Issue link: https://maltatoday.uberflip.com/i/1531842
analiżi illum • IL-ĦADD 26 TA' JANNAR 2025 05 Elon Musk, protesti, ċelebrazzjonijiet u ordnijiet diviżivi: It-Tieni inawgurazzjoni ta' Trump Espressjoni ta' Interess PARTEĊIPAZZJONI GĦALL-ISKEMA TAS-SERVIZZI OFFRUTI MINN GYMS GĦALL-GĦAJNUNA FINANZJARJA GĦAŻ-ŻGĦAŻAGĦ. Il-Ministeru għall-Edukazzjoni, Sport, Żgħażagħ, Riċerka, u Innovazzjoni huwa impenjat biex jippromwovi stil ta' ħajja aktar sana fost iż-żgħażagħ f'Malta u Għawdex fejn għaraf il-ħtieġa li jinkoraġġixxi l-attività fiżika u għalhekk il- Ministeru żviluppa Sistema ta' Appoġġ Finanzjarju għaż-Żgħażagħ. Din l-inizjattiva hija valida għal dawk iż-żgħażagħ imwielda bejn l-2005 u l-2007, billi toffrilhom sitt xhur ta' abbonament b'xejn li jissarfu f'sitt xhur sħubija f'gyms. Is-sistema hija allinjata mal-prijoritajiet nazzjonali għallpromozzjoni tas-saħħa u l-iżvilupp taż-żgħażagħ, u għandha l-għan li toħloq kultura ta' għarfien dwar is-saħħa fost iż-żgħażagħ. Applika fuq: edukazzjoni.gov.mt L-applikazzjonijiet għandhom jaslu sa mhux aktar tard mill-21 ta' Frar 2025. MARIANNA CALLEJA Fl-20 ta' Jannar 2025, Donald J. Trump ġie inawgurat għat-tieni mandat bħala s-47 President tal- Istati Uniti. Dan l-avveniment storiku qajjem kontroversja, eċitament, u tensjoni madwar id-dinja. Jekk qed tħossok mitluf dwar dak li ġara u xi jfisser dan kollu, din hi gwida sempliċi biex iġġibek aġġornat. DISKORS FIL-CAPITOL, WAQT LI PROTESTI JFAQQGĦU MADWAR IL-PAJJIŻ Trump għamel id-diskors tiegħu fuq it-taraġ tal-Capitol quddiem folla ta' partitarji, filwaqt li l-avversarji għamlu protesti fi bliet ewlenin. Id-diskors tiegħu elenka d-diskors tas-soltu fuq id-duttrina tal-"Amerka l-Ewwel" u enfasizza s-sovranità nazzjonali, il-qawmien mill-ġdid ekonomiku, u li "jbattal l-iswamp" darba għal dejjem. Din l-inawgurazzjoni, b'differenza mill-ewwel tiegħu fl-2017, kienet ikkaratterizzata minn klima politika diviżiva. Iċ-ċerimonja kienet tinkludi wirjiet minn artisti ta' profil għoli li pubblikament approvaw il-politiki ta' Trump, filwaqt li oħrajn ibbojkottjaw l-avveniment fuq il-midja soċjali, avvenimenti speċjali, u intervisti. Il-miżuri ta' sigurtà kienu bla preċedent, speċjalment wara l-biża' li qamet meta tħabbar isem Trump bħala president fi tmiem ta' elezzjoni taħraq. L-avveniment segwa protokolli tradizzjonali iżda kien ikkaratterizzat minn tensjonijiet kbar u reazzjonijiet polarizzati. Id- diskors ta' Trump pinġa stampa trijonfanti tal-politika tiegħu u wiegħed li jagħti prijorità "l-irġiel u n-nisa minsija" tal-Amerika. Filwaqt li l-partitarji ta' Trump iċċelebraw b'rallies madwar il-pajjiż, żbrufaw ukoll protesti, anke min- nies u kumpaniji li normalment mhux tant jipparteċipaw, inkluż il-kumpanija tal-ġelat, Ben and Jerry's. IL-KONTROVERSJA TA' ELON MUSK F'Diċembru 2024, Elon Musk affaċċja kritika sinifikanti għar- rwol tiegħu li jopponi abbozz ta' liġi dwar l-infiq tal-kungress. L-abbozz oriġinali kellu l-għan li jippreveni l-għeluq tal-Gvern imma kien jinkludi wkoll il-finanzjament ta' diversi programmi, bħall-Istitut Nazzjonali tas-Saħħa Gabriella Miller Kids First Research Programme, li jappoġġja r-riċerka tal-kanċer pedjatriku. Musk uża l-pjattaforma tal-midja soċjali tiegħu biex jiddenunzja