Issue link: https://maltatoday.uberflip.com/i/1543289
03 aħbarijiet illum • IL-ĦADD 15 TA' FRAR 2026 Junkermann tinsisti li Epstein kien "qarraq" biha Jannar bi rjiħat u temp abnormali IKOMPLI MINN PAĠNA 1 Il-fajls fuq Epstein juru wkoll li meta darba mar Pariġi fl-2012, Junkermann użat kumpanija tal- ajru bbażata f 'Malta – Luxwing – biex torganizza titjiriet sabiex tiltaqa' miegħu. Skont rapporti fil-midja internazzjonali, Junkermann u Epstein kienu ilhom jafu lil xulxin għal aktar minn 20 sena u bagħtu mijiet ta' emails lil xulxin. L-ewwel rekord ta' interazzjoni fil-fajls maħruġa mid-Dipartiment tal-Ġustizzja huwa minn Mejju 2009. F'dak iż-żmien, Epstein kien qed jiskonta sentenza fil-ħabs għal akkwist u traffikar ta' minuri għall-prostituzzjoni. Xahrejn wara, inħeles u temm is-sentenza tiegħu taħt arrest fid-dar tiegħu. Ir-rekords juru li Junkermann, li hija bbażata Londra, użat ir- relazzjonijiet tagħha ma' Epstein biex tavvanza l-karriera tagħha. Permezz ta' Epstein, iltaqgħet ma' figuri prominenti – inkluża l-bankiera Franċiża Ariane de Rothschild u Leon Black, il- biljunarju tal-private equity – u anke ġiet nominata għall- programm Young Global Leaders immexxi mill-World Economic Forum. "Mr Wonderful" Email mibgħut fl-10 ta' Ġunju 2010 għandu s-suġġett "Se jkollok tarbija miegħi?", u fit- test jgħid "Fejn hu l-aħjar post biex nagħmlu dan?" Għalkemm l-isem tar-riċevitur ġie mħassar f 'dan il-messaġġ, l-istess email ġie mgħoddi minn Junkermann lil Epstein fil-15 ta' Ġunju, 2010 kif juru d-dokumenti. Fl-2011 hija sejħitlu "Daddy" u staqsietu dwar kif jista' jsir hedging finanzjarju kontra l-ewro. F'Novembru 2013, f 'email li Junkermann bagħtet lil Epstein, qaltlu, "Inti ġġegħlni nitbissem, inti f 'qalbi :)". U f 'email ieħor, irreferiet għal Epstein bħala "Mr Wonderful". F'risposta għal ittra miktuba mill-avukati ta' Epstein fl-2019, Junkermann qalet, "Nittamaw li tkun biss mewġa, u terġa' tgħaddi ... ħin ħażin għall-kwistjoni kollha Me Too." Huwa importanti li jiġi nnutat li inklużjoni fil-fajls ta' Epstein ma timplikax ħażen jew reat. Il-komunikazzjoni bejn Junkermann u Epstein kompliet għal żmien twil wara l-ewwel kundanna ta' Epstein fl-2008 u baqgħet għaddejja sal-2019, is- sena tal-mewt tiegħu. F'Jannar 2014, Epstein talab lil Junkermann biex tgħinu jsib impjegati u offrielha xogħol, għalkemm m'hemm xejn li jissuġġerixxi li Junkermann aċċettat din l-offerta. F'email, Epstein kiteb: "Pariġi fid- 29, ġej biex nintervista xi nies għal kap tal-istaff. Nittama li narak. Ma tafx xi tfajla fl-għoxrinijiet tagħha minn familja tajba, ta' fiduċja, li titkellem aktar minn lingwa waħda?" F'korrispondenza oħra, Junkermann fakkret lil Epstein fuq numru ta' rigali li kienet xtratlu, inkluż bathrobe tal-cashmere u ġojjellerija. Lil Junkermann, Epstein kien jagħtiha wkoll pariri fuq investimenti, inkluż investiment f 'Carbyne, kumpanija teknoloġika Iżraeljana appoġġata mill-Eks Prim Ministru Ehud Barak. Epstein u Malta Epstein ukoll jidher li kien interessat f 'Malta. Emails mill-2014 juru lil Epstein jiddiskuti vjaġġi lejn Malta waqt li kien qed jirriċerka l-qafas tat-taxxa tal-pajjiż u jorganizza laqgħat ma' avukati u awdituri Maltin. Il- korrispondenza tissuġġerixxi li Malta kienet qed tiġi kkunsidrata bħala parti minn strateġija finanzjarja u ta' strutturar usa', aktar milli sempliċement destinazzjoni tal-ivvjaġġar. F'dak iż-żmien, Malta kienet qed tippożizzjona ruħha bħala ġurisdizzjoni finanzjarja flessibbli, partikolarment f 