Issue link: https://maltatoday.uberflip.com/i/212253
SPORTSillum Il-Ħadd 17 ta' Novembru 2013 | illum 27 "Zanetti ġej mill- Jikkunsidra istess pjaneta ta' li jingaġġa lil Ferguson Superman" bħala kowċ iżda... F'kummenti li għadda, Moratti ċċajta li Zanetti ġej mill-istess pjaneta ta' Superman - Krypton IL-PRESIDENT ta' Inter, Massimo Moratti li nhar il-Ġimgħa li għadda ħalla 70 % tat-tmexxija ta' Inter f 'idejn il-biljunarju Indoneżjan li qed ikun imlaqqam il-Berlusconi tal-Indoneżja, Erick Thohir, f 'kummenti li għadda lill-media ċċajta li l-plejer Arġentin u captain ta' Inter, Javier Zanetti għadu għaddej daqshekk b'saħħtu minħabba li huwa ġej minn barra din id-dinja, eżattament millistess pjaneta li minnha jiġi 'Superman', Krypton! Dan hekk kif Zanetti rritorna fl-azzjoni wara sitt xhur biss li kien sofra injury serja fl-Achilles tendon u daħal fl-azzjoni fit-tieni taqsima fir-rebħa ta' 2-0 li Inter kisbu kontra Livorno f 'San Siro fejn Zanetti beda l-azzjoni li waslet għall-gowl ta' Nagatomo fid-90 minuta. U dan hekk kif kien mistenni li Zanetti jirritorna fl-azzjoni propju f 'Diċembru. Barra minn hekk l-istess Moratti afferma li l-istess Javier Zanetti jista' jibqa' jilgħab sa mill-anqas 4 jew 5 snin oħra. Id-difensur li llum jgħodd l-40 sena kien l-ewwel plejer li Moratti ffirma meta ħa t-tmexxija tan-Nerazzurri lura fl-1995. F'iktar kummenti li għadda lill-media, Moratti saħaq li Zanetti kien l-ewwel plejer li ra u l-ewwel plejer li għażel biex jingħaqad ma' Inter fejn kienu ngaġġawh mingħand it-tim Arġentin, Banfield. Il-President ta' Inter afferma wkoll li kien ikun ferm kuntent li kieku ffirma lillkompatrijott ta' Zanetti, ilfenomenu Lionel Messi iżda spjega li dan il-plejer kien wisq marbut ma' Barcelona. Sadanittant, ġie rrappurtat li Moratti li llum jgħodd it-68 sena jista' jkompli fl-irwol tiegħu ta' President ta' Inter iżda huwa żvela li jinsab lest li jinżel mill-kariga tiegħu. Huwa spjega li kien jaf li ma setax ikun President ta' Inter għal ħajtu kollha fejn fl-2011 wara li Inter kienu rebħu l-Coppa Italia, kien għaddielu minn moħħu li kien wasal iż-żmien li jieħu pass lura u jħalli lill-klabb isib soluzzjoni ġdida. Huwa kompla li l-fatt li biegħ 70% tal-ishma tal-klabb lil Erick Thohir għandu jkun ta' benefiċċju għall-klabb, li hu dak li huwa finalment irid jara. Moratti stqarr li dan għandu jiftaħ orizzonti ġodda għall-klabb minn Milan. Intant, wara r-rebħa kontra Livorno fi tmiem il-ġimgħa li għaddiet il-captain ta' Inter Zanetti għadda kliem ta' tifħir u ringrazzjament għal dak kollu li Moratti għamel għall-klabb ta' Inter matul dawn l-aħħar snin. Huwa afferma li r-relazzjoni ta' bejniethom tmur lil hinn minn sempliċiment dik bejn President u captain ta' klabb. Zanetti saħaq li Moratti jimmeritah bis-sħiħ dan ir-ringrazzjament u iktar minn hekk għal dak kollu li għamel ma' Inter. Ilcaptain ta' Inter ikkonkluda li bħala Inter iridu jidħlu lura fit-tiġrija għar-rebħ tal-kampjonat fejn finalment il-klassifika għandha turi fejn Inter se jispiċċaw fi tmiem dan l-istaġun, iżda Zanetti kkonkluda li blispirtu li hemm bħalissa fit-tim ta' Inter, huma jistgħu tabilħaqq jaslu għal tragwardi importanti. IL-LEĠĠENDA ħajja talfutbol mondjali, David Beckham ikkunsidra li jsaqsi lil Sir Alex Ferguson biex imexxi lit-tim millMajor Soccer League flIstati Uniti, Miami, liema tim se jkun qed jinxtara mill-istess Beckham fil-jiem li ġejjin, qabel l-eks kowċ ta' Manchester United ikkritikah flawtobijografija tiegħu li mistennija tkun 'bestseller' madwar id-dinja kollha. Meta kien qed jirrispondi għall-ewwel darba rigward il-mod li bih Ferguson iddiskuta lilu fil-ktieb tiegħu fejn ġie żvelat kif ir-realzzjoni ta' bejn Beckham u Ferguson tkissret wara ż-żwieġ ta' Beckham mal-mara tiegħu u eks 'Spice Girl', Victoria – l-eks captain tat-tim nazzjonali Ingliż deher li kien weġġa' u ddiżappunta ruħu bid-deċiżjoni taleks kowċ Skoċċiż li kiseb suċċess f 'kull livell talfutbol mondjali, li jagħmel l-affarijiet daqshekk ċari fil-pubbliku. Ferguson saħaq li ddeċieda li jbigħ lil Beckham minħabba l-fatt li dan il-plejer ħaseb li kien iktar importanti minn dawk ta' madwaru. Meta kien qed iniedi l-awtobijografija tiegħu, David Beckham afferma li kien qed jippjana li joffri lil Ferguson, li llum għandu 71 sena, iċ-ċans li jkun il-kowċ tat-tim li se jkun qed imexxi Beckham fil-futur qarib, Miami li se jkun ibbażat fl-istess belt flIstati Uniti li tajjeb ngħidu li hija t-tielet l-iktar belt fqira fl-Istati Uniti wara Detroit u Michigan. Iżda, meta ġie mistoqsi mill-persuna li kien qed jintervista lil Beckham, Jake Humphrey dwar il-fatt jekk Ferguson kienx kiser regola tad-deheb meta ppubblika stejjer minn ġod-dressing room ta' Manchester United, speċjalment meta kienet ix-xewqa tal-kowċ Skoċċiż innifsu li jżomm l-affarijiet li jiġu diskussi fid-dressing room tal-United kollha sigrieti, Beckham wieġeb li apparentament dawn l-istejjer joħorġu filpubbliku, kif fil-fatt ġara! Ir-relazzjoni ta' bejn Ferguson u Beckham intemmet wara ż-żwieġ tal-eks captain tat-tim nazzjonali Ingliż ma' Victoria Beckham