l-abbozz, u jsejjaħlu "kriminali" u "terribbli" filwaqt li ħeġġeġ lil- leġiżlaturi biex jivvotaw kontra. Wara l-oppożizzjoni pubblika tiegħu, l-abbozz naqas milli jgħaddi fil-Kamra tad-Deputati. Ġiet introdotta verżjoni sussegwenti iżda li eskludiet il-finanzjament tar- riċerka tal-kanċer pedjatriku. Din is-sekwenza ta' avvenimenti wasslet għal kritika mifruxa, b'ħafna jakkużaw lil Musk li jinfluwenza t-tneħħija ta' fondi kruċjali għal tfal vulnerabbli. Filwaqt li l-qiegħa kienet sħuna, Musk sab ruħu f 'basla oħra. Wieħed mill-aktar inċidenti li tkellmu fuqu waqt l-inawgurazzjoni jinvolvi lil Musk, li deher jagħmel dak li ħafna interpretaw bħala salut Nazista waqt mument off-camera. Musk, issa figura politika prominenti grazzi għall-irwol tiegħu bħala sostenitur prinċipali ta' Trump, sostna li l-ġest kien "interpretat kompletament ħażin" u meħud barra mill-kuntest. Minkejja l-ispjegazzjoni tiegħu, il- kontroversja ddominat l-aħbarijiet u l-midja soċjali, u tefgħet dell ikrah fuq iċ-ċelebrazzjonijiet inawgurali. TRUMP JIFFIRMA 20 ORDNI EŻEKUTTIVA F'JUM L-INAWGURAZZJONI Bħala president, Trump għandu l-awtorità li joħroġ ordnijiet eżekuttivi – għodod legali li jippermettu lil president jistabbilixxi jew ibiddel politiki mingħajr l-approvazzjoni tal- Kungress. Magħruf għall-approċċ deċiżiv u orjentat lejn in-negozju tiegħu, Trump ma tilef l-ebda ħin biex juża din is-setgħa. Ġranet biss wara t-tieni mandat tiegħu, Trump beda jiffirma sensiela ta' ordnijiet eżekuttivi bil-għan li jwettaq il-wegħdiet tal-kampanja tiegħu. Hawn huma wħud mill- aktar ordnijiet kontroversjali: 1. Projbizzjoni federali tal-abort: Deċiżjoni minnhom ta' Trump kienet li jiffirma ordni li timplimenta projbizzjoni fuq l-abort fuq livell nazzjonali wara 12-il ġimgħa, b'eċċezzjonijiet limitati. Dan qanqal dibattiti u protesti ħarxa, bi sfidi legali diġà għaddejjin. 2. Espansjoni tas-sigurtà mal-fruntiera: Trump irdoppja l-impenn tiegħu għas-sigurtà tal-fruntieri, u ħareġ ordni biex jespandi l-ħajt tal-fruntiera bejn l-Istati Uniti u l-Messiku u jimplimenta teknoloġiji ta' sorveljanza avvanzati. Il- finanzjament għal dan il-proġett sar kwistjoni ikkontestata ħafna fil- Kungress. 3. Regolament nazzjonali tal-Cryptocurrency: Biż-żieda tal-muniti kripto matul l-ewwel mandat tiegħu barra mill-kariga, l-amministrazzjoni ta' Trump għafset regolamenti kbar biex tikkontrolla l-muniti diġitali, u qajmet tħassib dwar is-sigurtà nazzjonali. Il-kritiċi jargumentaw li din il-mossa toħnoq l-innovazzjoni u l-indħil żejjed fis-sistemi finanzjarji privati. 4. Rivitalizzazzjoni militari: Trump awtorizza żidiet sinifikanti fl-infiq militari, bi pjanijiet biex jimmodernizza l-armament nukleari u jespandi l-forza spazjali. Filwaqt li l-partitarji faħħru dan bħala spinta lis-sigurtà nazzjonali, il-kritiċi qajmu tħassib dwar it- tensjoni globali li qiegħda dejjem tiżdied. Dawn l-ordnijiet eżekuttivi u l-istil ta' tmexxija ta' Trump qajmu kritika minn avversarji politiċi u gruppi tad-drittijiet ċivili. Fl-istess ħin, taw enerġija lill-bażi tiegħu, li issa jqisuh bħala figura trasformattiva li tiġġieled kontra l-establishment. Ħafna minn dawn il-miżuri mistennija jaffaċċjaw battalji legali u politiċi, li jagħtu t-ton għal mandat ieħor ta' turbulenza. Elon Musk