Issue link: https://maltatoday.uberflip.com/i/1544605
intervista IL-ĦADD 26 T'APRIL 2026 • illum 06 Għal min ma jafekx, min hu John Grech? Karkariż ta' 37 sena, gradwat fix-Xjenza Politika u l-Governanza mill-Università ta' Malta. Illum inservi bħala Segretarju Inter- nazzjonali tal-Partit Laburista u Chairperson tal-Kumitat tal-Med- iterran fi ħdan is-Socialist Interna- tional. Tul is-snin servejt f 'diversi rwoli, fosthom fl-Uffiċċju tal-Prim Ministru, bħala Kap tas-Segretar- jat fil-Ministeru għat-Trasport u l-Infrastruttura, u bħala Advisor lill-Ministru għall-Ekonomija. Bħala Segretarju Internazzjonali tal-Partit Laburista, inti parti mit- tmexxija tal-partit. Fl-aħħar erba' snin, il-gvern Laburista kellu jaffaċċja numru ta' sfidi, skandli u intoppi. X'tgħallem il-partit? U x'tgħallimt int personalment minn din l-esperjenza? Matul dawn l-aħħar erba' snin, il-Partit Laburista għadda minn perjodu intens li fih kellu jaffaċċja kemm riflessjoni interna kif ukoll pressjonijiet esterni. Minn din l-es- perjenza, il-partit tgħallem li l-gov- ernanza tajba trid tkun ibbażata fuq trasparenza, responsabbiltà u kapaċità li tisma' aktar lill-poplu. Tgħallimna wkoll li, f 'mumenti dif- fiċli, hemm bżonn ta' iktar umiltà u riflessjoni biex jittieħdu deċiżjoni- jiet aħjar u jiġu evitati żbalji simili fil-futur. Saret ċara għalija li t-tmexxija mhijiex biss dwar suċċessi jew rebħ fuq partit jew individwu kif qed ipinġiha l-Kap tal-Oppożizzjoni, iżda wkoll dwar kif tirreaġixxi u titgħallem mill-isfidi. Inti kandidat prospettiv għall-elezzjoni ġenerali. Fuq liema distretti se tikkontesta? Xi tħoss li huma l-ikbar sfidi li qed jaffaċċjaw in-nies f'dawn id-distretti u xi tħoss li tista' tagħmel int biex ittaffi t-tħassib tan-nies? Għall-elezzjoni ġenerali li jmiss se nkun qed nikkontesta fuq id-distretti 1 u 8, żewġ distretti li, minkejja li huma differenti be- jniethom, għandhom realtà soċjali u ekonomika li teħtieġ attenzjoni kontinwa u impenn serju. Fl-ewwel distrett, li jinklu- di lokalitajiet urbani b'densità għolja, waħda mill-ikbar sfidi hija l-kwalità tal-ħajja, partikolarment il-kwistjoni tat-traffiku, il-ħar- sien tal-ambjent urban u l-aċċess għal spazji miuħa. Hemm ukoll tħassib relatat mal-ispiża tal-ħajja u l-bżonn li nkomplu nsaħħu s-servizzi fil-komunità. Min-naħa l-oħra, fit-tmien distrett naraw re- altà aktar mifruxa li tinkludi wkoll żoni li qed jikbru b'rata mgħaġġla. Hawnhekk, sfidi ewlenin jinkludu l-infrastruttura, il-konnettività u l-ħtieġa li jinżamm bilanċ bejn l-iżvilupp u l-ħarsien tal-ambjent u l-identità tal-lokalitajiet. Jiena nemmen li nista' nagħti kontribut billi nkun vuċi attiva u qrib tan-nies f 'dawn iż-żewġ distretti. Se naħdem biex inwassal it-tħassib tagħhom fejn jittieħdu d-deċiżjonijiet, u nimbotta għal soluzzjonijiet konkreti li jtejbu l-kwalità tal-ħajja – kemm permezz ta' investiment aħjar fl-infrastruttu- ra, kif ukoll billi nsaħħu s-servizzi u nippromovu żvilupp sostenibbli li verament jaqdi l-bżonnijiet tan- nies. X'inhu li jiddistingwik minn kandidati oħrajn? Dak li jiddistingwini minn kandidati oħrajn huwa l-mod kif nersaq lejn il-politika, b'impenn sinċier li nisma', niem u naġixxi. Nemmen li rappreżentanza vera tfisser li tkun qrib in-nies, mhux biss fi żmien l-elezzjoni iżda kontinwament, u li tieħu deċiż- jonijiet ibbażati fuq dak li vera- ment jaffettwa l-ħajja tagħhom ta' kuljum. Inġib eżempju bil-ħidma bħala Segretarju Internazzjonali, fejn id-delegati għamluha ċara li jixtiequ jaraw lill-Partit Laburista lura bħala membru mas-Socialist International u llum mhux biss membri, iżda protagonisti ewlenin fejn ospitajna l-aħħar Kunsill u ġejt maħtur minn Pedro Sanchez bħala membru tal-Presidium tal-SI. Inġib miegħi wkoll esperjenza li tgħaqqad perspettiva lokali ma' waħda internazzjonali, li tgħinni nara sfidi b'mod aktar wiesa' u nsib soluzzjonijiet aktar sostenibbli. Fl-istess ħin, nipprova naħdem b'approċċ ibbażat fuq djalogu u kollaborazzjoni, għax nemmen li l-aħjar riżultati jintlaħqu meta naħdmu flimkien. Fuq