FA Trophy. Torres kien il-protagonista fir-rebħa ta' 3-1 ta' Balzan fuq Sirens, fejn skorja l-ewwel u t-tielet gowls tat-tim tiegħu u pprovda l-assist lil Kaljevic għat-tieni gowl ta' Balzan. Il-winger Kolombjan skorja ukoll fir-rebħa ta' 3-2 tat-tim tiegħu fuq Pieta fejn għeleb diversi avversarji qabel ma tefa' l-ballun fil-lasta. Ftit jiem għall-bidu tal- Kampjonati Ewropej ORC Fadal it jiem min meta madwar 40 dgħajsa, li jirrappreżentaw 12-il pajjiż, se jibdew l-ewwel tellieqa tal- Kampjonati Ewropej ORC, imtella'mir-Royal Malta Yacht Club u Yachting Malta, taħt l-awtorità tal- Offshore Racing Congress (ORC), u il-Malta Sailing Federation. L-ewwel tellieqa fil- programm se tkun tellieqa offshore, maħsuba li ddum bejn 30 u 36 siegħa bi tmiem tagħha li mistenni l-Ħamis 27 ta' April. It-tlielaq li jifdal fil-kampjonat ikunu minn ħdejn il-kosta u l-Ġimgħa u s-Sibt, 28 u 29 ta' April. Tellieqa qasira Offshore ta' bejn 10 u 12-il siegħa ssir il- Ħadd 30 ta' April, u l-ġurnata finali tat-tlielaq issir ħdejn il- kosta, it-Tnejn l-1 ta' Mejju segwita miċ-Ċerimonja tal- Għoti tal-Premjijiet. Ir-rebbieħa, li jiġu determinati mill-iskor fi tliet klassijiet – ORC A, ORC B, u ORC C – se jiġu inkurunati 2023 ORC Champions Ewropej, u t-timijiet dilettanti se jkunu rikonoxxuti wkoll bit-trofej tad-diviżjoni Corinthian. Il-Kampjonati Ewropej ORC tal-2023 għandhom l-appoġġ tal-Kunsill Lokali Ta' Xbiex, u l-Kunsill Reġjonali tal-Lvant bħala parti mill-attivitajiet tiegħu għar-Reġjun Ewropew tal-Isport tal-2023. Esperjenza unika fil-Ġappun għall-judokas li jattendu l-Iskola Nazzjonali tal-Isport Tliet studenti tal-Judo li jattendu l-Iskola Nazzjonali tal-Isport jinsabu fil-Ġappun jitħarrġu ma' wħud mill-aqwa atleti żgħar f 'dan l-isport, f 'Heisei International University f 'Saitama viċin Tokyo. L-Iskola Nazzjonali tal-Isport, taħt it-tmexxija ta' Robert Magro, qed tkun proattivà fil-kampijiet ta' taħriġ barra mill-pajjiż. Dan kien l-ewwel kamp barra mill-Ewropa u proprju fil-pajjiż minn fejn oriġina l-isport tal- Judo. Fil-Ġappun, l-arti marzjali hi dixxiplina fejn it-tfal kollha jibdew jesperjenzawha minn età żgħira fl-iskejjel kollha u għalhekk jibqa' sport b'saħħtu f 'dan il-pajjiż. Intant, dawn it-tliet judokas kellhom opportunità jitħarrġu wkoll fil-Kodokan f 'Tokyo minn fejn kien beda dan l-isport. L-istudenti żaru wkoll diversi skejjel tal-Judo u kellhom iċ-ċans ukoll li jitħarrġu ma' atleti ta' livell mondjali. It-tim kellu ċ-ċans iżur l-Ambaxxatur għal Malta fil- Ġappun, Andre Spiteri. L-iskola Nazzjonali tal-Isport qeda f 'taħdidiet mal-Università ta' Heisei sabiex ir-relazzjoni tibqa' attiva' fil-futur. Isir ir-raba' rawnd tal-kampjonat tal-karting Bejn ilbieraħ u llum qed isir ir-raba' rawnd tal-Kampjonat Nazzjonali tal-karting. Il-kampjonat qed isir fit-trakka La Reve, f 'Ħal Far u qed ikun organizzat mill-Island Karting Club u Karting Club Malta. Il-kompetizzjonijiet tal-bieraħ kienu ddedikati għall-klassijiet riservati għall-iżgħar sewwieqa. Dawn huma Entry Level, Mini 60cc, Rotax Mini, Iame Mini X30 u Iame X30 Junior. Illum jiddebuttaw Is-sewwieqa fil- klassijiet Iame X30 Masters, klassi Rotax Max, Iame X30 Senior, Vortex RokGP Senior, u Vortex RokGP Masters.