'setturi emerġenti bħall-cryptocurrency u t-teknoloġija finanzjarja. F'wieħed mill-iskambji, Epstein semma "bitcoin gurus" li kienu se jkunu Malta waqt żjara ppjanata għal Awwissu 2014. Dan seħħ qabel Malta adottat it-tikketta ta' "Blockchain Island". "Orribbli" Wara li ġew ippubblikati l-fajls, kelliem għal Nicole Junkermann sostna li Epstein kien "qarraq" biha, u li hi kienet "manipulata biex tafdah", waqt li sejjaħ ir-reati ta' Epstein "orribbli". Il-kelliem qal: "L-iskala tar- reati ta' Jeffrey Epstein hija tal- biża'. Bħala mara u omm, Nicole kienet kompletament imqarrqa minnu u jiddispjaċiha ferm dwar il-konverżazzjonijiet tagħhom rigward kwistjonijiet personali u professjonali. Nicole kienet kompletament ixxukkjata meta fehmet in-natura vera tiegħu u t-tbatija li kkawża lin-nisa u t-tfajliet permezz tal-abbuż tal- fiduċja, il-poter u l-manipulazzjoni. Il-ħsibijiet tagħha llum huma kompletament mal-vittmi tiegħu, u tħares 'il quddiem għall-jum meta l-veri predaturi jiffaċċjaw il- ġustizzja." "Daddy": Junkermann kellha kunfidenza kbira ma' Jeffrey Epstein ILENIA DEBONO L-Uffiċju Meteoroloġiku tal- Ajruport Internazzjonali ta' Malta qal li x-xitwa s'issa, b'mod partikolari Jannar ta' din is-sena, ma kinitx skont in-norma klimatika ta' Malta. Kelliem għall-Uffiċċu Meteoroloġiku qal lil din il- gazzetta li n-norma klimatika tax-xitwa Maltija hija bbażata fuq l-informazzjoni tat-temp tal-aħħar 30 sena (mill-1991 sal-2020). In-norma tax-xita għal Jannar hija 79.3mm u n-norma tar-riħ għall-istess xahar hija 8.9 knots. Filwaqt li f 'Jannar ta' din is-sena rajna 112.4mm ta' xita u 12.6 knots ta' riħ. L-aktar buffura b'saħħitha ta' riħ F'Jannar kienet 53.3 knots, meta n-norma tal- buffura f 'Jannar hija 42.5 knots. Dan kien riżultat tal- maltempata Harry li laqtet lill- gżejjer Maltin f 'Jannar. Ir-riħ waqt din il-maltempata laħaq Forza 9 fuq l-iskala Beaufort, b'veloċità medja li tvarja bejn 34 u 40 knots. It-temp ħażin kien ikkawżat minn żona ta' pressjoni baxxa li qed tissaħħaħ fuq l-Alġerija u estendiet lejn iċ-ċentru tal-Mediterran u ssaħħet hekk kif timxi fuq it- Tuneżija. Fl-istess ħin, żona qawwija ta' pressjoni għolja tinsab fuq il-Balkani. Frar fawwar jimla l-bjar jgħid il-Malti. Madankollu r-riħ ħa post ix-xita hekk kif Frar s'issa kien ikkaratterizzat minn irjiħat qawwija b'ħafna spekulazzjonijiet ta' maltempata oħra li se tolqot lill-gżejjer Maltin. Il-kelliem spjega li dan ir-riħ u anke l-ħalbiet tax-xita li ra Frar kienu riżultat ta' numru ta' sistemi ta' pressjoni baxxa li resqu mill-Atlantiku lejn l-Ewropa. "Huwa komuni ħafna li f 'dan iż-żmien tax-xitwa jkollok diversi sistemi ta' pressjoni baxxa li jimxu minn fuq l-Atlantiku lejn l-Ewropa u jħallu impatt fuq iċ-Ċentru tal- Mediterran. Dawn magħhom iġibu temp instabbli, ħalbiet tax-xita u normalment anke riħ qawwi," hu spjega. Ħafna mill-entużjasti tal- Karnival bdew jibżgħu li l-avveniment tant mistenni se jkun imtappan mill-ħalbiet tax-xita. L-uffiċċju bassar li llum il-Ħadd 15 ta' Frar se jkun hemm riħ qawwi mill- Punent il-Lbiċ li mbagħad jiġi mill-Punent Majjistru b'temp imsaħħab u ċans ta' ħalbiet iżolati waranofsinhar. It-tbassir għall-Karnival jgħid li għada t-Tnejn, 16 ta' Frar, ir- riħ għandu jibqa' ftit qawwi għall-qawwi mill-Punent il- Lbiċ u jdur mill-Punent b'temp imsaħħab b'iżjed riħ mill- Punent Majjistru nhar it-Tlieta 17 ta' Frar li jdur mill-Majjistral waqt li t-temp jibqa' msaħħab. Riħ u baħar qawwija kkawżaw ħsarat estensivi f 'Marsalforn dil-ġimgħa