kollox, jiddistingwini s-sens qawwi ta' responsabbiltà u integrità li ma nħarisx biss lejn il-politika bħala karriera, iżda bħala servizz lejn in-nies u lejn il-pajjiż. Malta gżira fil-Mediterran spiss tkun id-destinazzjoni għall-immigrazzjoni irregolari. Taħseb għandna nagħlqu l-fruntieri, jew nilqgħu lil kull min jiġi? Il-kwistjoni tal-immigrazzjoni irregolari mhijiex waħda li tista' tissolva b'pożizzjonijiet estremi bħal "nagħlqu l-fruntieri komple- tament" jew "nilqgħu lil kulħadd bla kontroll". Bħala pajjiż żgħir fil-Mediterran, Malta għandha kemm obbligi umanitarji kif ukoll limitazzjonijiet reali li rridu nir- rikonoxxu. Nemmen f 'approċċ bilanċjat u responsabbli. Dan ifisser li nkom- plu nsalvaw il-ħajjiet ta' persuni fil-periklu, għax dan huwa dmir uman bażiku, iżda fl-istess ħin naħdmu biex ikun hemm siste- ma ġusta u effettiva ta' kontroll u proċessar tal-applikazzjonijiet għall-ażil. Importanti wkoll li Malta ma tibqax waħedha f 'dan, hemm bżonn solidarjetà konkreta mill- pajjiżi l-oħra tal-Unjoni Ewropea biex ir-responsabbiltà titqassam b'mod ġust. Fl-istess ħin, irridu nindirizzaw il-kawżi fundamentali tal-migrazz- joni u nsaħħu l-koperazzjoni ma' pajjiżi ta' oriġini u tranżitu. L-għan għandu jkun li nsibu bilanċ bejn is-sigurtà, ir-rispett lejn il-liġi u d-dinjità tal-bniedem. Din mhijiex kwistjoni ta' għażliet faċli, iżda ta' deċiżjonijiet serji u sostenibbli fit-tul. Taħseb li l-Amerka u Iżrael kellhom dritt u raġun jattakkaw lill-Iran? U Iżrael għandu dritt ikompli jattakka lil-Libanu u l-Palestina? Naħseb li kull pajjiż għandu jirrispetta l-liġi internazzjonali u li nkomplu naħdmu lejn deeskala- zzjoni u l-paċi f 'mument sensittiv fejn qed jintilfu eluf ta' ħajjiet. Bħa- la Soċjalist, Laburist u, fuq kollox, bħala bniedem, qatt ma qbilt ma' ebda tip ta' attakk militari u mal- qtil ta' innoċenti, u lanqas ma naq- bel ma' theddid ta' qerda fuq popli, kemm minn stati kif ukoll minn organizzazzjonijiet terroristiċi. Meta nħarsu lejn il-gwerra fil-Lvant Nofsani, ma nistgħux naffordjaw inkunu simplistiċi fil-politika tagħna; hemm bżonn li tittieħed stampa ċara u pragmatika tas-sitwazzjoni. Il-popli ta' Iżrael, il-Palestina, il-Libanu, l-Iran u kull pajjiż ieħor għandhom id-dritt jeżistu u jgħixu fl-istat tagħhom, fis-sigurtà u fil-paċi. X'inhi l-pożizzjoni tiegħek fuq dawn: Kostruzzjoni vs spazji ħodor Nemmen li rridu nsibu bilanċ sostenibbli serju bejn l-iżvilupp u l-ħarsien tal-ambjent. L-iżvilupp huwa importanti għall-ekonomija, iżda ma jistax jibqa' jsir bla kontroll u bla ppjanar fit-tul. Hemm bżonn aktar protezzjoni u investiment fi spazji ħodor u miuħa, għax dawn huma essenzjali għall-kwalità tal- ħajja u s-saħħa tan-nies. Għalhekk nappoġġja żvilupp aktar sostenib- bli, riġenerazzjoni urbana flok espansjoni bla bżonn, u infurzar aktar b'saħħtu tar-regoli. Immigrazzjoni u over-population Din hija sfida kumplessa li trid approċċ bilanċjat. Malta għandha limitazzjonijiet ċari minħabba d-daqs tagħha, u għalhekk hemm bżonn ippjanar aħjar tal-popo- lazzjoni u s-servizzi. Fl-istess ħin, irridu nibqgħu nirrispettaw l-ob- bligi umanitarji tagħna. Nemmen li hemm bżonn aktar solidarjetà Ewropea, kif ukoll politika li tiżgu- ra integrazzjoni effettiva għal min jibqa' f 'pajjiżna, filwaqt li jiġu indi- rizzati wkoll l-abbużi tas-sistema. Traffiku u infrastruttura It-traffiku huwa wieħed mill-ak- bar sfidi ta' kuljum. Ma nistgħux nibqgħu nsolvu kollox billi nibnu aktar toroq biss. Hemm bżonn bidla fil-mentalità u investiment qawwi fit-trasport pubbliku, alternattivi sostenibbli bħar-roti u l-mixi, kif ukoll ippjanar aħjar tal-iżvilupp biex jitnaqqas il-bżonn ta' vjaġġi twal. Infrastruttura mod- erna għandha tkun iffukata fuq il-bżonnijiet tan-nies u l-kwalità tal-ħajja, mhux biss fuq il-kapaċità tat-toroq. 'Hemm bżonn ippjanar aħjar tal-popolazzjoni u s-servizzi ' Intervista ma' John Grech, Kandidat Laburista fuq l-Ewwel u t-Tmien Distrett "Irridu nindirizzaw il-kawżi fundamentali tal-migrazzjoni u nsaħħu l-koperazzjoni ma' pajjiżi ta' oriġini u tranżitu"